ದಕ್ಷಿಣ ಕನ್ನಡದಲ್ಲಿ ಒಟ್ಟು 6168 ಪಾಸಿಟಿವ್‌: ಸಾವಿನ ಸಂಖ್ಯೆ 176ಕ್ಕೆ ಏರಿಕೆ!

ಮಂಗಳೂರು: ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಸೋಮವಾರ 153 ಮಂದಿಯಲ್ಲಿ ಕೊರೊನಾ ಸೋಂಕು ದೃಢಪಟ್ಟಿದ್ದು, 7 ಮಂದಿ ಸೋಂಕಿತರು ಮೃತಪಟ್ಟಿದ್ದಾರೆ. ಇದರೊಂದಿಗೆ ಒಟ್ಟು ಸೋಂಕಿತರ ಸಂಖ್ಯೆ 6168ಕ್ಕೆ ಏರಿಕೆಯಾದರೆ, ಮೃತರ ಸಂಖ್ಯೆ 176ಕ್ಕೆ ಹೆಚ್ಚಳವಾಗಿದೆ. ಮೃತರಲ್ಲಿ149 ಮಂದಿ ದಕ ಜಿಲ್ಲೆಯವರಾದರೆ, 27 ಮಂದಿ ಹೊರಜಿಲ್ಲೆಯವರು.

ಸೋಮವಾರ 124 ಮಂದಿ ಆಸ್ಪತ್ರೆಯಿಂದ ಬಿಡುಗಡೆಗೊಂಡಿದ್ದು, ಈ ಮೂಲಕ ಒಟ್ಟು 2854 ಮಂದಿ ಸೋಂಕಿನಿಂದ ಗುಣಮುಖರಾಗಿ, ಆಸ್ಪತ್ರೆಯಿಂದ ಬಿಡುಗಡೆಗೊಂಡಿದ್ದಾರೆ. 3138 ಮಂದಿ ಸೋಂಕಿತರ ಚಿಕಿತ್ಸೆ ಮುಂದುವರಿದಿದೆ.

ಮೃತ ಎಲ್ಲ ಏಳು ಮಂದಿಯೂ ಮಂಗಳೂರು ತಾಲೂಕಿನವರು. ಅವರೆಲ್ಲರಿಗೂ ಕೊರೊನಾ ಪಾಸಿಟಿವ್‌ ಜತೆಯಲ್ಲಿ ಇತರ ಗಂಭೀರ ಕಾಯಿಲೆಗಳಿದ್ದವು. ಇವರ ಮರಣದ ಕಾರಣ ನಿರ್ಧರಿಸಲು ಜಿಲ್ಲಾಮಟ್ಟದ ತಜ್ಞರ ಸಮಿತಿಯಿಂದ ವರದಿ ಸ್ವೀಕೃತವಾಗಲು ಬಾಕಿ ಇದೆ.

ಶ್ರೀರಾಮ ಮಂದಿರ ನಿರ್ಮಾಣ ಧರ್ಮದ ಪುನರುತ್ಥಾನ: ಒಡಿಯೂರು ಶ್ರೀ

ಪಾಸಿಟಿವ್‌ ಆದವರಲ್ಲಿ ಮಂಗಳೂರು ತಾಲೂಕಿನ 119, ಬಂಟ್ವಾಳದ 11, ಬೆಳ್ತಂಗಡಿಯ 6, ಪುತ್ತೂರಿನ 4, ಸುಳ್ಯದ 1, ಇತರ ಜಿಲ್ಲೆಗಳ 12 ಮಂದಿ ಸೇರಿದ್ದಾರೆ ಎಂದು ಜಿಲ್ಲಾಡಳಿತದ ವರದಿ ತಿಳಿಸಿದೆ.