ಕೊಪ್ಪಳ: ದೇಶ - ವಿದೇಶಗಳಲ್ಲಿ ನಡೆಯುತ್ತಿರುವ ಎನ್‌ಆರ್‌ಸಿ ಮತ್ತು ಸಿಎಎ ವಿರೋಧಿ ಪ್ರತಿಭಟನೆ ಇದೀಗ ಮದುವೆಗೂ ಕಾಲಿಟ್ಟಿದೆ. ಇಲ್ಲಿನ ಶಾದಿ ಮಹಲ್‌ನಲ್ಲಿ ನಡೆದ ಮದುವೆ ಈ ಮೂಲಕ ಗಮನ ಸೆಳೆದಿದೆ.

ನಗರದ ಶಾದಿ ಮಹಲ್‌ನಲ್ಲಿ ಶುಕ್ರವಾರ ಜರುಗಿದ ಮದುವೆ ಸಮಾರಂಭದ ವೇದಿಕೆಯಲ್ಲಿ ಮದುವೆ ವರ ಸಹಿತ ಇತರರು ಸಿಎಎ ಹಾಗೂ ಎನ್‌ಆರ್‌ಸಿ ವಿರುದ್ಧ ಪ್ರತಿಭಟಿಸುವ ಮೂಲಕ ಪೌರತ್ವ ವಿರೋಧಿ ಹೋರಾಟವನ್ನು ಮತ್ತೊಂದು ಹೆಜ್ಜೆ ಮುಂದಕ್ಕೆ ಕೊಂಡೊಯ್ದಿದ್ದಾರೆ.

ವರ ಮಹ್ಮದ್‌ ಇಸ್ಮಾಯಿಲ್‌ ತಮ್ಮ ಮದುವೆ ಸಮಾರಂಭದಲ್ಲಿ ಪೌರತ್ವ ಕಾಯಿದೆ ತಿದ್ದುಪಡಿ ವಿರೋಧಿಸಿದ ಭಿತ್ತಿ ಪತ್ರಗಳನ್ನು ಹಿಡಿದರು. ಇದಕ್ಕೆ ಅವರ ತಂದೆ ರಿಜ್ವಾನ್‌ ಸಾಬ್‌ ಹಾಗೂ ಇತರರು ಸಾಥ್‌ ನೀಡಿದರು.

ಸಿಎಎ, ಎನ್‌ಆರ್‌ಸಿಗೆ ವಿರೋಧ; ಕಾಂಗ್ರೆಸ್‌ನಿಂದ ಡಿ. 28 ಕ್ಕೆ ದೇಶಾದ್ಯಂತ ಪ್ರತಿಭಟನೆ

“ಸಂವಿಧಾನ ಹಾಗೂ ಮನುಷ್ಯ ವಿರೋಧಿ ಕಾಯಿದೆ ವಿರುದ್ಧ ಎಲ್ಲರೂ ಧ್ವನಿ ಎತ್ತಬೇಕು. ಮದುವೆ ಸಮಾರಂಭದ ವೇದಿಕೆಯಲ್ಲೂ ಈ ಕುರಿತು ಧ್ವನಿ ಎತ್ತಿದ್ದೇವೆ,” ಎಂದು ರಿಜ್ವಾನ್‌ ಸಾಬ್‌ ಹಾಗೂ ಮಹ್ಮದ್‌ ಇಸ್ಮಾಯಿಲ್‌ ಹೇಳಿದ್ದಾರೆ.