ಬಿಜೆಪಿಗೆ ಮನ್‌ಮುಲ್‌ ಅಧಿಕಾರ: ವಿಶ್ವಾಸ

ಮದ್ದೂರು: ಬಿಜೆಪಿ ಇದೇ ಮೊದಲ ಬಾರಿಗೆ ಮನ್‌ಮುಲ್‌ ಆಡಳಿತ ಮಂಡಳಿ ಅಧಿಕಾರ ಹಿಡಿಯಲಿದ್ದು, ಮುಖ್ಯಮಂತ್ರಿ ಯಡಿಯೂರಪ್ಪ ಅವರ ಕೈಬಲಪಡಿಸಲಾಗುವುದು ಎಂದು ಮನ್‌ಮುಲ್‌ ನಿರ್ದೇಶಕಿ ರೂಪ ತಿಳಿಸಿದರು.

ಪಟ್ಟಣದಲ್ಲಿ ಸುದ್ದಿಗೋಷ್ಠಿ ಮಾತನಾಡಿ, ''ಮನ್‌ಮುಲ್‌ ಅಧಿಕಾರ ಬಿಜೆಪಿಗೆ ದಕ್ಕುವ ವಿಶ್ವಾಸದಿಂದ ಅಧ್ಯಕ್ಷ ಗಾದಿಗೆ ಇದ್ದ ಅವಕಾಶವನ್ನು ಪಕ್ಷದ ವರಿಷ್ಠರ ನಿರ್ದೇಶನದ ಮೇರೆಗೆ ತ್ಯಾಗ ಮಾಡಿದ್ದೇನೆ,'' ಎಂದರು.

''ಬಿಜೆಪಿಯಲ್ಲಿ16 ವರ್ಷಗಳಿಂದ ಸಾಮಾನ್ಯ ಕಾರ್ಯಕರ್ತೆಯಾಗಿ ಪಕ್ಷ ಕಟ್ಟುವ ಕೆಲಸ ಮಾಡಿದ್ದೇನೆ. ಸೋಮವಾರ ನಡೆದ ಅಧ್ಯಕ್ಷ, ಉಪಾಧ್ಯಕ್ಷ ಚುನಾವಣೆ ವೇಳೆ ತಮಗೆ ಹಣ ನೀಡಿ ಮತ ಪಡೆದಿರುವುದಾಗಿ ಕೇಳಿಬಂದ ಆರೋಪ ನಿರಾಧಾರ. ಬಿಜೆಪಿ ತಮಗೆ ಇಂತಹ ಸಂಸ್ಕೃತಿ ಕಲಿಸಿಲ್ಲ,'' ಎಂದು ಹೇಳಿದರು.

ಬಿಜೆಪಿ ಜಿಲ್ಲಾಘಟಕದ ಉಪಾಧ್ಯಕ್ಷ ಎಂ. ಸತೀಶ್‌, ಪಿಎಲ್‌ಡಿ ಬ್ಯಾಂಕ್‌ ಮಾಜಿ ಅಧ್ಯಕ್ಷ ಗೆಜ್ಜಲಗೆರೆ ಚಂದ್ರಶೇಖರ್‌ ಉಪಸ್ಥಿತರಿದ್ದರು.