ಬ್ಯಾಂಕ್‌ ವ್ಯವಸ್ಥಾಪಕಿ ರಮಾ ನಾಪತ್ತೆ

ಕೆ.ಆರ್‌.ಪೇಟೆ : ಪಟ್ಟಣದ ಪ್ರಮುಖ ಸರಕಾರಿ ಸ್ವಾಮ್ಯದ ಬ್ಯಾಂಕ್‌ ಎಸ್‌ಬಿಐನ ವ್ಯವಸ್ಥಾಪಕಿ ರಮಾ ಅವರು ನಾಪತ್ತೆಯಾಗಿದ್ದಾರೆ.

2018 ಡಿಸೆಂಬರ್‌ 29ರಂದು ಬ್ಯಾಂಕಿನಲ್ಲಿ ಸಂಜೆ 6.45ರವರೆಗೆ ಕರ್ತವ್ಯ ನಿರ್ವಹಿಸಿದ್ದು, ವಾಪಸ್‌ ಮನೆಗೆ ಬಂದಿಲ್ಲ. ಮೂಲತಃ ಬೆಂಗಳೂರಿನವರಾದ ರಮಾ ಅವರು ಕೆ.ಆರ್‌.ಪೇಟೆ ಶಾಖೆಗೆ ವ್ಯವಸ್ಥಾಪಕಿಯಾಗಿ ವರ್ಗಾವಣೆಯಾಗಿ ಬಂದಿದ್ದರು. ಪಟ್ಟಣದ ಟೌನ್‌ ಕ್ಲಬ್‌ ಹಿಂಭಾಗದಲ್ಲಿ ಬಾಡಿಗೆ ಮನೆಯಲ್ಲಿ ವಾಸವಾಗಿದ್ದರು.

ರಮಾ ಕಾಣೆಯಾಗಿರುವ ಹಿನ್ನೆಲೆಯಲ್ಲಿ ಅವರ ಪತಿ ಕೃಷ್ಣಮೂರ್ತಿ ಪಟ್ಟಣ ಪೊಲೀಸರಿಗೆ ದೂರು ನೀಡಿದ್ದಾರೆ. ಬ್ಯಾಂಕ್‌ ವ್ಯವಸ್ಥಾಪಕಿ ದಿಢೀರ್‌ ಕಾಣೆಯಾಗಿರುವುದರಿಂದ ಸಾರ್ವಜನಿಕ ವಲಯದಲ್ಲಿ ಆತಂಕ ಮೂಡಿಸಿದೆ.