ಮನ್‌ಮುಲ್‌ನಲ್ಲಿಜೆಡಿಎಸ್‌ ಅಧಿಧಿಕಾರ: ಸಿಎಸ್‌ಪಿ ವಿಶ್ವಾಸ

ಮಂಡ್ಯ: ಮಂಡ್ಯ ಜಿಲ್ಲಾಹಾಲು ಉತ್ಪಾದಕರ ಸಹಕಾರ ಸಂಘಗಳ ಒಕ್ಕೂಟದ(ಮನ್‌ಮುಲ್‌) ಆಡಳಿತ ಮಂಡಳಿ ಚುನಾವಣೆಯಲ್ಲಿ12 ಸ್ಥಾನಗಳ ಪೈಕಿ 8ರಲ್ಲಿಜೆಡಿಎಸ್‌ ಗೆದ್ದಿರುವ ಹಿನ್ನೆಲೆಯಲ್ಲಿಅಧಿಕಾರದ ಗದ್ದುಗೆ ಹಿಡಿಯಲಿದೆ ಎಂದು ಶಾಸಕ, ಮಾಜಿ ಸಚಿವ ಸಿ.ಎಸ್‌.ಪುಟ್ಟರಾಜು ವಿಶ್ವಾಸ ವ್ಯಕ್ತಪಡಿಸಿದರು.

''ಬಿಜೆಪಿಗೆ ನೈತಿಕತೆ ಇಲ್ಲದಿದ್ದರೂ ರಾಜ್ಯದಲ್ಲಿಆಡಳಿತ ನಡೆಸುತ್ತಿದೆ. ಇದೀಗ ಮನ್‌ಮುಲ್‌ನಲ್ಲೂವಾಮಮಾರ್ಗದಿಂದ ಅಧಿಕಾರ ಹಿಡಿಯಲು ಹವಣಿಸುತ್ತಿದೆ. ಆದರೆ ಇದಕ್ಕೆ ಜೆಡಿಎಸ್‌ ಅವಕಾಶ ಮಾಡಿಕೊಡುವುದಿಲ್ಲ. ಮನ್‌ಮುಲ್‌ ಆಡಳಿತ ಮಂಡಳಿ ಚುಕ್ಕಾಣಿಯನ್ನು ಜೆಡಿಎಸ್‌ ಹಿಡಿಯಲಿದೆ,'' ಎಂದು ಸುದ್ದಿಗೋಷ್ಠಿಯಲ್ಲಿವಿಶ್ವಾಸ ವ್ಯಕ್ತಪಡಿಸಿದರು.

''ಅಗತ್ಯ ಬಿದ್ದರೆ ಕಾಂಗ್ರೆಸ್‌ನೊಂದಿಗೆ ಮೈತ್ರಿ ಮಾಡಿಕೊಳ್ಳುತ್ತೇವೆ. ಮನ್‌ಮುಲ್‌ನಲ್ಲಿಭ್ರಷ್ಟಾಚಾರ ನಡೆಸಿದ್ದರಿಂದ ಹಳೇ ಆಡಳಿತ ಮಂಡಳಿಯನ್ನು ಜನ ಮನೆಗೆ ಕಳುಹಿಸಿದ್ದಾರೆ,'' ಎಂದರು.

ಜಿಟಿಡಿಗೆ ನೋವಾಗಿದೆ: ಮತ್ತೆ ಆಪರೇಷನ್‌ ಕಮಲ ವಿಚಾರ ಪ್ರಸ್ತಾಪಿಸಿದ ಅವರು, ''ಈಗ ಪಕ್ಷ ಬಿಟ್ಟು ಹೋದವರು ಸಾಕಷ್ಟು ಅನುಭವಿಸುತ್ತಿದ್ದಾರೆ. ಮತ್ತೆ ಹೋದರೆ 17 ಶಾಸಕರಿಗಾದ ಪರಿಸ್ಥಿತಿ ಇವರಿಗೂ ಆಗಲಿದೆ,'' ಎಂದು ಎಚ್ಚರಿಸಿದರು. ಮಾಜಿ ಸಚಿವ ಜಿ.ಟಿ.ದೇವೇಗೌಡ ಅಸಮಾಧಾನ ವಿಚಾರವಾಗಿ ಪ್ರತಿಕ್ರಿಯಿಸಿದ ಅವರು, ''ಜಿಟಿಡಿ ಅವರಿಗೆ ನೋವಾಗಿರೋದು ಸತ್ಯ. ಪಕ್ಷದ ನಾಯಕರು ಅದನ್ನು ಸರಿಪಡಿಸಲಿದ್ದಾರೆ,'' ಎಂದು ಹೇಳಿದರು.