ಮಂಡ್ಯ: ಮತದಾನ ಬಹಿಷ್ಕರಿಸಿದ ಕುದುರುಗುಂಡಿ ದಲಿತ ಕಾಲೋನಿ ನಿವಾಸಿಗಳು

ಮಂಡ್ಯ : ಜಿಲ್ಲಾ ಹಾಗೂ ತಾಲ್ಲೂಕು ಆಡಳಿತ ಮೂಲಭೂತ ಸೌಲಭ್ಯ ಕಲ್ಪಿಸದ ಹಿನ್ನೆಲೆಯಲ್ಲಿ ಮದ್ದೂರು ತಾಲ್ಲೂಕಿನ ಕುದುರುಗುಂಡಿ ದಲಿತ ಕಾಲೋನಿ ನಿವಾಸಿಗಳು ಮತದಾನ ಬಹಿಷ್ಕರಿಸಿ ಪ್ರತಿಭಟನೆ ನಡೆಸಿದರು.

ಕುದುರುಗುಂಡಿ ಕಾಲೋನಿಯ ಸರ್ವೆ ನಂ 245ರಲ್ಲಿ ತೊಂಬತ್ತು ಮೂರು ಎಕರೆ ಜಮೀನನ್ನು ಹೊಂದಿದ್ದು ಗೋಮಾಳ ಹೆಸರಿನಲ್ಲಿದ್ದು ದುರಸ್ತಿ ಹಾಗೂ ಅಕರ್ ಬಂಧು ಮಾಡದ ಜಿಲ್ಲಾಡಳಿತ ಸ್ಥಳೀಯ ನಿವಾಸಿಗಳನ್ನು ನಿರ್ಲಕ್ಷಿಸಿರುವುದಾಗಿ ಆರೋಪಿಸಿದರು. ಕಾಲೊನಿಯಲ್ಲಿ ರಸ್ತೆ ಕುಡಿಯುವ ನೀರು ಸ್ಮಶಾನ ಕಟ್ಟೆ ಸೇರಿದಂತೆ ಯಾವುದೇ ಸೌಲಭ್ಯಗಳನ್ನು ನೀಡದೆ ವಂಚಿಸುತ್ತಿರುವುದಾಗಿ ಆರೋಪಿಸಿದರು. [Karnataka By-Election Voting Live: ಶಿವಮೊಗ್ಗ, ರಾಮನಗರ, ಮಂಡ್ಯ, ಬಳ್ಳಾರಿ, ಜಮಖಂಡಿಯಲ್ಲಿ ಮತದಾನ]

ಮಂಡ್ಯ ಲೋಕಸಭೆ ಚುನಾವಣೆಯಲ್ಲಿ 11 ಗಂಟೆಗೆ ಒಟ್ಟು ಶೇ.13.35ರಷ್ಟು ಮತದಾನವಾಗಿದೆ.
ಮಂಡ್ಯ- 12.83%
ಮೇಲುಕೋಟೆ- 13.54%
ಕೆ.ಆರ್.ಪೇಟೆ- 11.56%
ಮದ್ದೂರು-16.83%
ಶ್ರೀರಂಗಪಟ್ಟಣ-13.83%
ನಾಗಮಂಗಲ-16.8 %
ಕೆ.ಆರ್.ನಗರ-10.47 %ರಷ್ಟು ಮತದಾನವಾಗಿದೆ.