ಧರ್ಮಸ್ಥಳದ ಮರಿಯಾನೆಗೆ ಶಿವಾನಿ ಎಂದು ನಾಮಕರಣ

ಧರ್ಮಸ್ಥಳ: ಶ್ರೀ ಕ್ಷೇತ್ರ ಧರ್ಮಸ್ಥಳದಲ್ಲಿದ್ದ ಲಕ್ಷ್ಮಿ ಎಂಬ ಆನೆಗೆ ಜನಿಸಿದ ಮರಿಯಾನೆಗೆ ಶಿವಾನಿ ಎಂದು ನಾಮಕರಣ ಮಾಡಲಾಗಿದೆ.

ಕಳೆದ ಜುಲೈ 1 ರಂದು ದೇಗುಲದ ಆನೆ ಲಕ್ಷ್ಮಿ ಹೆಣ್ಣುಮರಿಗೆ ಜನ್ಮ ನೀಡಿತು. ಆ ಆನೆ ಮರಿಯ ನಾಮಕರಣ ಸೋಮವಾರ (ಆಗಸ್ಟ್‌ 31) ನಡೆಯಿತು.

ಧರ್ಮಸ್ಥಳದ ದೇಗುಲದಲ್ಲಿ ಈ ಮರಿಯಾನೆಗೆ ವಿಶೇಷ ಸೌಲಭ್ಯ ವ್ಯವಸ್ಥೆ ಮಾಡಲಾಗಿತ್ತು.


ಧರ್ಮಸ್ಥಳ ಶ್ರೀ ಕ್ಷೇತ್ರ ಧರ್ಮಸ್ಥಳ ಧರ್ಮಾಧಿಕಾರಿ ಡಾ. ಡಿ ವೀರೇಂದ್ರ ಹೆಗ್ಗಡೆಯವರು ಆನೆ ಮರಿಗೆ ದೇವರ ಪ್ರಸಾದ ನೀಡಿ, ಗಂಟೆ ಕಟ್ಟುವ ಮೂಲಕ ನಾಮಕರಣ ನೆರವೇರಿಸಲಾಯಿತು.

ಇದೇ ಸಂದರ್ಭದಲ್ಲಿ ಆನೆಯ ಮಾವುತ ಕೃಷ್ಣ ಅವರಿಗೆ ಸನ್ಮಾನ ಮಾಡಲಾಯಿತು.