ನಾಗಮಂಗಲ: ಚಿರತೆ ದಾಳಿಗೆ ಬಲಿಯಾಯ್ತು ಹತ್ತು ಕುರಿ

ದೇವಲಾಪುರ/ನಾಗಮಂಗಲ: ಚಿರತೆ ದಾಳಿಯಿಂದ 10 ಕುರಿಗಳು ಮೃತಪಟ್ಟಿದ್ದು, 2 ಕುರಿಗಳನ್ನು ಚಿರತೆ ಹೊತ್ತೊಯ್ದ ಘಟನೆ ತಾಲೂಕಿನ ದೇವಲಾಪುರ ಹೋಬಳಿ ಬೋರಿಕೊಪ್ಪಲಲ್ಲಿನಡೆದಿದೆ.

ಗ್ರಾಮದ ರೈತ ಸುರೇಶ್‌ ಎಂಬುವರಿಗೆ ಸೇರಿದ ಕುರಿಗಳು ಮೃತಪಟ್ಟಿವೆ. ಗ್ರಾಮದ ಹೊರ ವಲಯದ ಕಬ್ಬಾಳಮ್ಮ ದೇವಾಲಯ ಸಮೀಪವಿದ್ದ ಕುರಿ ಕೊಟ್ಟಿಗೆಗೆ ಗುರುವಾರ ಮಧ್ಯರಾತ್ರಿ ದಾಳಿ ನಡೆಸಿರುವ ಚಿರತೆ ಕೊಟ್ಟಿಗೆಯಲ್ಲಿದ್ದ 10 ಕುರಿಗಳನ್ನು ಸಾಯಿಸಿ, ಎರಡು ಕುರಿಗಳನ್ನು ಹೊತ್ತೊಯ್ದಿದೆ. ಚಿರತೆ ದಾಳಿ ವೇಳೆ ಕೊಟ್ಟಿಗೆಯಲ್ಲಿದ್ದ ಕುರಿಗಳು ಅರಚಲಾರಂಬಿಸಿದ್ದವು. ಇದನ್ನು ಕೇಳಿ ಎಚ್ಚರಗೊಂಡ ಗ್ರಾಮಸ್ಥರು ಬಂದು ನೋಡುವಷ್ಟರಲ್ಲಿ ಹತ್ತು ಕುರಿಗಳು ಮೃತಪಟ್ಟಿದ್ದರು.

ಎರಡು ಕುರಿಗಳು ಮಾಯವಾಗಿದ್ದವು. ಈ ಭಾಗದಲ್ಲಿಆಗಾಗ ಚಿರತೆ ದಾಳಿ ನಡೆಸುತ್ತಿದೆ. ಆದರೆ ಸಂಬಂಧಪಟ್ಟ ಇಲಾಖೆ ಇತ್ತ ಗಮನ ಹರಿಸುತ್ತಿಲ್ಲ. ಇದರಿಂದಾಗಿ ಈ ಭಾಗದ ರೈತರು ಸಾಕಷ್ಟು ಸಮಸ್ಯೆ ಅನುಭವಿಸಬೇಕಾಗಿದೆ ಎಂದು ಗ್ರಾಮಸ್ಥರು ದೂರಿದ್ದಾರೆ.