ಮಂಗಳೂರು ವಿಮಾನ ನಿಲ್ದಾಣಕ್ಕೆ ಹೊಸ ನಾಮಕರಣ, ಮುಖಂಡರ ಜತೆ ಸಂಸದ ಕಟೀಲ್ ಚರ್ಚೆ

ಮಂಗಳೂರು: ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಕೋಟಿ-ಚೆನ್ನಯ ನಾಮಕರಣಕ್ಕೆ ಸಂಬಂಧಿಸಿ ಹೋರಾಟ ಸಮಿತಿ ಮುಖಂಡರ ಜತೆ ಮಂಗಳೂರು ಸಂಸದ ನಳಿನ್‌ ಕುಮಾರ್‌ ಕಟೀಲ್‌ ಸಭೆ ನಡೆಸಿ, ಚರ್ಚಿಸಿದರು. ಮಂಗಳೂರು ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಕೋಟಿ-ಚೆನ್ನಯ ನಾಮಕರಣ ಮಾಡುವಂತೆ ಹೋರಾಟ ಸಮಿತಿ ಮುಖಂಡರು ಸಂಸದ ನಳಿನ್‌ ಕುಮಾರ್‌ ಅವರಿಗೆ ಮನವಿ ಮಾಡಿದ್ದಾರೆ.

ಈ ಸಂದರ್ಭ ನಳಿನ್‌ ಕುಮಾರ್‌ ಅವರು ಮುಖಂಡರ ಜತೆ ಮಾತನಾಡಿ, ಕೋಟಿ-ಚೆನ್ನಯರು ನಾನು ಆರಾಧನೆ ಮಾಡುವ ವೀರಪುರಷರು. ವಿಮಾನ ನಿಲ್ದಾಣಕ್ಕೆ ಅವರ ಹೆಸರನ್ನಿಡುವ ನಿಟ್ಟಿನಲ್ಲಿ ನಾನು ಈ ಹಿಂದಿನಿಂದಲೇ ಪ್ರಯತ್ನ ಶೀಲನಾಗಿದ್ದು, ಖಂಡಿತಾ ಆ ನಿರೀಕ್ಷೆ ಕೈಗೂಡುವ ವಿಶ್ವಾಸವಿದೆ. ಈ ಬಗ್ಗೆ ಯಾರಿಗೂ ಗೊಂದಲ ಬೇಡ ಎಂದು ಮುಖಂಡರಿಗೆ ಭರವಸೆ ನೀಡಿದ್ದಾರೆ.

ಈ ಸಂದರ್ಭ ಶಾಸಕ ವೇದವ್ಯಾಸ ಕಾಮತ್‌, ಮಂಗಳೂರು ನಗರಾಭಿವೃದ್ಧಿ ಪ್ರಾಧಿಕಾರ ಅಧ್ಯಕ್ಷ ರವಿಶಂಕರ್‌ ಮಿಜಾರ್‌, ರಾಜ್ಯ ಕಿಯೋನಿಕ್ಸ್‌ ಅಧ್ಯಕ್ಷ ಹರಿಕೃಷ್ಣ ಬಂಟ್ವಾಳ್‌, ಕೋಟಿ ಚೆನ್ನಯ ಸಂಚಲನ ಸಮಿತಿಯ ಚಿತ್ತರಂಜನ್‌ ಗರೋಡಿ, ಮಾಜಿ ಶಾಸಕ ರುಕ್ಮಯ ಪೂಜಾರಿ, ಸೇಸಪ್ಪ ಕೋಟ್ಯಾನ್‌, ಸತೀಶ್‌ ಕುಂಪಲ, ಚಿತ್ತರಂಜನ್‌ ಕೆ., ಉದಯ ಪೂಜಾರಿ, ಜಗದೀಪ್‌ ಡಿ.ಸುವರ್ಣ, ರಾಧಾಕೃಷ್ಣ, ಕೃಷ್ಣಪ್ಪ ಪೂಜಾರಿ ಕಲ್ಲಡ್ಕ, ಸಂದೀಪ್‌ ಗರೋಡಿ, ಕಿರಣ್‌ ಕೋಡಿಕಲ್‌ ಮತ್ತಿತರರು ಉಪಸ್ಥಿತರಿದ್ದರು. 1ಎಂ-ಏರ್‌ಪೋರ್ಟ್‌ ಮೀಟ್‌