ವಿಶ್ವ ಪಾರಂಪರಿಕಾ ಸ್ಥಾನಗಳಲ್ಲಿಯೂ ಸ್ವಜನ ಪಕ್ಷಪಾತವೇ?: ಅಕ್ರಮ ರೆಸಾರ್ಟ್‌ಗಳ ತೆರವಿನಲ್ಲಿ ಪಕ್ಷಪಾತದ ಆರೋಪ

ವಿಶ್ವಪರಂಪರೆ ಪಟ್ಟಿಯಲ್ಲಿರುವ ಹಂಪಿ, ಹಂಪಿಯು ವಿಜಯ ನಗರ ಜಿಲ್ಲೆಯ ವ್ಯಾಪ್ತಿಯಲ್ಲಿದೆ. ಆದರೆ ವಿಶ್ವಪರಂಪರೆ ಪಟ್ಟಿಯಲ್ಲಿ ಕೇವಲ ಹಂಪಿ ಮಾತ್ರವಿಲ್ಲ, ಕೊಪ್ಪಳ ಜಿಲ್ಲೆಯ ಆನೇಗೊಂದಿ ಭಾಗವು ಇದೆ. ಯುನೆಸ್ಕೋ ವಿಶ್ವಪರಂಪರೆ ಪಟ್ಟಿಯಲ್ಲಿ ಹಂಪಿ ಸೇರಿಸಿದ ನಂತರ ರಾಜ್ಯ ಸರಕಾರವು ಹಂಪಿ ಅಭಿವೃದ್ದಿ ಪ್ರಾಧಿಕಾರವನ್ನು ರಚಿಸಿದೆ. ಹವಾಮಾ ವ್ಯಾಪ್ತಿಯಲ್ಲಿ ಕೊಪ್ಪಳ ಜಿಲ್ಲೆಯ 15 ಹಾಗು ವಿಜಯನಗರ ಜಿಲ್ಲೆಯ 14 ಹಳ್ಳಿಗಳಿವೆ. ಹವಾಮಾ ವ್ಯಾಪ್ತಿಯ ಗ್ರಾಮಗಳಲ್ಲಿ ಯಾವುದೇ ರೀತಿ ಕಟ್ಟಡ ಸೇರಿ ವ್ಯಾಪಾರ ವಹಿವಾಟಿಗೆ ಹವಾಮಾದ ಪರವಾನಿಗೆ ಪಡೆಯಬೇಕು. ಆದರೆ ನಿಯಮ ಮೀರಿ ಇಲ್ಲಿ ರೆಸಾರ್ಟ್ ಹಾಗು ರೆಸ್ಟೋರೆಂಟ್ ಗಳನ್ನು ಆರಂಭಿಸಿದ್ದಾರೆ ಎಂಬ ಕಾರಣಕ್ಕೆ ಡಿಸೆಂಬರ್ 29 ರಂದು ಆನೇಗೊಂದಿ ಸುತ್ತಲಿನ ಸುಮಾರು 30 ರೆಸಾರ್ಟ್‌ಗಳನ್ನು ಬಂದ್ ಮಾಡಿಸಲಾಗಿದೆ. ಆದರೆ ಹವಾಮಾವು ಹಂಪಿ ಭಾಗದಲ್ಲಿರುವ ರೆಸಾರ್ಟ್‌ಗಳು ಹಾಗು ರೆಸ್ಟೋರೆಂಟ್‌ಗಳ ಮೇಲೆ ನಿರ್ಬಂಧ ಹಾಕಿಲ್ಲ. ಹಂಪಿ, ಕಮಲಾಪುರ, ಕಡ್ಡಿ ರಾಂಪುರ ಸೇರಿದಂತೆ ವಿವಿಧಡೆ ಸುಮಾರು 80 ರೆಸಾರ್ಟ್ಗಳು ಹಾಗೂ ರೆಸ್ಟೋರೆಂಟ್ಗಳಿವೆ ಅವುಗಳ ಮೇಲೆ ಯಾವುದೇ ನಿರ್ಬಂಧ ಹಾಕಿಲ್ಲ ಎಂಬ ಆರೋಪ ಕೇಳಿ ಬರುತ್ತಿದೆ.