- ವಿಜಯ ಕೋಟ್ಯಾನ್ ಪಡು ಮಂಗಳೂರು
ಬ್ಯಾಂಕ್‌ಗಳು ಗಣಕೀಕರಣಗೊಂಡು, ಎಟಿಎಂ ವ್ಯವಸ್ಥೆಯೂ ವ್ಯಾಪಕಗೊಂಡ ಬಳಿಕ ಗ್ರಾಹಕರ ಕೆಲಸವೂ ಸಲೀಸು, ಸಿಬ್ಬಂದಿಗಳ ಹೊರೆಯೂ ರಿಲೀಸು..! ಇದೀಗ ಈ ಸಾಲಿಗೆ ಇನ್ನೊಂದು ಸೇರ್ಪಡೆ. ಇದರ ಹೆಸರು-‘ಅಟೋಮ್ಯಾಟಿಕ್ ಪಾಸ್‌ಬುಕ್ ಎಂಟ್ರಿ’.
ಹೌದು, ಮಾನವ ಸೇವೆಗಿಂತ ಯಂತ್ರಗಳ ಸೇವೆಯೇ ಹೆಚ್ಚು ಹೆಚ್ಚು ಆಪ್ತವಾಗುತ್ತಿರುವ ಈ ಕಾಲಘಟ್ಟದಲ್ಲಿ ಬ್ಯಾಂಕ್‌ನೊಳಗೆ ಹೊಕ್ಕರೆ ಪಾಸ್ ಬುಕ್ ಎಂಟ್ರಿ ಮಾಡಲು ಕ್ಯೂ ನಿಲ್ಲುವ ಕಿರಿಕಿರಿ ಇನ್ನಿಲ್ಲ. ಅದಕ್ಕೂ ಬಂದಿದೆ ಮೆಷಿನ್ನೂ! ನೀವೇ ನಿಮ್ಮ ಪಾಸ್‌ಬುಕ್ ಎಂಟ್ರಿ ಮಾಡಿಕೊಳ್ಳಬಹುದು. ಯಂತ್ರದ ಮುಂದೆ ನಿಂತು ಪಾಸ್ ಬುಕ್ ತಳ್ಳಿ ಬಿಟ್ಟರಾಯಿತು, ಕೆಲವೇ ಕ್ಷಣದಲ್ಲಿ ಪುಸ್ತಕ ವಾಪಸ್ ಬರುತ್ತದೆ. ಹೊಸ ಎಂಟ್ರಿಯೊಂದಿಗೆ!
ಈ ವ್ಯವಸ್ಥೆಯಿಂದಾಗಿ ಬ್ಯಾಂಕ್ ಸಿಬ್ಬಂದಿ ಮುಂದೆ ಪಾಸ್‌ಬುಕ್ ಎಂಟ್ರಿಗೆ ಸಾಲುಗಟ್ಟಿ ನಿಲ್ಲಬೇಕಾಗಿಲ್ಲ. ಪುಸ್ತಕ ಕೊಟ್ಟು ಬುಕ್‌ಗಾಗಿ ತುಂಬಾ ಹೊತ್ತು ಕಾಯಬೇಕಾಗಿಲ್ಲ. ಈ ಪ್ರಯೋಗವನ್ನು ಈಗಾಗಲೇ ಕದ್ರಿ ಶಿವಭಾಗ್‌ನ ಕೆನರಾ ಬ್ಯಾಂಕ್‌ನಲ್ಲಿ ಅಳವಡಿಸಲಾಗಿದೆ. ಪ್ರಯೋಗ ಯಶಸ್ವಿಯಾಗಿದೆ ಎನ್ನುತ್ತಾರೆ ಬ್ಯಾಂಕ್‌ನ ಸೀನಿಯರ್ ಮ್ಯಾನೇಜರ್ ಎಂ.ಯು. ಕುಲಕರ್ಣಿ.
ಈ ಯಂತ್ರ ಅಳವಡಿಸಿ ಒಂದು ವಾರವಷ್ಟೇ ಆಗಿದೆ. ಇದರಿಂದ ಬ್ಯಾಂಕ್‌ನಲ್ಲಿ ಗ್ರಾಹಕರ ಒತ್ತಡ ಕಡಿಮೆಯಾಗಿದೆ. ಜನ ತಮ್ಮಷ್ಟಕ್ಕೆ ಬಂದು ವ್ಯವಹಾರ ಮಾಡಿ, ಅವರೇ ಮೆಷಿನ್ ಮೂಲಕ ಎಂಟ್ರಿ ಮಾಡಿಸಿ ಹೋಗುತ್ತಾರೆ. ಇದರಿಂದ ಗ್ರಾಹಕರಿಗೂ, ಸಿಬ್ಬಂದಿಗಳಿಗೂ ಪ್ರಯೋಜನವಾಗಿದೆ. ಇ-ಬ್ಯಾಂಕಿಂಗ್ ಬಂದ ಮೇಲೆ ಮನೆಯಲ್ಲೋ, ಆಫೀಸಲ್ಲೇ ಕುಳಿತು ಕೆಲವರು ಬ್ಯಾಂಕಿಂಗ್ ವ್ಯವಹಾರ ಮಾಡುತ್ತಾರೆ. ಆದರೆ ಜನಸಾಮಾನ್ಯರಿಗೆ ಇದು ಸಾಧ್ಯವಾಗುತ್ತಿಲ್ಲ. ಅದಕ್ಕಾಗಿ ಮುಂದಿನ ದಿನಗಳಲ್ಲಿ ಬ್ಯಾಂಕ್‌ನಲ್ಲಿ ಇ-ಲಾಂಜ್ , ಕಾಯಿನ್-ವೈಂಡಿಂಗ್ ಮೆಷಿನ್ ಹಾಕುವ ಯೋಜನೆಯಿದೆ. ಇದರಿಂದ ಗ್ರಾಹಕರಿಗೆ ಮತ್ತಷ್ಟು ಅನುಕೂಲವಾಗಲಿದೆ ಎನ್ನುತ್ತಾರೆ ಎನ್ನುತ್ತಾರೆ ಕುಲಕರ್ಣಿ.
ವ್ಯವಹಾರ ಹೇಗೆ?
ಬ್ಯಾಂಕ್ ಪಾಸ್ ಬುಕ್‌ನ ಕವರ್ ಪೇಜ್‌ನಲ್ಲಿ ನಮ್ಮ ಎಕೌಂಟ್ ನಂಬರ್ ಸಹಿತ ಒಂದು ಬಾರ್ ಕೋಡ್ ಅಂಟಿಸಲಾಗುತ್ತದೆ. ಬಳಿಕ ಪಾಸ್ ಬುಕ್‌ನ್ನು ಮೆಷಿನ್‌ಗೆ ಇಟ್ಟಾಗ ಅದು ಸ್ವೀಕರಿಸಿ, ಎಂಟ್ರಿ ಮಾಡಿ ಕೊಡುತ್ತದೆ. ಪಾಸ್ ಪುಸ್ತಕ ಮೆಷಿನ್ ಮೇಲೆ ಇಟ್ಟದ್ದು ಏನಾದರೂ ಸಮಸ್ಯೆಯಿದ್ದರೂ ಅದು ತಕ್ಷಣ ಹೇಳುತ್ತದೆ. ಕನ್ನಡದಲ್ಲೇ ವ್ಯವಹರಿಸುವುದರಿಂದ ಜನಸಾಮಾನ್ಯರಿಗೂ ಇದು ಸುಲಭವಾಗಿದೆ. ದೀರ್ಘಕಾಲದಿಂದ ಪಾಸ್ ಬುಕ್ ಎಂಟ್ರಿ ಆಗದೆ ಬಾಕಿ ಉಳಿದವರಿಗೂ ಇದು ಸಹಕಾರಿ.
* ಬ್ಯಾಂಕ್‌ಗಳು ಹೊಸ ಹೊಸ ಯಂತ್ರಗಳನ್ನು ಬಳಕೆ ಮಾಡುವುದರಿಂದ ಗ್ರಾಹಕರಿಗೆ ತುಂಬಾ ಪ್ರಯೋಜನವಾಗುತ್ತಿದೆ. ಇದರಿಂದ ಸಾಲುಗಟ್ಟಿ ನಿಲ್ಲುವ ಪ್ರಮೇಯ ಇಲ್ಲ ಮಾತ್ರವಲ್ಲದೆ ಸಮಯ ಉಳಿಯುತ್ತದೆ. - ಅರವಿಂದ್, ಕದ್ರಿ ಶಿವಭಾಗ್, ಗ್ರಾಹಕರು
ಬ್ಯಾಂಕ್‌ಗಳು ಗಣಕೀಕರಣಗೊಂಡು, ಎಟಿಎಂ ವ್ಯವಸ್ಥೆಯೂ ವ್ಯಾಪಕಗೊಂಡ ಬಳಿಕ ಗ್ರಾಹಕರ ಕೆಲಸವೂ ಸಲೀಸು, ಸಿಬ್ಬಂದಿಗಳ ಹೊರೆಯೂ ರಿಲೀಸು..! ಇದೀಗ ಈ ಸಾಲಿಗೆ ಇನ್ನೊಂದು ಸೇರ್ಪಡೆ. ಇದರ ಹೆಸರು-‘ಅಟೋಮ್ಯಾಟಿಕ್ ಪಾಸ್‌ಬುಕ್ ಎಂಟ್ರಿ’.
ಹೌದು, ಮಾನವ ಸೇವೆಗಿಂತ ಯಂತ್ರಗಳ ಸೇವೆಯೇ ಹೆಚ್ಚು ಹೆಚ್ಚು ಆಪ್ತವಾಗುತ್ತಿರುವ ಈ ಕಾಲಘಟ್ಟದಲ್ಲಿ ಬ್ಯಾಂಕ್‌ನೊಳಗೆ ಹೊಕ್ಕರೆ ಪಾಸ್ ಬುಕ್ ಎಂಟ್ರಿ ಮಾಡಲು ಕ್ಯೂ ನಿಲ್ಲುವ ಕಿರಿಕಿರಿ ಇನ್ನಿಲ್ಲ. ಅದಕ್ಕೂ ಬಂದಿದೆ ಮೆಷಿನ್ನೂ! ನೀವೇ ನಿಮ್ಮ ಪಾಸ್‌ಬುಕ್ ಎಂಟ್ರಿ ಮಾಡಿಕೊಳ್ಳಬಹುದು. ಯಂತ್ರದ ಮುಂದೆ ನಿಂತು ಪಾಸ್ ಬುಕ್ ತಳ್ಳಿ ಬಿಟ್ಟರಾಯಿತು, ಕೆಲವೇ ಕ್ಷಣದಲ್ಲಿ ಪುಸ್ತಕ ವಾಪಸ್ ಬರುತ್ತದೆ. ಹೊಸ ಎಂಟ್ರಿಯೊಂದಿಗೆ!
ಈ ವ್ಯವಸ್ಥೆಯಿಂದಾಗಿ ಬ್ಯಾಂಕ್ ಸಿಬ್ಬಂದಿ ಮುಂದೆ ಪಾಸ್‌ಬುಕ್ ಎಂಟ್ರಿಗೆ ಸಾಲುಗಟ್ಟಿ ನಿಲ್ಲಬೇಕಾಗಿಲ್ಲ. ಪುಸ್ತಕ ಕೊಟ್ಟು ಬುಕ್‌ಗಾಗಿ ತುಂಬಾ ಹೊತ್ತು ಕಾಯಬೇಕಾಗಿಲ್ಲ. ಈ ಪ್ರಯೋಗವನ್ನು ಈಗಾಗಲೇ ಕದ್ರಿ ಶಿವಭಾಗ್‌ನ ಕೆನರಾ ಬ್ಯಾಂಕ್‌ನಲ್ಲಿ ಅಳವಡಿಸಲಾಗಿದೆ. ಪ್ರಯೋಗ ಯಶಸ್ವಿಯಾಗಿದೆ ಎನ್ನುತ್ತಾರೆ ಬ್ಯಾಂಕ್‌ನ ಸೀನಿಯರ್ ಮ್ಯಾನೇಜರ್ ಎಂ.ಯು. ಕುಲಕರ್ಣಿ.
ಈ ಯಂತ್ರ ಅಳವಡಿಸಿ ಒಂದು ವಾರವಷ್ಟೇ ಆಗಿದೆ. ಇದರಿಂದ ಬ್ಯಾಂಕ್‌ನಲ್ಲಿ ಗ್ರಾಹಕರ ಒತ್ತಡ ಕಡಿಮೆಯಾಗಿದೆ. ಜನ ತಮ್ಮಷ್ಟಕ್ಕೆ ಬಂದು ವ್ಯವಹಾರ ಮಾಡಿ, ಅವರೇ ಮೆಷಿನ್ ಮೂಲಕ ಎಂಟ್ರಿ ಮಾಡಿಸಿ ಹೋಗುತ್ತಾರೆ. ಇದರಿಂದ ಗ್ರಾಹಕರಿಗೂ, ಸಿಬ್ಬಂದಿಗಳಿಗೂ ಪ್ರಯೋಜನವಾಗಿದೆ. ಇ-ಬ್ಯಾಂಕಿಂಗ್ ಬಂದ ಮೇಲೆ ಮನೆಯಲ್ಲೋ, ಆಫೀಸಲ್ಲೇ ಕುಳಿತು ಕೆಲವರು ಬ್ಯಾಂಕಿಂಗ್ ವ್ಯವಹಾರ ಮಾಡುತ್ತಾರೆ. ಆದರೆ ಜನಸಾಮಾನ್ಯರಿಗೆ ಇದು ಸಾಧ್ಯವಾಗುತ್ತಿಲ್ಲ. ಅದಕ್ಕಾಗಿ ಮುಂದಿನ ದಿನಗಳಲ್ಲಿ ಬ್ಯಾಂಕ್‌ನಲ್ಲಿ ಇ-ಲಾಂಜ್ , ಕಾಯಿನ್-ವೈಂಡಿಂಗ್ ಮೆಷಿನ್ ಹಾಕುವ ಯೋಜನೆಯಿದೆ. ಇದರಿಂದ ಗ್ರಾಹಕರಿಗೆ ಮತ್ತಷ್ಟು ಅನುಕೂಲವಾಗಲಿದೆ ಎನ್ನುತ್ತಾರೆ ಎನ್ನುತ್ತಾರೆ ಕುಲಕರ್ಣಿ.
ವ್ಯವಹಾರ ಹೇಗೆ?
ಬ್ಯಾಂಕ್ ಪಾಸ್ ಬುಕ್‌ನ ಕವರ್ ಪೇಜ್‌ನಲ್ಲಿ ನಮ್ಮ ಎಕೌಂಟ್ ನಂಬರ್ ಸಹಿತ ಒಂದು ಬಾರ್ ಕೋಡ್ ಅಂಟಿಸಲಾಗುತ್ತದೆ. ಬಳಿಕ ಪಾಸ್ ಬುಕ್‌ನ್ನು ಮೆಷಿನ್‌ಗೆ ಇಟ್ಟಾಗ ಅದು ಸ್ವೀಕರಿಸಿ, ಎಂಟ್ರಿ ಮಾಡಿ ಕೊಡುತ್ತದೆ. ಪಾಸ್ ಪುಸ್ತಕ ಮೆಷಿನ್ ಮೇಲೆ ಇಟ್ಟದ್ದು ಏನಾದರೂ ಸಮಸ್ಯೆಯಿದ್ದರೂ ಅದು ತಕ್ಷಣ ಹೇಳುತ್ತದೆ. ಕನ್ನಡದಲ್ಲೇ ವ್ಯವಹರಿಸುವುದರಿಂದ ಜನಸಾಮಾನ್ಯರಿಗೂ ಇದು ಸುಲಭವಾಗಿದೆ. ದೀರ್ಘಕಾಲದಿಂದ ಪಾಸ್ ಬುಕ್ ಎಂಟ್ರಿ ಆಗದೆ ಬಾಕಿ ಉಳಿದವರಿಗೂ ಇದು ಸಹಕಾರಿ.
* ಬ್ಯಾಂಕ್‌ಗಳು ಹೊಸ ಹೊಸ ಯಂತ್ರಗಳನ್ನು ಬಳಕೆ ಮಾಡುವುದರಿಂದ ಗ್ರಾಹಕರಿಗೆ ತುಂಬಾ ಪ್ರಯೋಜನವಾಗುತ್ತಿದೆ. ಇದರಿಂದ ಸಾಲುಗಟ್ಟಿ ನಿಲ್ಲುವ ಪ್ರಮೇಯ ಇಲ್ಲ ಮಾತ್ರವಲ್ಲದೆ ಸಮಯ ಉಳಿಯುತ್ತದೆ. - ಅರವಿಂದ್, ಕದ್ರಿ ಶಿವಭಾಗ್, ಗ್ರಾಹಕರು
