ಋುತುಚಕ್ರ ಸಹಜ ಪ್ರಕ್ರಿಯೆ, ಭಯ ಬೇಡ

ಮಂಡ್ಯ: ಹೆಣ್ಣು ಮಕ್ಕಳು ಹನ್ನೊಂದರಿಂದ ಹದಿನೆಂಟರ ವಯಸ್ಸಿನವರೆಗೆ ಋುತುಮತಿಯಾಗಬಹುದು, ಕೆಲವರಲ್ಲಿ ತಡವಾಗಬಹುದು ಅದಕ್ಕೆ ಆತಂಕ ಪಡೆಉವ ಅಗತ್ಯವಿಲ್ಲ ಎಂದು ಎಂದು ಸ್ತ್ರೀ ರೋಗಗಳ ತಜ್ಞರಾದ ಡಾ.ವಸುಮತಿ ಎಸ್‌.ರಾವ್‌ ಕಿವಿಮಾತು ಹೇಳಿದರು.

ನಗರದ ಕಾರ್ಮಲ್‌ ಕಾನ್ವೆಂಟ್‌ನಲ್ಲಿ ಕಾಂಗ್ರೆಸ್‌ ಯುವ ಬ್ರಿಗೇಡ್‌ ಜಿಲ್ಲಾ ಘಟಕ ಆಯೋಜಿಸಿದ್ದ ಹೆಣ್ಣು ಮಕ್ಕಳ ಆರೋಗ್ಯ ಕುರಿತ ಸಂವಾದ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದ ಅವರು, ಪೋಷಕರು ತಮ್ಮ ಮಕ್ಕಳ ಋುತುಚಕ್ರದ ಬಗ್ಗೆ ತಲೆಕೆಡಿಸಿಕೊಳ್ಳಬಾರದು, ಪ್ರಕೃತಿ ನಿಯಮದಂತೆ ನಡೆಯುವ ಸಾಮಾನ್ಯ ಪ್ರಕ್ರಿಯೆ. ಸ್ವಲ್ಪ ಮಕ್ಕಳು ಬೇಗ ಅಂದರೆ ಹನ್ನೊಂದನೇ ವಯಸ್ಸಿನಲ್ಲಿ ಋುತುಮತಿ ಆಗುತ್ತಾರೆ. ಸ್ವಲ್ಪ ಮಕ್ಕಳಲ್ಲಿ ತಡವಾಗಬಹುದು ಎಂದು ತಿಳಿಸಿದರು.

ಸ್ವಲ್ಪ ಮಕ್ಕಳು ಹದಿನೆಂಟು ವರ್ಷವಾದರು ಋುತುಮತಿಯಾಗದಿರಲು ಅವರ ದೇಹದಲ್ಲಿ ಬದಲಾಗುವ ಹಾರ್ಮೊನ್‌ ಕೊರತೆ ಕಾರಣವಾಗಿರಬಹುದು. ಆದ್ದರಿಂದ ಯಾವ ಮಕ್ಕಳು ಭಯಪಡುವ ಅವಶ್ಯಕತೆ ಇಲ್ಲ. ಹಾಗೆ ಯಾರು ಕೂಡ ಅವರನ್ನ ಕೀಳಾಗಿ ನೋಡುವುದು, ಅಣಕಿಸುವುದು ಮಾಡಬಾರದು, ಇದರಿಂದ ಮಕ್ಕಳ ದೇಹದ ಮೇಲೆ ಹಾಗೂ ಮನಸ್ಸಿನ ಮೇಲೆ ತುಂಬಾ ಆಘಾತಕಾರಿ ಪರಿಣಾಮ ಬೀರಬಹುದು ಎಂದು ಎಚ್ಚರಿಕೆ ನೀಡಿದರು.

ದಂತ ತಜ್ಞರಾದ ಡಾ.ಪ್ರತಿಮಾ. ಕಾಂಗ್ರೆಸ್‌ ಯುವ ಬ್ರಿಗೇಡ್‌ ಜಿಲ್ಲಾ ಅಧ್ಯಕ್ಷ ರಾದ ಶಿಲ್ಪಾಮಧು, ಡಾ.ಪ್ರತಿಮಾ ಹಾಜರಿದ್ದರು.