ನಾಲೆಗೆ ಜಾರಿ ಬಿದ್ದು ಮಹಿಳೆ ಸಾವು

ಕೆ.ಆರ್‌.ಪೇಟೆ: ತಾಲೂಕಿನ ನಾಟನಹಳ್ಳಿ ಗ್ರಾಮದ ಬಳಿಯಿರುವ ಹೇಮಾವತಿ ನಾಲೆಯಲ್ಲಿ ಬಟ್ಟೆ ತೊಳೆಯಲು ಹೋಗಿ ಆಕಸ್ಮಿಕವಾಗಿ ಕಾಲು ಜಾರಿ ಬಿದ್ದು ಮಹಿಳೆ ಮೃತಪಟ್ಟಿದ್ದಾರೆ.

ಗ್ರಾಮದ ಲೇಟ್‌ ದೇವೇಗೌಡರ ಪತ್ನಿ ಜಯಮ್ಮ (50) ಮೃತರು.

ಜಯಮ್ಮ ಅವರು ಬೆಳಗ್ಗೆ ಬಟ್ಟೆ ತೊಳೆಯಲು ನಾಲೆಯ ಬಳಿಗೆ ತೆರಲಿದ್ದಾಗ ಆಕಸ್ಮಿಕವಾಗಿ ಕಾಲು ಜಾರಿ ನಾಲೆಗೆ ಬಿದ್ದಿದ್ದಾರೆ. ಅವರ ಜತೆ ಬಟ್ಟೆ ತೊಳೆಯಲು ತೆರಳಿದ್ದ ಮಹಿಳೆಯರು ಗ್ರಾಮಸ್ಥರಿಗೆ ವಿಷಯ ತಿಳಿಸಿದ್ದಾರೆ. ಗ್ರಾಮಸ್ಥರು ಬಂದು ಹುಡುಕಿದಾಗ ಮೂಡನಹಳ್ಳಿ ಗ್ರಾಮದ ಬಳಿ ನಾಲೆಯಲ್ಲಿ ಜಯಮ್ಮ ಅವರ ಮೃತದೇಹ ಸಿಕ್ಕಿದೆ. ವಿಷಯ ತಿಳಿದು ಅವರ ಪುತ್ರಿಯರು ಗ್ರಾಮಕ್ಕೆ ಬಂದು ಗ್ರಾಮಸ್ಥರ ಸಹಕಾರದೊಂದಿಗೆ ಅಂತ್ಯ ಸಂಸ್ಕಾರ ನಡೆಸಿದ್ದಾರೆ. ಗ್ರಾಮಾಂತರ ಪೊಲೀಸ್‌ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದ್ದು, ಯಾವುದೇ ದೂರು ದಾಖಲಾಗಿಲ್ಲ.