ಸುಳ್ಯ: ಕುಡಿದ ಮತ್ತಿನಲ್ಲಿ ನದಿಗೆ ಹಾರಿದ ರಬ್ಬರ್‌ ಸಂಶೋಧನಾ ಕೇಂದ್ರದ ವಿಜ್ಞಾನಿ!

ಕಡಬ: ಕುಡಿದ ಮತ್ತಿನಲ್ಲಿ ಕಡಬದಲ್ಲಿರುವ ರಬ್ಬರ್‌ ಸಂಶೋಧನಾ ಕೇಂದ್ರದ ವಿಜ್ಞಾನಿಯೊಬ್ಬರು ಹೊಸಮಠ ಹೊಳೆಗೆ ಹಾರಿದ್ದು, ನೀರಿನಲ್ಲಿ ಕೊಚ್ಚಿ ಹೋಗುತ್ತಿದ್ದ ಅವರನ್ನು ಅಲ್ಲಿದ್ದ ಸಾರ್ವಜನಿಕರು, ಪೊಲೀಸರು ಮೇಲಕ್ಕೆತ್ತಿ ರಕ್ಷಣೆ ಮಾಡಿದ ಘಟನೆ ಬುಧವಾರ ಸಂಜೆ ನಡೆದಿದೆ.

ಕಡಬ ಕೆಂಚಭಟ್ರೆ ಸಮೀಪ ಕಚೇರಿ ಹೊಂದಿರುವ ಭಾರತೀಯ ರಬ್ಬರ್‌ ಸಂಶೋಧನಾ ಕೇಂದ್ರದ ವಿಜ್ಞಾನಿ ತಮಿಳುನಾಡು ಮೂಲದ 39 ಹರೆಯದ ರವಿಚಂದ್ರನ್‌ ಬಿಯರ್‌ ಕುಡಿದು ಹೊಳೆಗೆ ಹಾರಿದವರು. ರಕ್ಷಣೆ ಬಳಿಕ ಕಡಬ ಸಮುದಾಯ ಆಸ್ಪತ್ರೆಗೆ ಅವರನ್ನು ದಾಖಲಿಸಿದ್ದಾರೆ. ಕೆಲ ಸಮಯಗಳ ಹಿಂದೆ ಕಡಬಕ್ಕೆ ಆಗಮಿಸಿದ ರವಿಚಂದ್ರ ಹಾಗೂ ಅವರ ಪತ್ನಿ ಇಬ್ಬರು ಮಕ್ಕಳೊಂದಿಗೆ ರಬ್ಬರ್‌ ಸಂಶೋಧನಾ ಕೇಂದ್ರದ ವಸತಿ ಗೃಹದಲ್ಲಿ ವಾಸವಾಗಿದ್ದರು.

ಹೊಳೆಗೆ ಹಾರಲು ಕಾರಣ ಏನು ಎಂಬುದು ತಿಳಿದು ಬಂದಿಲ್ಲ. ಕುಡಿತದ ಅಮಲಿನಿಂದಲೋ? ಅಥವಾ ಬೇರೆ ಯಾವುದಾದರು ವೈಯಕ್ತಿಕ ಕಾರಣದಿಂದಲೋ? ಹೊಳಗೆ ಹಾರಿದ್ದಾರೋ ಎನ್ನುವುದು ತಿಳಿದುಬಂದಿಲ್ಲ.

ಅಂಚೆ ಇಲಾಖೆ ವಿಶಿಷ್ಟ ದಾಖಲೆ: ಒಂದೇ ದಿನ ಲಕ್ಷ ಖಾತೆ ಓಪನ್‌, ಡಿಜಿಟಲ್‌ ಪರಿವರ್ತನೆಯ ಮೊದಲ ಹೆಜ್ಜೆ!