ಮಂಗಳೂರು: ರಾಜ್ಯ ಕರಾವಳಿ ತೀರದ ಭದ್ರತೆಗಾಗಿ ಕೋಸ್ಟ್‌ಗಾರ್ಡ್‌ ಇಂಟರ್‌ಸೆಪ್ಟರ್‌ ಬೋಟ್‌ ಸಿ-448ಗೆ ಚಾಲನೆ

ಮಂಗಳೂರು: ಭಾರತೀಯ ಕೋಸ್ಟ್‌ಗಾರ್ಡ್‌ನ ಇಂಟರ್‌ ಸೆಪ್ಟರ್‌ ಬೋಟ್‌ ಸಿ-448ಗೆ ರಾಜ್ಯ ಸರಕಾರದ ಮುಖ್ಯ ಕಾರ್ಯದರ್ಶಿ ಟಿ.ಎಂ. ವಿಜಯಭಾಸ್ಕರ್‌ ಬುಧವಾರ ಎನ್‌ಎಂಪಿಟಿ ಆವರಣದಲ್ಲಿ ಚಾಲನೆ ನೀಡಿದರು.

ಕರ್ನಾಟಕದ 320 ಕಿ.ಮೀ. ಉದ್ದದ ಕರಾವಳಿ ತೀರದ ಭದ್ರತೆ ಹಾಗೂ ರಕ್ಷಣಾ ಕಾರ್ಯದಲ್ಲಿ ಈ ನೂತನ ಇಂಟರ್‌ ಸೆಪ್ಟರ್‌ ನೆರವಾಗಲಿದೆ. ಕೆಐಎಡಿಬಿಯಿಂದ ಕೋಸ್ಟ್‌ಗಾರ್ಡ್‌ ಅಕಾಡೆಮಿ ನಿರ್ಮಾಣಕ್ಕೆ ಕೆಂಜಾರಿನಲ್ಲಿ 160 ಎಕರೆ ಜಾಗ ಒದಗಿಸಲಾಗಿದ್ದು ಪ್ರಕ್ರಿಯೆಗಳು ನಡೆಯುತ್ತಿವೆ ಎಂದರು.

2019ರಲ್ಲಿ ಕರ್ನಾಟಕವನ್ನು ಬಾಧಿಸಿದ್ದ ಅತಿವೃಷ್ಟಿ, ನೆರೆಯ ಸಂದರ್ಭ ಸಾವಿರಕ್ಕೂ ಮಿಕ್ಕಿ ಜೀವರಕ್ಷಣೆ ಮಾಡಲಾಗಿದೆ. ಕರಾವಳಿಯಲ್ಲೂ 195 ಜೀವಗಳನ್ನು ರಕ್ಷಿಸಿ ಕರಾವಳಿಯಲ್ಲಿ ಸುರಕ್ಷಿತ ವಾತಾವರಣಕ್ಕೆ ಕಾರಣವಾಗಿದೆ ಎಂದು ಶ್ಲಾಘಿಸಿದರು.

ಭಾರತೀಯ ಕರಾವಳಿ ಭದ್ರತಾ ಪಡೆಯಲ್ಲಿ ನಾವಿಕ್ ಹುದ್ದೆಗಳ ನೇಮಕ: ಅರ್ಜಿ ಆಹ್ವಾನ

ಸಿ-448 ವಿಶೇಷತೆ ಏನು?: ಸಿ-448 ಅತಿ ವೇಗದ ಕಾವಲು ನೌಕೆಯಾಗಿದ್ದು, ಕರಾವಳಿಯಲ್ಲಿ ನುಸುಳುಕೋರರು, ಕಳ್ಳಸಾಗಾಟ ವಿಫಲಗೊಳಿಸಿ, ಮೀನುಗಾರರಿಗೆ ರಕ್ಷಣೆ ನೀಡುವ ಕೆಲಸವನ್ನು ಪರಿಣಾಮಕಾರಿಯಾಗಿ ಮಾಡಲಿದೆ. ಇದು ಎನ್‌ಎಂಪಿಟಿಯನ್ನು ನೆಲೆಯಾಗಿಸಿಕೊಂಡು ಕಾರ್ಯನಿರ್ವಹಿಸಲಿದ್ದು, ಭಾರತದ ಎಕ್ಸ್‌ಕ್ಲೂಸಿವ್‌ ಎಕನಾಮಿಕ್‌ ಝೋನ್‌ ಹಾಗೂ ಮೆರಿಟೈಂ ಝೋನ್‌ಗಳಲ್ಲಿ ರಕ್ಷಣೆ ನೀಡಲಿದೆ ಎಂದರು.

ಎನ್‌ಎಂಪಿಟಿಗೆ ಬಂತು ‘ಸಿಲ್ವರ್‌ ಸ್ಪಿರಿಟ್‌’

27.80 ಮೀ. ಉದ್ದ, 106 ಟನ್‌ ತೂಕವಿರುವ ವಾಟರ್‌ ಜೆಟ್‌ ಪ್ರೊಪೆಲ್ಡ್‌ ನೌಕೆ 500 ನಾಟಿಕಲ್‌ ಮೈಲಿ ದೂರ ಚಲಿಸಬಲ್ಲದು, ಅತ್ಯಧಿಕ 45 ನಾಟ್ಸ್‌ ವೇಗ ಪಡೆಯಬಲ್ಲದು. ಅತ್ಯಾಧುನಿಕ ಜಲಸಂಚಾರ ಸಂವಹನ ವ್ಯವಸ್ಥೆ, ಅತಿವೇಗದ ಪ್ರತಿಬಂಧಕ ಕಾರ್ಯಾಚರಣೆ, ಸಮುದ್ರ ತೀರದಲ್ಲಿ ಹತ್ತಿರದ ಕಾವಲು ಕಾರ್ಯ, ಶೋಧ ಮತ್ತು ಪತ್ತೆ ಕಾರ್ಯ, ಸಾಗರೋತ್ತರ ಸರ್ವೇಕ್ಷಣಾ ಕಾರ್ಯಗಳಲ್ಲಿ ತೊಡಗಿಸಿಕೊಳ್ಳಬಹುದು. ಆಳಸಮುದ್ರ, ಸಮುದ್ರ ತೀರ ಎರಡೂ ಕಡೆ ಕೆಲಸ ಮಾಡಬಲ್ಲದು. 12 ಸಿಬ್ಬಂದಿಗಳಿರಲಿದ್ದಾರೆ.

ಮಂಗಳೂರಿಗೆ ಕೋಸ್ಟ್‌ಗಾರ್ಡ್‌ ಅಕಾಡೆಮಿ: ಕೇರಳದಲ್ಲಿ ಸ್ಥಾಪಿಸಲು ಪಿಣರಾಯಿ ಒತ್ತಡ

ಎಲ್‌ ಆ್ಯಂಡ್‌ ಟಿ ಶಿಪ್‌ ಯಾರ್ಡ್‌ನಿಂದ ಈ ಬೋಟನ್ನು್ನ ನಿರ್ಮಿಸಲಾಗಿದ್ದು 2019ರ ನವೆಂಬರ್‌ನಲ್ಲಿ ಪ್ರಾಯೋಗಿಕ ಚಾಲನೆಗಾಗಿ ನೀಡಲಾಗಿದೆ. ಅತ್ಯಾಧುನಿಕ ಸೌಲಭ್ಯಗಳನ್ನು ಹೊಂದಿರುವ ಈ ಬೋಟ್‌ ಗಸ್ತು ಕಾರ್ಯದ ಜತೆ ಪತ್ತೆ ಹಾಗೂ ರಕ್ಷಣಾ ಕಾರ್ಯದಲ್ಲಿ ತನ್ನನ್ನು ತೊಡಗಿಸಿಕೊಳ್ಳಲಿದೆ. ಕೋಸ್ಟ್‌ರ್‍ಗಾರ್ಡ್‌ಗೆ ತಮ್ಮ ಸಂಸ್ಥೆಯ ಕಡೆಯಿಂದ ನಿರ್ಮಾಣ ಮಾಡಿ ಒದಗಿಸಲಾಗುತ್ತಿರುವ 18 ಬೋರ್ಟ್‌ಗಳಲ್ಲಿ 12ನೇ ಇಂಟರ್‌ಸೆಪ್ಟರ್‌ ಬೋಟ್‌ ಇದಾಗಿದ್ದು, ಉಳಿದ 6 ಬೋಟ್‌ಗಳು ನಿರ್ಮಾಣದ ವಿವಿಧ ಹಂತದಲ್ಲಿವೆ ಎಂದು ಎಲ್‌ ಆ್ಯಂಡ್‌ ಟಿ ಇದರ ಸೀನಿಯರ್‌ ಜನರಲ್‌ ಮ್ಯಾನೇಜರ್‌ ನವನೀತ್‌ ಆರ್‌. ಕೃಷ್ಣನ್‌ ಮಾಹಿತಿ ನೀಡಿದರು.

ಕೋಸ್ಟ್‌ ಗಾರ್ಡ್‌ನ ಪಶ್ಚಿಮ ವಲಯ ಕಮಾಂಡರ್‌ ಆನಂದ್‌ ಪ್ರಕಾಶ್‌ ಬಡೋಲ, ಜಿಲ್ಲಾ ಕಮಾಂಡರ್‌ ಡಿಐಜಿ ಎಸ್‌.ಎಸ್‌. ದಸಿಲ, ಎನ್‌ಎಂಪಿಟಿ ಅಧ್ಯಕ್ಷ ಎ.ವಿ. ರಮಣ್‌, ದಕ್ಷಿಣ ಕನ್ನಡ ಜಿಲ್ಲಾಧಿಕಾರಿ ಸಿಂಧೂ ಬಿ. ರೂಪೇಶ್‌, ಜಿಪಂ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಸೆಲ್ವಮಣಿ, ಎಸಿ ಮದನ್‌ ಮೋಹನ್‌ ಉಪಸ್ಥಿತರಿದ್ದರು.