ಆಂಜನೇಯನಿಗೆ ನಾಣ್ಯಗಳ ಅಲಂಕಾರ

ಶ್ರೀರಂಗಪಟ್ಟಣ: ಹನುಮ ಜಯಂತಿ ಅಂಗವಾಗಿ ತಾಲೂಕಿನ ಮರಳಗಾಲ ಗ್ರಾಮದ ಆಂಜನೇಯ ವಿಗ್ರಹಕ್ಕೆ ಗ್ರಾಮಸ್ಥರು ಬುಧವಾರ ಬೆಣ್ಣೆ ಹಾಗೂ ನಾಣ್ಯಗಳಿಂದ ಅಲಂಕಾರ ಮಾಡಿ ವಿಶೇಷ ಪೂಜೆ ಸಲ್ಲಿಸಿದರು.

ಆಂಜನೇಯ ಮೂರ್ತಿಯ ಅಲಂಕಾರಕ್ಕಾಗಿ 2, 5 ಹಾಗೂ 10 ರೂ. ಮುಖಬೆಲೆಯ ನಾಣ್ಯಗಳ ಒಟ್ಟು 3 ಸಾವಿರ ರೂ. ಹಾಗೂ ಬೆಣ್ಣೆಯನ್ನು ಬಳಕೆ ಮಾಡಲಾಗಿತ್ತು. ನಾಣ್ಯದ ಅಲಂಕಾರದಲ್ಲಿ ಕಂಗೊಳಿಸುತ್ತಿರುವ ಮೂರ್ತಿಯನ್ನು ನೋಡಲು ಮರಳಗಾಲ, ದೊಡ್ಡಪಾಳ್ಯ, ಚಿಕ್ಕಪಾಳ್ಯ, ಅಲ್ಲಾಪಟ್ಟಣ, ಚಿನ್ನಾಯಕನಹಳ್ಳಿ, ಕೊಡಿ ಸೇರಿದಂತೆ ತಾಲೂಕಿನ ಸುತ್ತಮುತ್ತಲಿನ ಗ್ರಾಮಗಳ ಜನರು ಆಗಮಿಸಿ ದೇವರಿಗೆ ವಿಶೇಷ ಪೂಜೆ ಸಲ್ಲಿಸಿದರು.