11 ದಿನ ಪೂರೈಸಿದ ದೊಡ್ಲ ಡೈರಿ ನೌಕರರ ಪ್ರತಿಭಟನೆ

ಗಂಗಾವತಿ ; ತಾಲೂಕಿನ ಇಂದರಗಿ ಬಳಿಯ ದೊಡ್ಲ ಹಾಲಿನ ಡೈರಿಯ ನೌಕರರು ನಡೆಸುತ್ತಿರುವ ಅನಿರ್ದಿಷ್ಟಾವಧಿ ಧರಣಿಯು ಮಂಗಳವಾರದಂದು 11 ದಿನಗಳನ್ನು ಪೂರೈಸಿತು.

ದೊಡ್ಲ ಹಾಲಿನ ಡೈರಿಯಲ್ಲಿ ಕೆಲಸ ಮಾಡುತ್ತಿದ್ದ ಸ್ಥಳೀಯ ನೌಕರರನ್ನು ಏಕಾಏಕಿ ಕೆಲಸದಿಂದ ತೆಗೆದು ಹಾಕಲಾಗಿದೆ. ಕಂಪನಿಯು ಆರಂಭವಾದಗಿನಿಂದ 150ಕ್ಕೂ ಹೆಚ್ಚು ಸ್ಥಳೀಯ ನೌಕರರೇ ಇಲ್ಲಿ ಕೆಲಸ ಮಾಡುತ್ತ ಬಂದಿದ್ದಾರೆ. ಆದರೆ ಸದ್ಯ ಸ್ಥಳೀಯರನ್ನು ಕೆಲಸದಿಂದ ತೆಗೆದು ಹಾಕಿದ್ದರಿಂದ ನೌಕರರ ಕುಟುಂಬಗಳು ಬೀದಿಗೆ ಬೀಳುವ ಪರಿಸ್ಥಿತಿ ನಿರ್ಮಾಣವಾಗಿದೆ. ಸ್ಥಳೀಯರನ್ನು ಕಣೆಗಣಿಸಿ ಆಂಧ್ರ ಮೂಲದವರನ್ನು ನೇಮಿಸಿಕೊಳ್ಳಲು ಮುಂದಾಗಿದ್ದಾರೆ. ಇದನ್ನು ಖಂಡಿಸಿ ಸ್ಥಳೀಯ ನೌಕರರು ಕಳೆದ 11 ದಿನಗಳಿಂದ ಅನಿರ್ಧಿಷ್ಟಾವಧಿ ಧರಣಿ ನಡೆಸುತ್ತಿದ್ದಾರೆ. ಪ್ರತಿಭಟನಾ ಸ್ಥಳಕ್ಕೆ ಶಾಸಕ ಪರಣ್ಣ ಮುನವಳ್ಳಿ ಭೇಟಿ ನೀಡಿ, ಕಂಪನಿಯವರೊಂದಿಗೆ ಮಾತುಕತೆ ನಡೆಸಿದರು. ಬಿಜೆಪಿ ಮುಖಂಡರಾದ ತಿಪ್ಪೇರುದ್ರಸ್ವಾಮಿ, ಯಮನಪ್ಪ ವಿಠಲಾಪುರ, ವೆಂಕಟೇಶ, ಹನುಮೇಶ ಮಡಿವಾಳ, ಫಕೀರಪ್ಪ, ಮಂಜುನಾಥ ಕಟ್ಟಿಮನಿ, ನೌಕರರಾದ ಹನುಮಂತಪ್ಪ, ಯಮನೂರಪ್ಪ, ಲಕ್ಷ ್ಮಣ ನಾಯಕ ಹಾಗೂ ಇತರರಿದ್ದರು.