ನೀತಿ ಸಂಹಿತೆ ಜಾರಿ: ಫ್ಲೆಕ್ಸ್‌, ಬ್ಯಾನರ್‌ ತೆರವು

ಮಂಗಳೂರು: ಮಂಗಳೂರು ಮಹಾ ನಗರಪಾಲಿಕೆ ಚುನಾವಣೆಗೆ ಸಂಬಂಧಿಸಿದಂತೆ ನೀತಿ ಸಂಹಿತೆ ಜಾರಿಯಲ್ಲಿರುವ ಹಿನ್ನೆಲೆಯಲ್ಲಿ ಭಾನುವಾರ ಸಂಜೆಯಿಂದಲೇ ನಗರದೆಲ್ಲೆಡೆ ಫ್ಲೆಕ್ಸ್‌, ಬ್ಯಾನರ್‌, ಕಟೌಟ್‌ ತೆರವು ಕಾರ್ಯ ಆರಂಭಗೊಂಡಿದ್ದು, ಸೋಮವಾರ ಕೂಡ ಮುಂದುವರಿದಿದೆ.
ಪಾಲಿಕೆಯ ವ್ಯಾಪ್ತಿಯ ಎಲ್ಲ60 ವಾರ್ಡ್‌ಗಳಲ್ಲಿರಾಜಕೀಯ ಪಕ್ಷಗಳಿಗೆ ಸಂಬಂಧಿಸಿದ ಫ್ಲೆಕ್ಸ್‌, ಬ್ಯಾನರ್‌, ಪೋಸ್ಟರ್‌, ರಾಜಕೀಯ ಮುಖಂಡರ ಚಿತ್ರವಿರುವ ಕಟೌಟ್‌, ರಾಜಕೀಯ ಪಕ್ಷಗಳ ಧ್ವಜ ತೆರವುಗೊಳಿಸುವಂತೆ ಪಾಲಿಕೆ ಕಮಿಷನರ್‌ ಭಾನುವಾರ ಆದೇಶ ನೀಡಿದ್ದರು. ಈ ಹಿನ್ನೆಲೆಯಲ್ಲಿಪಾಲಿಕೆಯ ಕಂದಾಯ ವಿಭಾಗ ಭಾನುವಾರದಿಂದಲೇ ಕಾರ್ಯಾಚರಣೆ ಆರಂಭಿಸಿತ್ತು. ನಗರದಲ್ಲೇ ಅಧಿಕ ಸಂಖ್ಯೆಯಲ್ಲಿಫ್ಲೆಕ್ಸ್‌, ಬ್ಯಾನರ್‌, ಕಟೌಟ್‌ನಿಂದ ಕೂಡಿರುವ ಹಂಪನಕಟ್ಟೆ ಸಿಗ್ನಲ್‌ ಬಳಿ ವೆನ್ಲಾಕ್‌ ಆಸ್ಪತ್ರೆ ಹಾಗೂ ಮಿಲಾಗ್ರಿಸ್‌ ಬದಿಯಲ್ಲಿಹಾಕಿರುವ ಎಲ್ಲಫ್ಲೆಕ್ಸ್‌, ಬ್ಯಾನರ್‌ಗಳನ್ನು ತೆರವುಗೊಳಿ ಸಲಾಗಿದೆ. ನವರಾತ್ರಿ, ದೀಪಾವಳಿ, ಹೊಸ ವರ್ಷ, ಯುಗಾದಿ ಸೇರಿದಂತೆ ದೇವಾಲಯಗಳ ಜಾತ್ರೆ, ಮಹೋತ್ಸವ, ಬ್ರಹ್ಮಕಲಶ, ಶಾಲಾ- ಕಾಲೇಜುಗಳ ಪ್ರವೇಶಾತಿ, ಸಂಘ- ಸಂಸ್ಥೆಗಳ ಪ್ರಚಾರ ಫ್ಲೆಕ್ಸ್‌, ಬ್ಯಾನರ್‌ಗಳು ಇಲ್ಲಿವರ್ಷದ 365 ದಿನಗಳು ಕಾಣಬಹುದಾಗಿದೆ.
ಸದಾ ಜಾತ್ರೆಯ ಲುಕ್‌ ನೀಡುತ್ತಿದ್ದ ವೆನ್ಲಾಕ್‌ ಪರಿಸರದ ರಸ್ತೆ ಬದಿ ಇದೀಗ ಖಾಲಿ ಖಾಲಿಯಾಗಿ ಡಲ್‌ ಹೊಡೆಯುತ್ತಿದೆ. ಹಾಗೆ ಸ್ಟೇಟ್‌ ಬ್ಯಾಂಕ್‌, ಪಾಂಡೇಶ್ವರ, ವೆಲೆನ್ಸಿಯಾ, ಕದ್ರಿ, ಮಲ್ಲಿಕಟ್ಟೆ, ಪದವಿನಂಗಡಿ, ದೇರೆಬೈಲ್‌ ಕೊಂಚಾಡಿ, ಕಾವೂರು, ಕೂಳೂರು, ಸುರತ್ಕಲ್‌ ಮುಂತಾದ ಪ್ರದೇಶಗಳಲ್ಲಿಯೂ ಫ್ಲೆಕ್ಸ್‌, ಕಟೌಟ್‌, ಹೋರ್ಡಿಂಗ್ಸ್‌ಗಳನ್ನು ತೆರವು ಮಾಡಲಾಗಿದೆ. ಇನ್ನೂ ಕೆಲವು ಕಡೆಗಳಲ್ಲಿತೆರವು ಕಾರ್ಯಾಚರಣೆ ನಡೆಯುತ್ತಿದೆ. ಚುನಾವಣೆ ನೀತಿ ಸಂಹಿತೆ ನವೆಂಬರ್‌ 14ರ ವರೆಗೆ ಜಾರಿಯಲ್ಲಿರುವುದರಿಂದ ಈ ದಿನಗಳಲ್ಲಿನಗರ ಶುಭ್ರವಾಗಿ ರಾರಾಜಿಸಲಿದೆ. ನ.14ರಂದು ಫಲಿತಾಂಶ ಪ್ರಕಟಗೊಂಡ ಬಳಿಕ ವಿಜೇತ ಅಭ್ಯರ್ಥಿಗಳ ಪರ ಫ್ಲೆಕ್ಸ್‌, ಬ್ಯಾನರ್‌ಗಳು ರಾರಾಜಿಸುವ ಸಾಧ್ಯತೆ ಇದೆ.