ಶ್ರೀರಂಗಪಟ್ಟಣ: ದಾಖಲೆಯ ಗೆಲುವು

ಶ್ರೀರಂಗಪಟ್ಟಣ: ಶ್ರೀರಂಗಪಟ್ಟಣ ಕ್ಷೇತ್ರದ ಜೆಡಿಎಸ್‌ ಅಭ್ಯರ್ಥಿ ರವೀಂದ್ರ ಶ್ರೀಕಂಠಯ್ಯ 1,01,307 ಮತ ಪಡೆಯುವ ಮೂಲಕ ಶ್ರೀರಂಗಪಟ್ಟಣ ರಾಜಕೀಯದಲ್ಲೇ ಇತಿಹಾಸ ಬರೆದಿದ್ದಾರೆ.

2018ರ ವಿಧಾನಸಭೆ ಚುನಾವಣೆಯಲ್ಲಿ ಶ್ರೀರಂಗಪಟ್ಟಣ ಕ್ಷೇತ್ರದಿಂದ ಒಟ್ಟು 13 ಮಂದಿ ಕಣದಲ್ಲಿದ್ದು, ಜೆಡಿಎಸ್‌ ಅಭ್ಯರ್ಥಿ ರವೀಂದ್ರ ಶ್ರೀಕಂಠಯ್ಯ 1,01,307 ಮತ ಪಡೆದು, ಪ್ರತಿಸ್ಪರ್ಧಿ ಕಾಂಗ್ರೆಸ್‌ ಅಭ್ಯರ್ಥಿ ಎ.ಬಿ.ರಮೇಶಬಂಡಿಸಿದ್ದೇಗೌಡ ಅವರ ವಿರುದ್ಧ 43,688 ಮತಗಳ ಅಂತರದ ಗೆಲುವು ಸಾಧಿಸಿದ್ದಾರೆ. ಕಾಂಗ್ರೆಸ್‌ ಅಭ್ಯರ್ಥಿ ಎ.ಬಿ.ರಮೇಶಬಂಡಿಸಿದ್ದೇಗೌಡ 57,619, ಮತ ಪಡೆದು ಠೇವಣಿ ಉಳಿಸಿಕೊಂಡಿದ್ದಾರೆ. ಬಿಜೆಪಿ ಅಭ್ಯರ್ಥಿ ಕೆ.ಎಸ್‌.ನಂಜುಂಡೇಗೌಡ 11,326 ಮತ ಪಡೆದುಕೊಂಡಿದ್ದು, ಕುಮಾರಸ್ವಾಮಿ ಅವರ ವರ್ಚಸ್ಸಿನ ನಡುವೆ ಕಮಲ ಗುರುತಿನಿಂದ ಹೆಚ್ಚು ಮತ ಪಡೆದುಕೊಳ್ಳಲು ನಂಜುಂಡೇಗೌಡ ವಿಫಲರಾಗಿ ಠೇವಣಿ ಕಳೆದುಕೊಂಡಿದ್ದಾರೆ.

ಆಮ್‌ ಆದ್ಮಿ ಪಕ್ಷ ದಿಂದ ಸ್ಪರ್ಧಿಸಿದ್ದ ಸಿ.ಎಸ್‌.ವೆಂಕಟೇಶ್‌ 1,941, ಪಕ್ಷೇತರ ಅಭ್ಯರ್ಥಿಗಳಾದ ಮೊಹನ್‌ಕುಮಾರ್‌ 1,736, ಎಸ್‌.ಎಸ್‌.ರಾಜಶೇಖರಯ್ಯ 462, ಪ್ರಜಾ ಪರಿವರ್ತನಾ ಪಾರ್ಟಿಯ ಎಚ್‌.ಎಂ.ಸತೀಶ್‌ 433, ಪಕ್ಷೇತರ ಅಭ್ಯರ್ಥಿ ಸಿ.ಲಿಂಗೇಗೌಡ 334, ಎಂ.ಎಂ.ಮಹೇಶ್‌ಗೌಡ 210, ಎಂ.ಇ.ಪಿ ಪಕ್ಷ ದ ವಿ.ಸುರೇಶ್‌ 205, ಪಕ್ಷೇತರ ಅಭ್ಯರ್ಥಿಯಾಗಿ ಸ್ಪರ್ಧಿಸಿದ್ದ ಕೆಂಪೇಗೌಡ ಅವರು 136 ಮತ ಪಡೆದಿದ್ದಾರೆ. ನೋಟ ಪರವಾಗಿ 946 ಮತಗಳನ್ನು ಮತದಾರರು ಚಲಾಯಿಸಿದ್ದಾರೆ.