ಮಳೆಗೆ ಹೆದರಿ ಬೀಚ್‌ಗಳು ಡಲ್‌ !

ಮಂಗಳೂರು: ಮಳೆಯ ಅಬ್ಬರಕ್ಕೆ ಹೆದರಿ ಭಾನುವಾರ ಪಣಂಬೂರು, ತಣ್ಣೀರುಬಾವಿ ಬೀಚ್‌ಗಳಲ್ಲಿ ಪ್ರವಾಸಿಗರಿಲ್ಲದೇ ಬಣಗುಟ್ಟುವ ದೃಶ್ಯಗಳು ಕಂಡು ಬಂತು.

ಸುಲ್ತಾನ್‌ ಬತ್ತೇರಿಯಲ್ಲಿ ಶನಿವಾರ ಮಳೆಯಿಂದಾಗಿ ಫೆರ್ರಿ ಪೂರ್ಣ ಪ್ರಮಾಣದಲ್ಲಿ ಸ್ಥಗಿತವಾಗಿತ್ತು. ಆದರೆ ಭಾನುವಾರ ಫೆರ್ರಿ ಆರಂಭವಾದರೂ ಸ್ಥಳೀಯರು ಮಾತ್ರ ಬೆಂಗ್ರೆಯಿಂದ ಬತ್ತೇರಿ ಹಾಗೂ ಬತ್ತೇರಿಯಿಂದ ಬೆಂಗ್ರೆಗೆ ಹೋಗುವ ದೃಶ್ಯಗಳು ಮಾತ್ರ ಕಾಣಿಸಿಕೊಂಡಿದೆ ಉಳಿದಂತೆ ಪ್ರವಾಸಿಗರ ಸಂಖ್ಯೆಯಲ್ಲಿ ಬಹಳಷ್ಟು ಇಳಿಮುಖವಾಗಿದೆ. ಕಸಬ ಬೆಂಗ್ರೆಗೆ ಸಾಗುವ ಫೆರ್ರಿಗಳ ಸಂಖ್ಯೆಯಲ್ಲೂ ಇಳಿಕೆಯಾಗಿದೆ. ಜನರೇ ಇಲ್ಲದೇ ಇದ್ರೆ ಫೆರ್ರಿ ಸಂಚಾರ ಕಷ್ಟಸಾಧ್ಯ ಎನ್ನುತ್ತಾರೆ ಸುಲ್ತಾನ್‌ ಬತ್ತೇರಿಯ ಫೆರ್ರಿಯ ನಿರ್ವಹಕ ಈಶ್ವರ್‌ ಅವರು.

ಪಣಂಬೂರು ಬೀಚ್‌ನಲ್ಲಿ ನೀರಿನ ಅಬ್ಬರ ತೀವ್ರವಾಗಿರುವುದರಿಂದ ಬೀಚ್‌ ಸುತ್ತಲೂ ಬೇಲಿ ಹಾಕಲಾಗಿದೆ.