​ಮಂಗಳೂರಿನಲ್ಲಿ ಮಗಳ ಜತೆ ಐಶ್ವರ್ಯಾ ರೈ

ಮಂಗಳೂರು: ನಗರದ ಡಾ. ಟಿಎಂಎ ಪೈ ಕನ್ವೆನ್ಷನ್ ಸೆಂಟರ್‌ನಲ್ಲಿ ಶನಿವಾರ ರಾತ್ರಿ ನಡೆದ ವಿವಾಹ ಸಮಾರಂಭವೊಂದರಲ್ಲಿ ಬಾಲಿವುಡ್ ನಟಿ ಐಶ್ವರ್ಯಾ ರೈ ಮತ್ತು ಅವರ ಮಗಳು ಆರಾಧ್ಯ ಭಾಗವಹಿಸಿದ್ದರು. ಐಶ್ವರ್ಯ ಅವರ ತಾಯಿ ಬೃಂದಾ ರೈ ಕೂಡಾ ಜತೆಗಿದ್ದರು.

ಬೃಂದಾ ರೈ ಅವರ ಸಹೋದರ ಸೋಂತಾಡಿ ಉದಯ ಕುಮಾರ್ ಶೆಟ್ಟಿ, ಅವರ ಪುತ್ರ ಉಜ್ವಲ್ ಅವರ ಮದುವೆಯ ಔತಣಕೂಟಕ್ಕೆ ಐಶ್ವರ್ಯಾ ತಾಯಿ ಮತ್ತು ಮಗಳೊಂದಿಗೆ ಆಗಮಿಸಿದ್ದರು.

ಇಬ್ಬರೂ ಅಚ್ಚ ತುಳುನಾಡಿನ ಸಾಂಪ್ರದಾಯಿಕ ಉಡುಗೆಯನ್ನು ತೊಟ್ಟಿದ್ದು ಎಲ್ಲರ ಗಮನ ಸೆಳೆದರು.ಎಲ್ಲರೊಂದಿಗೆ ಸರಳವಾಗಿ, ಆತ್ಮೀಯವಾಗಿ ಬೆರೆತ ಐಶ್ವರ್ಯಾ ಹಿರಿಯ ವ್ಯಕ್ತಿಗಳ ಪಾದ ಮುಟ್ಟಿ ಆಶೀರ್ವಾದ ಪಡೆದರು.

ಕುಟುಂಬದ ಸದಸ್ಯರೊಂದಿಗೆ ತುಳುಭಾಷೆಯಲ್ಲಿ ಮಾತನಾಡುತ್ತಿದ್ದ ಐಶ್ವರ್ಯಾ ತುಳುವರ ಮೆಚ್ಚಿನ ಖಾದ್ಯಗಳಾದ ಕೋರಿ ಸುಕ್ಕ, ‘ಅಂಜಲ್ ಫ್ರೈ ಸೇವಿಸಿದರು.