ಬಜಪೆ ಬಸ್‌ಸ್ಟ್ಯಾಂಡ್‌ ಕಾಂಕ್ರೀಟ್‌ ಕಾಮಗಾರಿ ಉದ್ಘಾಟನೆ

ಬಜಪೆ: ಮೂಡುಬಿದಿರೆ ಕ್ಷೇತ್ರದ ಸಮಗ್ರ ಅಭಿವೃದ್ಧಿಗಾಗಿ ನೂತನ ಸರಕಾರಿಂದ ಸಾಧ್ಯ ಅನುದಾನವನ್ನು ತರುವುದೇ ನನ್ನ ಪ್ರಮುಖ ಧ್ಯೇಯ. ಈ ನಿಟ್ಟಿನಲ್ಲಿ ಕ್ಷೇತ್ರದ ಜನತೆ ಹಾಗೂಜನಪ್ರತಿನಿಧಿಗಳು ಪಕ್ಷ ಭೇದ ಮರೆತು ಸಹಕರಿಸಬೇಕು ಎಂದು ಮೂಡುಬಿದಿರೆ ಶಾಸಕ ಉಮಾನಾಥ್‌ ಕೋಟ್ಯಾನ್‌ ಹೇಳಿದರು.

ಬಜಪೆಯ ಬಸ್‌ಸ್ಟ್ಯಾಂಡ್‌ಗೆ ಮಳೆಹಾನಿ ಯೋಜನೆಯಡಿ ಮಂಜೂರಾಗಿದ್ದ 20 ಲಕ್ಷ ರೂ. ಅನುದಾನದಲ್ಲಿ ನಡೆಸಲಾದ ಕಾಂಕ್ರೀಟಿಕರಣ ಕಾಮಗಾರಿ ಭಾನುವಾರ ಉದ್ಘಾಟಿಸಿ ಮಾತನಾಡಿದರು.

ಬಜಪೆಯ ಬಸ್‌ ಏಜೆಂಟರ ಬಳಗದ ವತಿಯಿಂದ ಶಾಸಕ ಉಮನಾಥ್‌ ಕೋಟ್ಯಾನ್‌ ಅವರನ್ನು ಗೌರವಿಸಲಾಯಿತು. ಗುತ್ತಿಗೆದಾರ ಶ್ರೀಧರ್‌ ಅವರನ್ನು ಉಮಾನಾಥ್‌ ಕೋಟ್ಯಾನ್‌ ಸನ್ಮಾನಿಸಿದರು. ದ.ಕ. ಜಿ ಪಂಚಾಯಿತಿ ಸದಸ್ಯೆ ವಸಂತಿ ಕಿಶೋರ್‌, ತಾಪಂ ಸದಸ್ಯೆ ಉಷಾ ಸುವರ್ಣ, ಗ್ರಾ.ಪಂ ಅಧ್ಯಕ್ಷೆ ರೋಜಿ ಮಥಾಯಸ್‌, ಉಪಾಧ್ಯಕ್ಷ ಶರೀಫ್‌, ಗ್ರಾಪಂ ಸದಸ್ಯರು, ಬಜಪೆ ಗ್ರಾ.ಪಂ. ಪಿಡಿಒ ಸಾಯೀಶ್‌ ಚೌಟ, ಬಜಪೆ ಮಹಾಶಕ್ತಿಕೇಂದ್ರದ ಅಧ್ಯಕ್ಷ ಲೋಕೇಶ್‌ಪೂಜಾರಿ, ಜಿ.ಪಂ. ಮಾಜಿ ಉಪಾಧ್ಯಕ್ಷ ರಿತೇಶ್‌ ಶೆಟ್ಟಿ, ತಾಪಂ ಮಾಜಿ ಸದಸ್ಯ ಜೋಕಿಂ ಡಿಕೋಸ್ತ, ಮತ್ತಿತರರು ಉಪಸ್ಥಿತರಿದ್ದರು.