ಡಿ.24ರಿಂದ ಮಂಗಳೂರು-ಮುಂಬಯಿ ಗೋ ಏರ್‌ ವಿಮಾನ ಆರಂಭ

ಮಂಗಳೂರು: ಭಾರತದ ವಿಶ್ವಾಸಾರ್ಹ ಏರ್‌ಲೈನ್ಸ್‌ ಸಂಸ್ಥೆಯಾದ ಗೋ ಏರ್‌ ತನ್ನ ದೇಶೀಯ ಜಾಲವನ್ನು ಮತ್ತಷ್ಟು ಬಲಪಡಿಸಲು ನಿರ್ಧರಿಸಿದ್ದು, ಮುಂಬಯಿ-ಮಂಗಳೂರಿಗೆ ಪ್ರತಿದಿನ ನೇರ ವಿಮಾನ ಸೌಲಭ್ಯ ಆರಂಭಿಸಿದೆ.

ಡಿ.24ರಿಂದ ಹೊಸ ಸೇವೆ ಆರಂಭವಾಗಿದ್ದು, ಅತ್ಯಾಧುನಿಕ ಏರ್‌ ಬಸ್‌ 320 ನಿಯೋ ಮೂಲಕ ಗೋ ಏರ್‌ ಮಂಗಳೂರು ಮತ್ತು ಮುಂಬಯಿಯನ್ನು ಸಂಪರ್ಕಿಸಲಿದೆ. ಮಂಗಳೂರಿಗೆ ತ್ವರಿತ ಮತ್ತು ಅನುಕೂಲಕರ ಸಂಪರ್ಕ ಒದಗಿಸುವ ದೃಷ್ಟಿಯಿಂದ ಈ ವಿಮಾನದ ವೇಳಾಪಟ್ಟಿ ಸಿದ್ಧಪಡಿಸಲಾಗಿದೆ.

ಈ ವಿಮಾನ ಪ್ರಯಾಣದ ಟಿಕೆಟ್‌ ಬುಕ್ಕಿಂಗ್‌ನ್ನು ಕಾಯ್ದಿರಿಸುವಿಕೆ ಎಲ್ಲಪೋರ್ಟಲ್‌ಗಳ ಮೂಲಕ ಮಾಡಲು ಅವಕಾಶವಿದೆ ಎಂದು ಗೋ ಏರ್‌ನ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಕೌಶಿಕ್‌ ಖೋನಾ ಬುಧವಾರ ವರ್ಚುಯಲ್‌ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.

ಮಂಗಳೂರಿನಿಂದ ಅಹಮದಾಬಾದ್‌, ಮುಂಬಯಿ, ಬೆಂಗಳೂರಿಗೆ 3 ಹೊಸ ವಿಮಾನ

ಗೋ ಏರ್‌ ವಿಮಾನ ಜಿ8 0338 ಬೆಳಗ್ಗೆ 9.30ಕ್ಕೆ ಮಂಗಳೂರಿನಿಂದ ಹೊರಟು, ಬೆಳಗ್ಗೆ 11ಕ್ಕೆ ಮುಂಬಯಿ ತಲುಪಲಿದೆ. ಜಿ8 0335 ವಿಮಾನ ಮುಂಬಯಿಯಿಂದ ಬೆಳಗ್ಗೆ 7.40ಕ್ಕೆ ಹೊರಟು 9 ಗಂಟೆಗೆ ಮಂಗಳೂರು ತಲುಪಲಿದೆ. ದೇಶದಲ್ಲಿಅತಿವೇಗವಾಗಿ ಬೆಳೆಯುತ್ತಿರುವ ಹಾಗೂ ಕರ್ನಾಟಕದ ಪ್ರಮುಖ ಬಂದರು ನಗರವಾಗಿರುವ ಮಂಗಳೂರು ಮತ್ತು ಮುಂಬಯಿನ ವ್ಯವಹಾರ ಮತ್ತು ಪ್ರವಾಸೋದ್ಯಮ ಇನ್ನಷ್ಟು ಪ್ರಗತಿ ಹೊಂದಲು ಇದು ಪೂರಕವಾಗಲಿದೆ ಎಂದರು.

14 ಅಂತಾರಾಷ್ಟ್ರೀಯ ಸ್ಥಳಗಳಿಗೆ ಬೆಂಗಳೂರಿನಿಂದ ಸಂಪರ್ಕ: ಪುನರ್‌ಸ್ಥಾಪಿಸಿದ ಬೆಂಗಳೂರು ವಿಮಾನ ನಿಲ್ದಾಣ

ದೇಶೀಯ ವಿಮಾನ ಯಾನ ಬೇಡಿಕೆಯ ಪುನಶ್ಚೇತನ ಕಂಡುಬರುತ್ತಿದ್ದು, ಕಳೆದ ತಿಂಗಳಿಗೆ ಹೋಲಿಸಿದರೆ ಈ ತಿಂಗಳು ಶೇ.10ರಷ್ಟು ಪ್ರಯಾಣಿಕರ ಸಂಖ್ಯೆ ಹೆಚ್ಚಿದ್ದು, 2020ರ ನವೆಂಬರ್‌ ವೇಳೆಗೆ ಸುಮಾರು 63.54 ಲಕ್ಷ ತಲುಪಿದೆ. ಈ ಬೇಡಿಕೆಗೆ ಸ್ಪಂದಿಸಿ, ಮುಂಬಯಿಯಿಂದ ಮಂಗಳೂರಿಗೆ ಪ್ರತಿದಿನ ನೇರ ವಿಮಾನ ಸೇವೆ ಆರಂಭಿಸಲಾಗುತ್ತಿದೆ ಎಂದರು.