1.22 ಲಕ್ಷ ಕ್ಯುಸೆಕ್‌ಗೆ ಇಳಿದ ಕೆಆರ್‌ಎಸ್ ಒಳ ಹರಿವು

ಮಂಡ್ಯ: ಕೆಆರ್‌ಎಸ್ ಜಲಾಶಯಕ್ಕೆ ಹರಿದು ಬರುತ್ತಿದ್ದ ನೀರಿನ ಪ್ರಮಾಣ ಕುಸಿದಿದೆ.

ಸೋಮವಾರ ಬೆಳಗ್ಗೆ 2,04,200 ಕ್ಯುಸೆಕ್ ಇದ್ದ ಒಳ ಹರಿವಿನ ಪ್ರಮಾಣವು ಸಂಜೆ ವೇಳೆಗೆ 1,22,983 ಕ್ಯುಸೆಕ್‌ಗೆ ಇಳಿದಿದೆ.

ಇದರೊಂದಿಗೆ ಹೊರ ಹರಿವನ್ನು 49342 ಕ್ಯುಸೆಕ್‌ಗೆ ಇಳಿಸಲಾಗಿದೆ. ಭಾನುವಾರ ಸಂಜೆ 2,05,852 ಕ್ಯುಸೆಕ್ ಇದ್ದ ಒಳ ಹರಿವಿನ ಪ್ರಮಾಣ ಸೋಮವಾರ ಬೆಳಗ್ಗೆ 2.04 ಲಕ್ಷ ಕ್ಯುಸೆಕ್ ಇತ್ತು. ಈ ಪ್ರಮಾಣವು ಸಂಜೆ 6ರ ವೇಳೆಗೆ 1.22 ಲಕ್ಷ ಕ್ಯುಸೆಕ್‌ಗೆ ಕುಸಿಯಿತು.

ಆದರೆ, ಸೋಮವಾರ ಬೆಳಗ್ಗೆ 122.40 ಅಡಿ ಇದ್ದ ನೀರಿನ ಮಟ್ಟವು ಹೊರ ಹರಿವಿನಿಂದ ಹೆಚ್ಚಳದಿಂದಾಗಿ ಸಂಜೆ ವೇಳೆಗೆ 121.80 ಅಡಿಗೆ ಇಳಿದಿತ್ತು. ಆದರೆ, ಹೊರ ಹರಿವನ್ನು ಕಡಿಮೆ ಮಾಡಿರುವುದರಿಂದ ಮಂಗಳವಾರ ಸಂಜೆ ವೇಳೆಗೆ ಜಲಾಶಯ ಸಂಪೂರ್ಣ ಭರ್ತಿಯಾಗುವ ಸಾಧ್ಯತೆಯಿದೆ.