ಚಿರತೆಗಳು ಪ್ರತ್ಯಕ್ಷ: ಬೆಚ್ಚಿದ ಗ್ರಾಮಸ್ಥರು

ಪಾಂಡವಪುರ: ಪಟ್ಟಣದ ವಿಸಿ ಕಾಲನಿಯಲ್ಲಿ ಗುರುವಾರ ಬೆಳಗ್ಗೆ ಎರಡು ಚಿರತೆಗಳು ಕಾಣಿಸಿಕೊಂಡ ಹಿನ್ನೆಲೆಯಲ್ಲಿ ಸ್ಥಳೀಯ ನಿವಾಸಿಗಳಲ್ಲಿ ಆಂತಕಸೃಷ್ಠಿಯಾಗಿದೆ.

ಪಟ್ಟಣದ ವಿಸಿ ಕಾಲನಿಯ ರಾಮು ಎಂಬುವರ ಮನೆಯಲ್ಲಿ ನಸುಕಿನ ಜಾವ 3.30ರ ಸುಮಾರಿಗೆ ಎರಡು ಚಿರತೆ ಮರಿಗಳು ಕಾಣಿಸಿಕೊಂಡಿವೆ. ಅವನ್ನು ಕಂಡ ನಾಯಿಗಳು ಜೋರಾಗಿ ಕೂಗಿದ ಪರಿಣಾಮ ಏನಾಗಿದೆ ಎಂದು ಜನ ಕಿಟಕಿ ಬಾಗಿಲು ತೆಗೆದು ನೋಡಿದಾಗ ಎರಡು ಚಿರತೆಯ ಮರಿಗಳು ಕಾಣಿಸಿಕೊಂಡಿವೆ ಇದನ್ನು ಕಂಡ ರಾಮು ಮನೆಯವರು ಗಾಬರಿಯಾಗಿದ್ದಾರೆ.

ಇತ್ತೀಚಿನ ದಿನಗಳಲ್ಲಿ ಚಿರತೆಯ ಹಾವಳಿ ಹೆಚ್ಚಾಗಿವೆ, ಅಕ್ಕಪಕ್ಕದಲ್ಲಿ ಕಬ್ಬಿನಗದ್ದೆಗಳು ಹೆಚ್ಚಾಗಿರುವುದರಿಂದ ಚಿರತೆಗಳು ಆಗಿಂದಾಗ್ಗೆ ಪ್ರತ್ಯಕ್ಷ ಗೊಳ್ಳುತ್ತಿವೆ ಇದರಿಂದ ಸ್ಥಳೀಯರಲ್ಲಿ ಆತಂಕ ಹೆಚ್ಚಾಗಿದ್ದು ಸಂಬಂಧಪಟ್ಟ ಅರಣ್ಯಾಧಿಕಾರಿಗಳು ಬೋನ್‌ಗಳನ್ನು ಇಟ್ಟು ಚಿರತೆಗಳ ಸೆರೆಗೆ ಮುಂದಾಗಬೇಕು ಎಂದು ಸ್ಥಳೀಯರು ಒತ್ತಾಯಿಸಿದ್ದಾರೆ.