ಹಾಸ್ಟೆಲ್‌ ಸಮಸ್ಯೆ ಪರಿಶೀಲಿಸಿದ ತಾಪಂ ಅಧ್ಯಕ್ಷೆ

ವಿಕ ವರದಿ ಹಿನ್ನೆಲೆಯಲ್ಲಿ ಭೇಟಿ
ಪಾಂಡವಪುರ: ಹಾಸ್ಟೆಲ್‌ ಸಮಸ್ಯೆಗಳ ಕುರಿತು ''ವಿಜಯ ಕರ್ನಾಟಕ''ದಲ್ಲಿ ವರದಿ ಪ್ರಕಟವಾಗಿದ್ದ ಹಿನ್ನೆಲೆಯಲ್ಲಿ ತಾಪಂ ಅಧ್ಯಕ್ಷೆ ಪೂರ್ಣಿಮಾ ವೆಂಕಟೇಶ್‌ ಪಟ್ಟಣದ ಹಲವು ಹಾಸ್ಟೆಲ್‌ಗಳಿಗೆ ಭೇಟಿ ನೀಡಿ ಪರಿಶೀಲಿನೆ ನಡೆಸಿದರು.

ಪಟ್ಟಣದ ಬಿಸಿಎಂ ಮೆಟ್ರಿಕ್‌ ಬಾಲಕರ ಪೂರ್ವ, ಮೆಟ್ರಿಕ್‌ ನಂತರ ಹಾಗೂ ಸಮಾಜ ಕಲ್ಯಾಣ ಇಲಾಖೆ ಮೆಟ್ರಿಕ್‌ ಪೂರ್ವ ಬಾಲಕರ ಹಾಸ್ಟೆಲ್‌ಗೆ ಭೇಟಿ ನೀಡಿ ಆಹಾರದ ಗುಣಮಟ್ಟ ಪರಿಶೀಲಿಸಿದರು. ಸಮಾಜ ಕಲ್ಯಾಣ ಇಲಾಖೆ ಮೆಟ್ರಿಕ್‌ ಪೂರ್ವ ಬಾಲಕರ ಹಾಸ್ಟೆಲ್‌ಗೆ ಭೇಟಿ ನೀಡಿ ಪೂರ್ಣಿಮಾ, ಗಾಯಿತ್ರಿ, ಹಾಸ್ಟೆಲ್‌ಗಳಲ್ಲಿ ಸುತ್ತಾಡಿ ಸ್ವಚ್ಛತೆ, ಶೌಚಾಲಯ ಹಾಗೂ ಮಕ್ಕಳು ಮಲಗುವ ಕೊಠಡಿಗಳನ್ನು ವೀಕ್ಷಿಸಿದರು. ಈ ವೇಳೆ ಶೌಚಾಲಯ ಗಬ್ಬೆದ್ದು ನಾರುತ್ತಿತ್ತು, ಬಾಗಿಲುಗಳು ಮುರಿದಿದ್ದವು. ವಿದ್ಯಾರ್ಥಿಗಳು ಮಲಗುವ ಕೋಣೆ ಧೂಳಿನಿಂದ ಕೂಡಿತ್ತು. ಅಡುಗೆ ಮನೆಯಲ್ಲಿ ಸುರಿದಿದ್ದ ಕೆಲ ತರಕಾರಿಗಳು ಕೊಳೆತಿದ್ದವು. ಇದನ್ನು ಕಂಡು ಆಕ್ರೋಶಗೊಂಡ ವ್ಯಕ್ತಪಡಿಸಿದ ಪೂರ್ಣಿಮಾ, ಅಡುಗೆ ಸಿಬ್ಬಂದಿ ವಿರುದ್ದ ಕಿಡಿಕಾರಿದರು. ಉತ್ತರ ತರಕಾರಿಯಿಂದ ಅಡುಗೆ ತಯಾರಿಸುವಂತೆ ಸೂಚಿಸಿ, ಸ್ವಚ್ಛತೆ ಕಾಪಾಡುವಂತೆ ತಿಳಿಸಿದರು. ಬಿಸಿಎಂ ಮೆಟ್ರಿಕ್‌ ಪೂರ್ವ ಬಾಲಕರ ಹಾಸ್ಟೆಲ್‌ಗೂ ತೆರಳಿ ಪರಿಶೀಲನೆ ನಡೆಸಿದರು. ಜತೆಗೆ ಮಕ್ಕಳೊಂದಿಗೆ ಚರ್ಚಿಸಿ ಸಮಸ್ಯೆಗಳ ವಿವರ ಪಡೆದರು.