ಗಂಡು ಮೆಟ್ಟಿದ ಮಂಡ್ಯದಲ್ಲಿ ಅಳುವ ಕಾರ‍್ಯಕ್ರಮ!

ಮಂಡ್ಯ: ಕಣ್ಣೀರಿನ ರಾಜಕೀಯದ ಬಗ್ಗೆ ನೆಟ್ಟಿಗರು ಸಾಮಾಜಿಕ ಜಾಲತಾಣಗಳಲ್ಲಿ ಹಾಕಿರುವ ಪೋಸ್ಟ್‌ಗಳು ಜೆಡಿಎಸ್‌ ನಾಯಕರನ್ನು ಅಣಕಿಸುತ್ತಿವೆ.

ಫೇಸ್‌ಬುಕ್‌, ವಾಟ್ಸ್‌ಪ್‌ಗಳಲ್ಲಿ ನಾನಾ ರೀತಿಯ ಪೋಸ್ಟ್‌ ಮಾಡುತ್ತಿರುವ ನೆಟ್ಟಿಗರು, ನೇರವಾಗಿ ದೇವೇಗೌಡ ಮತ್ತು ಕುಮಾರಸ್ವಾಮಿ ಅವರನ್ನೇ ಟಾರ್ಗೆಟ್‌ ಮಾಡುತ್ತಿದ್ದಾರೆ.

'ಧಿಮಂಡ್ಯ ಜನತೆ ಬೇಗ ಬೇಗ ತಗ್ಗು ಪ್ರದೇಶಗಳಿಂದ ಎತ್ತರ ಪ್ರದೇಶಗಳಿಗೆ ತೆರಳಬೇಕಾಗಿ ವಿನಂತಿ. ಕೆಲವೇ ದಿನಗಳಲ್ಲಿ ಕಣ್ಣೀರಿನ ಕೋಡಿ ನದಿಯಾಗಿ ಹರಿದು ಜನ ಕೊಚ್ಚಿ ಹೋಗುವ ಸಾಧ್ಯತೆ ಇದೆ..', 'ಆಯ್ತು ಬಿಡಿ.. ಅರ್ಥಾಯ್ತು... ಅಳ್ಬೇಡಿ... ಕೊಡ್ತೀವಿ...!?!?', 'ಮಂಡ್ಯದಲ್ಲಿ ಮಳೆ ಗ್ಯಾರಂಟಿ.. ಹಾಸನದ ನಂತರ ಮಂಡ್ಯದಲ್ಲಿ ಡ್ರಾಮಾ ಪ್ರಾರಂಭ...', 'ಗಂಡು ಮೆಟ್ಟಿದ ಮಂಡ್ಯದಲ್ಲಿ ಗಂಡಸರು ಅಳುವ ಕಾರ್ಯಕ್ರಮ, ಮೂರು ತಲೆಮಾರಿನ ಕಣ್ಣೀರು... ಸುಂದರ ಸಾಮಾಜಿಕ ನಾಟಕ' ಎಂಬಿತ್ಯಾದಿ ಬರಹಗಳು ಸಾಮಾಜಿಕ ಜಾಲತಾಣಗಳಲ್ಲಿ ರಾಜಾಜಿಸುತ್ತಿವೆ.

'ಫ್ರೀ ಟಿಕೆಟ್‌. ಡೋಂಟ್‌ ಮಿಸ್‌...', ರಾಜ್ಯದ ಬರ ನೀಗಿಸಿದ ದೇವೇಗೌಡರ ಕುಟುಂಬದ ಕಣ್ಣೀರು...' ಕರ್ನಾಟಕವನ್ನು ಕಣ್ಣಿನ ಕಡಲಲ್ಲಿ ಮುಳುಗಿಸುತ್ತಿರುವ ಮುಖ್ಯಮಂತ್ರಿಗಳ ಕುಟುಂಬ!, 'ಚುನಾವಣೆ ಭಾಷಣದಲ್ಲಿ ಕಣ್ಣೀರು ಹಾಕೋದು.. ಚುನಾವಣೆ ಮಾದರಿ ನೀತಿ ಸಂಹಿತೆ ಅಡಿಯಲ್ಲಿ ತರಬೇಕು...', 'ಇದು ಲೋಕಸಭಾ ಚುನಾವಣೆಯ ಟ್ರೇಲರ್‌ ಮಾತ್ರ.. ಪಿಕ್ಚರ್‌ ಅಭಿ ಬಾಕಿ ಹೈ...' ಎಂಬೆಲ್ಲಾ ಪೋಸ್ಟ್‌ಗಳನ್ನು ಹಾಕಿ ವ್ಯಂಗ್ಯವಾಡಲಾಗಿದೆ.