ಮಂಡ್ಯ: ನಾಯಿ ದಾಳಿ- 4 ಕುರಿ, 1 ಮೇಕೆ ಬಲಿ

ಮಂಡ್ಯ: ತಾಲೂಕಿನ ಈಚಗೆರೆ ಗ್ರಾಮದಲ್ಲಿ ಮಂಗಳವಾರ ಮಧ್ಯಾಹ್ನ ಬೀದಿನಾಯಿಗಳ ದಾಳಿಯಿಂದ ನಾಲ್ಕು ಕುರಿಗಳು ಹಾಗೂ ಒಂದು ಮೇಕೆ ಬಲಿಯಾಗಿದೆ.

ನಿಂಗಣ್ಣ ಎಂಬುವರಿಗೆ ಸೇರಿದ ಮೇಕೆ ಹಾಗೂ ಕುರಿಗಳು ಮೃತಪಟ್ಟಿವೆ. ನಿಂಗಣ್ಣ ಅವರು ತಮ್ಮ ಕುರಿಗಳ ಹಿಂಡನ್ನು ಮೇಯಲು ಬಿಟ್ಟಿದ್ದ ಸಂದರ್ಭದಲ್ಲಿ ಬೀದಿನಾಯಿಗಳು ದಾಳಿ ನಡೆಸಿವೆ. ಗರ್ಭ ಧರಿಸಿದ್ದ ಮೇಕೆ ಹಾಗೂ ಕುರಿಗಳು ವೇಗವಾಗಿ ಓಡಲಾಗದೆ ನಾಯಿಗಳ ದಾಳಿಗೆ ಸಿಲುಕಿವೆ. ಘಟನೆಯಿಂದ 40 ಸಾವಿರಕ್ಕೂ ಹೆಚ್ಚು ನಷ್ಟವಾಗಿದ್ದು, ಪಶು ಸಂಗೋಪನಾ ಇಲಾಖೆ ಅಧಿಕಾರಿಗಳು ಸೂಕ್ತ ಪರಿಹಾರ ನೀಡಬೇಕು ಎಂದು ರೈತ ನಿಂಗಣ್ಣ ಒತ್ತಾಯಿಸಿದ್ದಾರೆ.