ಕಂಟೇನರ್‌ ಅಡ್ಡಗಟ್ಟಿ ದರೋಡೆ

ಶ್ರೀರಂಗಪಟ್ಟಣ : ಬೆಂಗಳೂರು-ಮೈಸೂರು ಹೆದ್ದಾರಿಯ ಶ್ರೀರಂಗಪಟ್ಟಣ ಹೊರವಲಯದಲ್ಲಿರುವ ಬೊಮ್ಮೂರು ಅಗ್ರಹಾರ ಬಳಿ ಬುಧವಾರ ತಡರಾತ್ರಿ ಕಂಟೇನರ್‌ವೊಂದನ್ನು ಅಡ್ಡಗಟ್ಟಿದ 8 ಮಂದಿ ದರೋಡೆಕೋರರು ಮಾರಕಾಸ್ತ್ರ ತೋರಿಸಿ ಚಾಲಕನ ಬಳಿಯಿದ್ದ 35,900 ರೂ. ಹಾಗೂ ಮೊಬೈಲ್‌ ಕಿತ್ತುಕೊಂಡು ಪರಾರಿಯಾಗಿದ್ದಾರೆ.

ಉತ್ತರಪ್ರದೇಶದ ಪ್ರತಾಪ್‌ಗಢ ಜಿಲ್ಲೆಯ ಮಾನಪಟ್ಟಿ ಗ್ರಾಮದ ಶಾರುಖ್‌ಶೇಖ್‌ ಹಣ ಕಳೆದುಕೊಂಡವರು.

ಕಾರು ಹಾಗೂ ಬೈಕ್‌ನಲ್ಲಿ ಬಂದ 8 ಮಂದಿ ದರೋಡೆಕೋರರು ಮೈಸೂರಿನಿಂದ ಬೆಂಗಳೂರು ಕಡೆಗೆ ರಾತ್ರಿ 10.30ರ ಸುಮಾರಿಗೆ ತೆರಳುತ್ತಿದ್ದ ಕಂಟೇನರ್‌ ಅಡ್ಡಗಟ್ಟಿ ಹಣ ಮತ್ತು ಮೊಬೈಲ್‌ ಕಸಿದು ಪರಾರಿಯಾದರು ಎಂದು ಕಂಟೇನರ್‌ ಲಾರಿ ಚಾಲಕ ಪೊಲೀಸರಿಗೆ ನೀಡಿರುವ ದೂರಿನಲ್ಲಿ ತಿಳಿಸಿದ್ದಾರೆ. ಪಟ್ಟಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.