ಪ್ರತಾಪ್‌ ನಡೆ ಖಂಡಿಸಿದ ಸಚಿವ ರಾಯರೆಡ್ಡಿ

ಕೊಪ್ಪಳ: ಸಂಸದ ಪ್ರತಾಪ ಸಿಂಹ ಬ್ಯಾರಿಕೇಡ್‌ಗೆ ಕಾರು ನುಗ್ಗಿಸಿದ್ದು ಕಾನೂನು ಬಾಹಿರವಾಗಿದ್ದು, ನಡೆದುಕೊಂಡ ರೀತಿ ಸರಿ ಇರಲಿಲ್ಲ ಎಂದು ಉನ್ನತ ಶಿಕ್ಷಣ ಸಚಿವ ಬಸವರಾಜ ರಾಯರಡ್ಡಿ ಹೇಳಿದರು.

ನನಗೆ ಸಂಸತ್ ಸದಸ್ಯನಿಗಿಂತ ಧರ್ಮ ಮುಖ್ಯ ಎಂದು ಸಿಂಹ ಹೇಳಿಕೆಗೆ ಪ್ರತಿಕ್ರಿಯಿಸಿದ ಸಚಿವ ರಾಯರಡ್ಡಿ, ಹೀಗೆ ಹೇಳಿದ್ರೆ ಅವರು ಸಂಸದರಾಗಿ ಮುಂದುವರಿಯಲು ಅರ್ಹರಾಗಿರುವುದಿಲ್ಲ ಎಂದರು.

ಅಲ್ಲದೇ ಪ್ರತಾಪ್‌ ಸಿಂಹ ಕಾರು ಡಿಕ್ಕಿ ಪ್ರಕರಣದಲ್ಲಿ ಪೊಲೀಸರು ಕಾನೂನಿನ ಪ್ರಕಾರ ನಡೆದುಕೊಂಡಿದ್ದಾರೆ ಎಂದು ರಾಯರೆಡ್ಡಿ ಹೇಳಿದ್ದಾರೆ. 'ರಾಜ್ಯ ಸರಕಾರ ಹಿಂದೂಗಳ ಮೇಲೆ ದೌರ್ಜನ್ಯ ಮಾಡುತ್ತಿದೆ ಎಂದು ಹೇಳಿದ್ದು ತಪ್ಪು, ಒಂದು ವೇಳೆ ಪ್ರತಾಪ ಸಿಂಹ ಅವರು ಈ ರೀತಿ ಹೇಳಿದರೆ ಅವರೇ ಆರೋಪಿಗಳಾಗುತ್ತಾರೆ, ಕೋಮುವಾದ ಯಾರೇ ಮಾಡಿದ್ದರೂ ಅವರು ದೊಡ್ಡ ಆರೋಪಿಗಳು. ತಪ್ಪನ್ನ ಅವರೇ ಮಾಡುತ್ತಿದ್ದಾರೆ ಹೊರತು ಸರಕಾರ ಮಾಡುತ್ತಿಲ್ಲ' ಎಂದು ಆರೋಪಿಸಿದ್ದಾರೆ.