ಸಾಮಾಜಿಕ ಲೆಕ್ಕ ಪರಿಶೋಧನಾ ಸಭೆ

ಗಂಗಾವತಿ; ಸಮೀಪದ ಹುಳ್ಕಿಹಾಳ ಗ್ರಾ.ಪಂ.ಆವರಣದಲ್ಲಿ 2015-16 ನೇ ಸಾಲಿನ ಮಹಾತ್ಮ ಗಾಂಧಿ ರಾಷ್ಟ್ರೀಯ ಉದ್ಯೋಗ ಖಾತರಿ ಯೋಜನೆಯಡಿ ಸಾಮಾಜಿಕ ಲೆಕ್ಕ ಪರಿಶೋಧನಾ ಗ್ರಾಮ ಸಭೆ ಬುಧವಾರ ನಡೆಯಿತು.

ತಾಲೂಕು ಸಾಮಾಜಿಕ ಪರಿಶೋಧಕ ವೀರನಗೌಡ ಪಿ. ಮಾತನಾಡಿ, ಕಳೆದ ವರ್ಷದ ಕ್ರಿಯಾಯೋಜನೆಯ ಒಟ್ಟು 44, 84,367 ಲಕ್ಷ ರೂ. ಬಳಕೆ ಮಾಡಲಾಗಿದೆ ಎಂದರು. ಪಿಡಿಒ ಪ್ರಕಾಶ ಹಿರೇಮಠ ಮಾತನಾಡಿ, ಬರಗಾಲದ ಸಂದರ್ಭದಲ್ಲಿ ಕೂಲಿ ಕಾರ್ಮಿಕರಿಗೆ ಕೆಲಸ ನೀಡಲು ಕ್ರಮ ಕೈಗೊಳ್ಳಲಾಗಿದ್ದು, ನಮೂನೆ 6ರ ಅರ್ಜಿಯನ್ನು ಭರ್ತಿ ಮಾಡಿಕೊಡಬೇಕು ಎಂದರು. ಗ್ರಾಮದಲ್ಲಿ ಕುಡಿವ ನೀರು ಹಾಗೂ ಮೂಲ ಸೌಲಭ್ಯಗಳ ಕುರಿತು ಚರ್ಚಿಸಲಾಯಿತು.

ಗ್ರಾ.ಪಂ. ಅಧ್ಯಕ್ಷ ಅಮರೇಶ ಶಿವನಗುತ್ತಿ, ಸದಸ್ಯರಾದ ವೀರೇಶ ಕಾರಟಗಿ, ಮಂಜುನಾಥ ತೊಂಡಿಹಾಳ, ಕಷ್ಣ ಬೇರಗಿ, ಶಿವಪ್ಪ, ಸತ್ಯನಾರಾಯಣ ಹಾಗೂ ಪ್ರಮುಖರಾದ ರಾಮಣ್ಣ ದಿಂಡೂರ, ಶರಣಪ್ಪ ನಾಯಕ, ಮಲ್ಲೇಶಪ್ಪ ಚಲುವಾದಿ, ಕರವಸೂಲಿಗಾರರಾದ ಅಮರೇಶ ಕಾರಟಗಿ, ಯಂಕೋಬ ಇತರರು ಇದ್ದರು.