2.5 ಟನ್‌ ಗೋಮಾಂಸ ಪತ್ತೆ: ಹುಬ್ಬಳ್ಳಿಯಿಂದ ಮಂಗಳೂರಿಗೆ ಸಾಗಾಟ, ಇಬ್ಬರ ಸೆರೆ!

ಮಂಗಳೂರು: ಹುಬ್ಬಳ್ಳಿಯಿಂದ ಆಗಮಿಸುತ್ತಿದ್ದ ಮೀನಿನ ವಾಹನದಲ್ಲಿ 2.5 ಟನ್‌ ದನದ ಮಾಂಸ ಸಾಗಾಟ ಮಾಡುತ್ತಿರುವುದನ್ನು ಬಜರಂಗದಳ ಕಾರ್ಯಕರ್ತರು ನಗರದ ಕಣ್ಣೂರು ಸಮೀಪ ಪತ್ತೆ ಹಚ್ಚಿದ್ದು, ವಿಷಯ ತಿಳಿದ ಕಂಕನಾಡಿ ನಗರ ಠಾಣಾ ಪೊಲೀಸರು ವಾಹನ ಸಹಿತ ಇಬ್ಬರು ಆರೋಪಿಗಳನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಹುಬ್ಬಳ್ಳಿ ನಿವಾಸಿಗಳಾದ ಮೈನುದ್ದೀನ್‌ (28), ರಫೀಕ್‌ ಜಾಫರ್‌ (25) ಬಂಧಿತ ಆರೋಪಿಗಳು. ಮೀನಿನ ವಾಹನದಲ್ಲಿ ದನದ ಮಾಂಸ ಸಾಗಾಟ ಮಾಡುತ್ತಿರುವ ಬಗ್ಗೆ ಖಚಿತ ಮಾಹಿತಿ ಪಡೆದ ಬಜರಂಗದಳ ಕಾರ್ಯಕರ್ತರು ಕಣ್ಣೂರು ಸಮೀಪ ಮೀನಿನ ಟೆಂಪೊವನ್ನು ತಡೆದು ನಿಲ್ಲಿಸಿದ್ದಾರೆ.
ಈ ಸಂದರ್ಭ ಟೆಂಪೊದಲ್ಲಿ ಕೆಲವು ಟ್ರೇಗಳಲ್ಲಿ ಮೀನು ತುಂಬಿದ್ದರೆ ಉಳಿದ ಟ್ರೇಗಳಲ್ಲಿ ದನದ ಮಾಂಸ ಸಾಗಾಟ ಮಾಡಲಾಗುತ್ತಿತ್ತು. ವಿಷಯ ತಿಳಿದ ಕಂಕನಾಡಿ ನಗರ ಠಾಣೆ ಪೊಲೀಸರು ಸ್ಥಳಕ್ಕೆ ತೆರಳಿ ಟೆಂಪೊ, ದನದ ಮಾಂಸ ಸಹಿತ ಆರೋಪಿಗಳನ್ನು ಬಂಧಿಸಿದ್ದಾರೆ.
ಬಂಟ್ವಾಳದಲ್ಲಿ ಜಾನುವಾರು ಅಕ್ರಮ ಸಾಗಾಟ: ಓರ್ವ ಬಂಧನ

ಆರೋಪಿಗಳು ಪೊಲೀಸರ ಕಣ್ತಪ್ಪಿಸಿ ಹುಬ್ಬಳ್ಳಿಯಿಂದ ನಾನಾ ದಾರಿಗಳನ್ನು ತಪ್ಪಿಸಿಕೊಂಡು ದನದ ಮಾಂಸ ಮಂಗಳೂರಿಗೆ ತರುತ್ತಿದ್ದರೆಂದು ಪೊಲೀಸ್‌ ವಿಚಾರಣೆಯಿಂದ ತಿಳಿದು ಬಂದಿದೆ.
ಮಂಗಳೂರು: ಹಾಸನದಿಂದ ಬರುತ್ತಿದ್ದ ಹಾಲಿನ ವಾಹನದಲ್ಲಿ ಗೋಮಾಂಸ ಸಾಗಾಟ, ಒಬ್ಬನ ಬಂಧನ

ವಾರದೊಳಗೆ 2ನೇ ಘಟನೆ ಅ.13ರಂದು ಹಾಸನದಿಂದ ಆಗಮಿಸುತ್ತಿದ್ದ ಹಾಲಿನ ವಾಹನದಲ್ಲಿ ಇದೇ ರೀತಿ ಗೋಮಾಂಸ ಸಾಗಾಟ ಮಾಡುತ್ತಿದ್ದು, ಅದನ್ನು ಕೂಡಾ ಬಜರಂಗದಳ ಕಾರ್ಯಕರ್ತರು ಪತ್ತೆ ಹಚ್ಚಿ, ಪೊಲೀಸರಿಗೆ ಮಾಹಿತಿ ನೀಡಿದ್ದರು. ಈ ಪ್ರಕರಣದಲ್ಲಿ ಕೋಡಿಕಲ್‌ ನಿವಾಸಿ ಶಮೀರ್‌ ಎಂಬಾತನನ್ನು ಬಂಧಿಸಲಾಗಿದ್ದು, ಈತನ ಜತೆಗಿದ್ದ ಇಬ್ಬರು ಆರೋಪಿಗಳು ಪರಾರಿಯಾಗಿದ್ದರು. ಟೆಂಪೋದಲ್ಲಿ ದನದ ಮಾಂಸ ಮಾತ್ರ ಪತ್ತೆಯಾಗಿದ್ದು, ಹಾಲು ಇರಲಿಲ್ಲ.