ಟ್ಯಾಂಕರ್‌ ಮಗುಚಿ ಮಣ್ಣುಪಾಲಾದ ಹಾಲು

ಕೆ.ಆರ್‌.ಪೇಟೆ: ತಾಲೂಕಿನ ಅಘಲಯ ಸಮೀಪ ಹಾಲು ಸಾಗಣೆ ವಾಹನ ಚಾಲಕನ ನಿಯಂತ್ರಣ ತಪ್ಪಿ ರಸ್ತೆಯಿಂದ ಹಳ್ಳದ ಜಮೀನಿಗೆ ಉರುಳಿದ ಪರಿಣಾಮ ವಾಹನದಲ್ಲಿದ್ದ ಸುಮಾರು 1 ಲಕ್ಷ ರೂ. ಮೌಲ್ಯದ 3 ಸಾವಿರ ಲೀಟರ್‌ ಹಾಲು ಮಣ್ಣು ಪಾಲಾಗಿದೆ.

ತಾಲೂಕಿನ ಸಂತೇಬಾಚಹಳ್ಳಿ ಹೋಬಳಿಯ ನಾನಾ ಗ್ರಾಮಗಳಲ್ಲಿರುವ ಹಾಲಿನ ಡೇರಿಗಳಿಂದ ಹಾಲು ಸಂಗ್ರಹಿಸಿ ಸಾಗಿಸುವ ಮಿನಿ ಲಾರಿಯು ಹಲಸಿನಹಳ್ಳಿ ಮತ್ತು ನಾಗರಘಟ್ಟ ಸಂಪರ್ಕ ರಸ್ತೆಯಲ್ಲಿಚಾಲಕನ ನಿಯಂತ್ರಣ ಕಳೆದುಕೊಂಡು ರಸ್ತೆ ಪಕ್ಕದಲ್ಲಿಹಳ್ಳದಂತಿರುವ ಕೃಷಿ ಜಮೀನಿಗೆ ಉರುಳಿದೆ. ಇದರಿಂದ ಲಾರಿಯಲ್ಲಿದ್ದ ಹಾಲು ನೆಲಕ್ಕೆ ಸುರಿದು ನಷ್ಟವಾಗಿದೆ ಎಂದು ಮಂಡ್ಯ ಹಾಲು ಒಕ್ಕೂಟದ ಮಾರ್ಗದ ವಿಸ್ತರಣಾಧಿಕಾರಿ ರಮೇಶಕುಮಾರ್‌ ತಿಳಿಸಿದ್ದಾರೆ.