ಬ್ಯಾಂಕ್‌ನಿಂದ ಡ್ರಾ ಮಾಡಿದ್ದ 1.50ಲಕ್ಷ ಎಗರಿಸಿದ ಕಳ್ಳರು

ಕೊಪ್ಪಳ: ಗಂಗಾವತಿ ನಗರದ ಎಕ್ಸಿಸ್ ಬ್ಯಾಂಕ್ ಎದುರುಗಡೆ ಗ್ರಾಹಕನ ಗಮನ ಬೇರೆಡೆ ಸೆಳೆದ ಕಳ್ಳರು 1.50 ಲಕ್ಷ ರೂಪಾಯಿ ಎಗರಿಸಿದ್ದಾರೆ.

ವೀರೇಶ ಕಳಕಪ್ಪ ವಡ್ಡರಹಟ್ಟಿ ಹಣ ಕಳೆದುಕೊಂಡ ಗ್ರಾಹಕ.

ವೀರೇಶ್ ಹಣ ಡ್ರಾ ಮಾಡಿಕೊಂಡು ಬೈಕ್ ಪಾರ್ಕ್ ಮಾಡಿದ್ದ ಕಡೆ ನಡೆದು ಹೋಗಿದ್ದಾರೆ. ಹ್ಯಾಂಡಲ್‌ಗೆ ಹಣದ ಬ್ಯಾಗ್ ನೇತು ಹಾಕಿ , ಬೈಕ್ ಸ್ಟಾರ್ಟ್ ಮಾಡಬೇಕು ಎನ್ನುವಷ್ಟರಲ್ಲಿಯೇ ಮತ್ತೊಂದು ಬೈಕ್‌ನಲ್ಲಿ ಆಗಮಿಸಿದ್ದ ಕಳ್ಳರು ಹಣ ದೋಚಿ ಪರಾರಿಯಾಗಿದ್ದಾರೆ.

ಈ ಕುರಿತು ನಗರ ಪೊಲೀಸ್ ಠಾಣೆಗೆ ದೂರು ಸಲ್ಲಿಸಲಾಗಿದ್ದು, ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.