ಪಾಂಡವಪುರ: ವಕೀಲರ ಪ್ರತಿಭಟನೆ

ಪಾಂಡವಪುರ: ಕೇಂದ್ರ ಸರಕಾರ ಕಾವೇರಿ ನೀರು ನಿರ್ವಹಣಾ ಪ್ರಾಧಿಕಾರ ರಚನೆ ಖಂಡಿಸಿ ಪಟ್ಟಣದಲ್ಲಿ ಬುಧವಾರ ವಕೀಲರು ಕೋರ್ಟ್‌ ಕಲಾಪದಿಂದ ಹೊರಗುಳಿದು ಪ್ರತಿಭಟನೆ ನಡೆಸಿದರು.

ಪಟ್ಟಣದ ಜೆಎಂಎಫ್‌ಸಿ ಕೋರ್ಟ್‌ ಕಲಾಪದಿಂದ ಹೊರಗುಳಿದ ವಕೀಲಕರು ಅಧ್ಯಕ್ಷ ಕೆ.ಎಚ್‌.ರಾಮೇಗೌಡ ನೇತೃತ್ವದಲ್ಲಿ ಪ್ರತಿಭಟನೆ ನಡೆಸಿದರು.

ಕೇಂದ್ರ ಸರಕಾರ ಕಾವೇರಿ ನೀರು ನಿರ್ವಹಣಾ ಪ್ರಾಧಿಕಾರ ರಚನೆ ಮಾಡಿ ಕರ್ನಾಟಕ ತಮ್ಮ ಬೆಳೆ ಪದ್ಧತಿಯನ್ನು ಬದಲಾಯಿಸಿಕೊಳ್ಳಬೇಕು ಎಂದು ಕಾವೇರಿ ಜಲಾಯನ ಪ್ರದೇಶಕ್ಕೆ ಸೂಚಿಸಿರುವುದು ಸರಿಯಲ್ಲ. ಆ ಮೂಲಕ ಕೇಂದ್ರ ಸರಕಾರ ಕರ್ನಾಟಕ ರಾಜ್ಯದ ರೈತರಿಗೆ ದ್ರೋಹ ಮಾಡಲು ಹೊರಟಿದೆ ಎಂದು ಕಿಡಿಕಾರಿದರು.

ಬೆಳೆಗಳ ಪದ್ಧತಿ ಕುರಿತು ನಿರ್ಧಾರ ಮಾಡುವವರು ಆ ಭಾಗದ ರೈತರು ಈ ಹಿನ್ನೆಲೆಯಲ್ಲಿ ಕೇಂದ್ರ ಸರಕಾರ ಕಾವೇರಿ ನೀರು ನಿರ್ವಹಣಾ ಮಂಡಳಿ ರಚನೆಯನ್ನು ಹಿಂಪಡೆದು ರಾಜ್ಯದ ರೈತರನ್ನು ರಕ್ಷ ಣೆ ಮಾಡಬೇಕು ಎಂದು ಒತ್ತಾಯಿಸಿದರು. ವಕೀಲರ ಸಂಘದ ತಾಲೂಕು ಅಧ್ಯಕ್ಷ ಕೆ.ಎಚ್‌.ರಾಮೇಗೌಡ, ಕಾರ‍್ಯದರ್ಶಿ ಸಿ.ಎನ್‌.ಧನಂಜಯ್‌, ಖಜಾಂಚಿ ಗುರುಮೂರ್ತಿ, ವಕೀಲರಾದ ತಿಮ್ಮಯ್ಯಗೌಡ, ಶ್ರೀಧರ್‌ಮೂರ್ತಿ, ಎಸ್‌.ರೇವಣ್ಣ, ಕೆ.ಎಸ್‌.ಮನು, ಕೃಷ್ಣಮೂರ್ತಿ, ಕೆ.ಕಾಳೇಗೌಡ, ಕೆ.ಎಸ್‌.ಮೋಹನ್‌ ಇತರರು ಹಾಜರಿದ್ದರು.