ಮಂಗಳೂರು: ಕುರಿ ಮಾಂಸದೊಂದಿಗೆ ದನ ಮಾಂಸ ಮಾರಾಟ; ಮಾರುಕಟ್ಟೆಗೆ ಮೇಯರ್ ದಾಳಿ‌

ಮಂಗಳೂರು: ಮಾಂಸದ ಮಾರುಕಟ್ಟೆಯಲ್ಲಿ ದನದ ಮಾಂಸವನ್ನು ಬೆರೆಸಿ ಅಕ್ರಮವಾಗಿ ಮಾರಾಟ ಮಾಡಲಾಗುತ್ತಿದೆ ಎಂಬ ಆರೋಪದ ಹಿನ್ನೆಲೆಯಲ್ಲಿ ಮೇಯರ್‌ ದಿವಾಕರ ಪಾಂಡೇಶ್ವರ್‌ ನೇತೃತ್ವದಲ್ಲಿ ಪಾಲಿಕೆ ಅಧಿಕಾರಿಗಳ ತಂಡ ಬುಧವಾರ ನಗರದ ವಿವಿಧ ಮಾಂಸದ ಮಾರುಕಟ್ಟೆಗಳಿಗೆ ದಿಢೀರ್‌ ದಾಳಿ ನಡೆಸಿ ಪರಿಶೀಲನೆ ನಡೆಸಿದ್ದಾರೆ. ಆದರೆ ದನದ ಮಾಂಸ ಮಾರಾಟ ಪತ್ತೆಯಾಗಿಲ್ಲ.

ನಗರದ ಉರ್ವ ಸ್ಟೋರ್‌, ಉರ್ವ ಮಾರ್ಕೆಟ್‌ ಮತ್ತು ಕುದ್ರೋಳಿ ಕಸಾಯಿಖಾನೆಗೆ ಭೇಟಿ ನೀಡಿದ ಮೇಯರ್‌ ತಂಡ ಸಮಗ್ರ ಪರಿಶೀಲನೆ ನಡೆಸಿ ವ್ಯಾಪಾರಿಗಳಿಂದ ಮಾಹಿತಿ ಪಡೆದುಕೊಂಡರು. ಪ್ರತಿ ದಿನದ ವ್ಯಾಪಾರವಾಗುವ ಮಾಂಸ, ಕಡಿಯುವ ಕುರಿ, ಆಡುಗಳ ಕುರಿತು ಯಾವುದೇ ದಾಖಲೆಗಳನ್ನು ಇಟ್ಟುಕೊಳ್ಳದಿರುವ ಬಗ್ಗೆ ಮೇಯರ್‌ ವ್ಯಾಪಾರಿಗಳನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.

ಕುರಿ, ಆಡುಗಳನ್ನು ಎಲ್ಲಿ ಖರೀದಿಸಿ ತರುತ್ತೀರಿ, ಅವುಗಳಲ್ಲಿ ದಿನಕ್ಕೆ ಎಷ್ಟು ಮಾಂಸಕ್ಕೆ ಕಡಿಯುತ್ತೀರಿ ಎನ್ನುವ ಬಗ್ಗೆ ಸಮಗ್ರ ದಾಖಲೆ ಇಟ್ಟುಕೊಳ್ಳುವಂತೆ ಸೂಚನೆ ನೀಡಿದರು. ಅಲ್ಲದೆ ಇದನ್ನು ಪಾಲಿಕೆಯ ಆರೋಗ್ಯ ಇಲಾಖೆ ಅಧಿಕಾರಿಗಳು ಕಾಲ ಕಾಲಕ್ಕೆ ಪರಿಶೀಲನೆ ಮಾಡಬೇಕು ಎಂದು ಸೂಚನೆ ನೀಡಿದರು.ಆಡು, ದನಗಳನ್ನು ಕಡಿಯುವ ವೇಳೆ ಆರೋಗ್ಯ ಇಲಾಖೆ ಅಧಿಕಾರಿಗಳ ಅನುಮತಿ ಅಗತ್ಯ. ಆರೋಗ್ಯ ಅಧಿಕಾರಿಗಳು ಇದನ್ನು ಕಡ್ಡಾಯವಾಗಿ ಪಾಲನೆ ಮಾಡಬೇಕು ಎಂದು ಸೂಚನೆ ನೀಡಿದರು.

ಮೂಡುಬಿದಿರೆಯ ವಿದ್ಯಾಗಮ ಶಿಕ್ಷಕಿಗೆ ಕೊರೊನಾ ಪಾಸಿಟಿವ್‌: ಸರಕಾರದಿಂದ ಆಸ್ಪತ್ರೆ ವೆಚ್ಚದ ಭರವಸೆ