ಚಿರತೆ ದಾಳಿಗೆ ಕರು ಬಲಿ; ಆಕಳ ಸ್ಥಿತಿ ಗಂಭೀರ

ಮಂಡ್ಯ: ಹಸು ಮತ್ತು ಕರು ಮೇಲೆ ದಾಳಿ ಚಿರತೆ ದಾಳಿ ಮಾಡಿದ ಪರಿಣಾಮ ಕರು ಸಾವನ್ನಪ್ಪಿ, ಹಸು ಗಂಭೀರವಾಗಿ ಗಾಯಗೊಂಡಿರುವ ಘಟನೆ ನಾಗಮಂಗಲ ತಾಲ್ಲೂಕಿನ ಕಲ್ಲಿನಾಥಪುರ ಗ್ರಾಮದಲ್ಲಿ ಸೋಮವಾರ ತಡರಾತ್ರಿ ನಡೆದಿದೆ.

ಹಸು ಮತ್ತು ಕರು ಗ್ರಾಮದ ರಾಮೇಗೌಡ ಎಂಬ ರೈತನಿಗೆ ಸೇರಿದ್ದಾಗಿವೆ. ಎಂದಿನಂತೆ ಕೊಟ್ಟಿಗೆಯಲ್ಲಿ ಕಟ್ಟಿಹಾಕಲಾಗಿದ್ದ ಜಾನುವಾರುಗಳ ಮೇಲೆರಗಿರುವ ಚಿರತೆ ಒಂದನ್ನು ಕೊಂದು ಇನ್ನೊಂದನ್ನು ಗಾಯಗೊಳಿಸಿದೆ.

ಕಳೆದ ಒಂದು ವಾರದಿಂದ ಚಿರತೆ ಆಗಾಗ ಕಾಣಿಸಿಕೊಳ್ಳುತ್ತಿದ್ದು, ಕಲ್ಲಿನಾಥಪುರ ಮತ್ತು ಗುರುಗಳಮಾದಿಹಳ್ಳಿ ಮಾರ್ಗದ ಹಳ್ಳದ ಸಾಲಿನಲ್ಲಿ ವಾಸವಿದೆ ಎಂದು ಗ್ರಾಮಸ್ಥರು ಶಂಕಿಸಿದ್ದಾರೆ.

ಅರಣ್ಯಾಧಿಕಾರಿಗಳಿಗೆ ಸೂಕ್ತ ಸೂಚನೆ ನೀಡುವ ಮೂಲಕ ಶಾಸಕರು ಚಿರತೆಯ ಬಂಧನಕ್ಕೆ ಕ್ರಮ ಕೈಗೊಳ್ಳಬೇಕು. ಈ ಮೂಲಕ ರೈತಾಪಿ ಜನರ ಹಿತ ಕಾಯಬೇಕೆಂದು ಸ್ಥಳೀಯರು ಆಗ್ರಹಿಸಿದ್ದಾರೆ.