ಕೊಪ್ಪಳ: ಚಿರತೆ ಸೆರೆಗೆ ಬೋನ್‌ಗಳ ಕೊರತೆ!

ಗಂಗಾವತಿ: ಆನೆಗೊಂದಿ ಬೆಟ್ಟದ ಪ್ರದೇಶದಲ್ಲಿಅರಣ್ಯ ಇಲಾಖೆ ಅಧಿಕಾರಿಗಳ ಜತೆಗೆ ಚಿರತೆಗಳು ಕಣ್ಣಾಮುಚ್ಚಾಲೆ ಆಡುತ್ತಿವೆ. ಚಿರತೆಗಳ ಸೆರೆಗೆ ಬೋನ್‌ಗಳ ಕೊರತೆ ಕಂಡುಬಂದಿದೆ. ಅಗತ್ಯ ಬೋನ್‌ಗಳಿಗೆ ನೆರೆಹೊರೆಯ ಜಿಲ್ಲೆಗಳ ಬೋನ್‌ಗಳಿಗೆ ಮೊರೆಹೋಗಬೇಕಿದೆ.

ಕೊಪ್ಪಳ: ಚಿರತೆ ಬೋನಿಗೆ ಬಿದ್ದರಷ್ಟೇ ಆನೆಗೊಂದಿಗೆ ಬನ್ನಿ!

ಅರಣ್ಯ ಇಲಾಖೆ ಅಧಿಕಾರಿಗಳು ಹಗಲು ರಾತ್ರಿ, ನರಭಕ್ಷಕ ಚಿರತೆಯ ಸೆರೆಗೆ ಹರಸಾಹಸ ಮುಂದುವರಿಸಿದ್ದಾರೆ. ಸಿಬ್ಬಂದಿಯ ಕಣ್ತಪ್ಪಿಸುವ ಚಿರತೆ, ಸಮೀಪದ ಮನೆಗಳ ಮುಂದೆ ಕಟ್ಟಿಹಾಕಿರುವ ಪ್ರಾಣಿ, ನಾಯಿಗಳನ್ನು ಹೊತ್ತೊಯ್ಯುತ್ತಿದ್ದು, ಜನರು ಚಿಂತಾಕ್ರಾಂತರಾಗಿದ್ದಾರೆ. ಚಿರತೆಗಳ ಸೆರೆಗೆ 9 ಕಡೆ ಟ್ರ್ಯಾಪ್‌ ಹಾಗೂ ಡ್ರೋಣ್‌ ಕ್ಯಾಮೆರಾಗಳನ್ನು ಅಳವಡಿಸಲಾಗಿದೆ. ಆದರೆ, ಈ ಕ್ಯಾಮೆರಾಗಳಲ್ಲಿಚಿರತೆಗಳ ಸುಳಿವು ಪ್ರತ್ಯಕ್ಷವಾಗಿಲ್ಲ.


ಬೆಟ್ಟದ ಹಲವೆಡೆ ಬೋನ್‌ಗಳನ್ನು ಅಳವಡಿಸಲು ಬೋನ್‌ಗಳ ಕೊರತೆ ಕಂಡುಬಂದಿದೆ. ಗಂಗಾವತಿ ವಲಯದ 3, ಕೊಪ್ಪಳ ವಲಯದ 4 ಬೋನ್‌ಗಳು, ಹೊಸಪೇಟೆ ಹಾಗೂ ದರೋಜಿ ಕರಡಿ ಧಾಮದಿಂದ ತಲಾ 1 ಬೋನ್‌ ತರಿಸಿ ಅಲ್ಲಲ್ಲಿ ಅಳವಡಿಸಲಾಗಿದೆ. ದಿನದ 24 ತಾಸು, ಅರಣ್ಯ ಇಲಾಖೆ ಸಿಬ್ಬಂಧಿ ಗಸ್ತು ತಿರುಗುತ್ತಿದ್ದಾರೆ. ಆದರೂ, ಈ ಪ್ರದೇಶ ಚಿರತೆ ದಾಳಿ, ಹಾವಳಿಯಿಂದ ಸಂಪೂರ್ಣವಾಗಿ ಮುಕ್ತವಾಗಿಲ್ಲ. ಜನತೆ ಅಂಗೈಯಲ್ಲೇ ಜೀವ ಹಿಡಿದು ದಿನ ದೂಡಬೇಕಿದೆ.