ಮಂಗಳೂರು: ಗಂತ್ (ಕೋಣ ಬಿಡುವ ಜಾಗ)ನಲ್ಲಿ ಆತ ತಲೆ ಎತ್ತಿ ಓಟಕ್ಕೆ ನಿಂತನೆಂದರೆ ಆ ಗತ್ತು, ಗೈರತ್ತೇ ಬೇರೆ. ನೋಟದಲ್ಲೇ ಎದುರಾಳಿ ಕೋಣಗಳನ್ನು ಚಳಿ ಹಿಡಿಸುತ್ತಾನೆ. ನಿಶಾನೆ ಹಾರಿಸುತ್ತಿದ್ದಂತೆ ಕರೆಯಲ್ಲಿ ಓಟ ಕಿತ್ತನೆಂದರೆ ಚಿಗರೆಯಂತಹ ವೇಗ. ಆದರೆ ಕಂಬಳದ ಇತಿಹಾಸದಲ್ಲೇ ದಾಖಲೆಯ ಮೇಲೆ ದಾಖಲೆ ಬರೆದ ಕಂಬಳದ ಕೋಣ ರಾಕೆಟ್ ಮೋಡೆ ಮಾತ್ರ ಇನ್ನಿಲ್ಲ.
ಆಧುನಿಕ ಕಂಬಳಕ್ಕೆ ವಿಶಿಷ್ಟ ಕೊಡುಗೆ ನೀಡಿದ ನಂದಳಿಕೆ ಶ್ರೀಕಾಂತ್ ಭಟ್ ಅವರ ಪ್ರೀತಿಯ ಕಂಬಳ ಕೋಣ ರಾಕೆಟ್ ಮೋಡೆ. ಸುಮಾರು 20 ವರ್ಷದ ರಾಕೆಟ್ ಮೋಡೆ ವಯೋಸಹಜ ಸಮಸ್ಯೆಯಿಂದ ಮಂಗಳವಾರ ಬೆಳಗ್ಗೆ ಕೊನೆಯುಸಿರೆಳೆದಿದ್ದಾನೆ. ಈ ಸುದ್ದಿ ವಾಟ್ಸ್ಯಾಪ್ನಲ್ಲಿ ಹರಿದಾಡುತ್ತಿದ್ದಂತೆ ಕಂಬಳಾಭಿಮಾನಿಗಳು, ಕಂಬಳ ಯಜಮಾನರು, ಊರವರ ದಂಡೇ ಶ್ರೀಕಾಂತ್ ಭಟ್ ಮನೆಗೆ ಆಗಮಿಸಿ ರಾಕೆಟ್ ಮೋಡೆ ಅಂತಿಮ ವಿಧಿ ವಿಧಾನದಲ್ಲಿ ಭಾಗವಹಿಸಿ ಕಂಬನಿ ಮಿಡಿದರು.
ದಾಖಲೆ ಬರೆದಿದ್ದ: 2014ರಲ್ಲಿ ಮಿಯ್ಯಾರಿನಲ್ಲಿ ನಡೆದ ಲವ-ಕುಶ ಕಂಬಳದಲ್ಲಿ ಮೋಡೆ ತನ್ನ ಜತೆಗಾರ ಕುಟ್ಟಿಯೊಂದಿಗೆ 144 ಮೀ. ದೂರವನ್ನು 13.57 ಸೆಕೆಂಡ್ನಲ್ಲಿ ಕ್ರಮಿಸುವ ಮೂಲಕ ಕಂಬಳ ಇತಿಹಾಸದಲ್ಲೇ ಹೊಸ ದಾಖಲೆ ಬರೆದಿದ್ದ. ಈ ದಾಖಲೆ ಇನ್ನೂ ರಾಕೆಟ್ ಮೋಡೆ ಹೆಸರಲ್ಲೇ ಇದೆ ಎನ್ನುತ್ತಾರೆ ಶ್ರೀಕಾಂತ್ ಭಟ್.
ಪದಕಗಳ ಸರಮಾಲೆ: ರಾಕೆಟ್ ಮೋಡೆ ಉಡುಪಿ ಕೋಟದ ಪೈರು(ತಳಿ) ಆಗಿದ್ದು, ಕೊಳಚ್ಚೂರು ಕೊಂಡೆಟ್ಟು ಸುಕುಮಾರ್ ಶೆಟ್ಟಿಯವರು ಹಗ್ಗ ಕಿರಿಯ ವಿಭಾಗದಲ್ಲಿ ಓಡಿಸಿದ್ದರು. ಆ ಬಳಿಕ ಕೊಳಕೆ ಇರ್ವತ್ತೂರು ಭಾಸ್ಕರ್ ಸುಬ್ಬಯ್ಯ ಕೋಟ್ಯಾನ್ ಅವರು ನೇಗಿಲು ವಿಭಾಗದಲ್ಲಿ ಓಡಿಸಿ ಈ ಕೋಣದ ಮುಖೇನ ಖ್ಯಾತಿ ಪಡೆದಿದ್ದರು. ಇದಾದ ಬಳಿಕ ಮತ್ತೆ ಸುಕುಮಾರ್ ಶೆಟ್ಟಿಯವರು ಖರೀದಿಸಿ ಅವರಿಂದ ಶ್ರೀಕಾಂತ್ ಭಟ್ ಪಡೆದು ಕಳೆದ 6 ವರ್ಷಗಳಿಂದ ಹಗ್ಗ ಹಿರಿಯ ವಿಭಾಗದಲ್ಲಿ ಓಡಿಸುತ್ತಿದ್ದರು. ಈವರೆಗೆ 100ಕ್ಕೂ ಅಧಿಕ ಪದಕ ಪಡೆದಿದ್ದು, ಕಂಬಳ ಇತಿಹಾಸದಲ್ಲೇ ಅತ್ಯಂತ ದೊಡ್ಡ ಸಾಧನೆ ಮಾಡಿದ ಹೆಗ್ಗಳಿಕೆ ಮೋಡೆಯದ್ದಾಗಿದೆ.
ಲ್ಯಾಬ್ನಲ್ಲೂ ತಪಾಸಣೆ: ಮೋಡೆಯ ಮೈಯಲ್ಲಿ ಕೆಲವು ಸಮಯದ ಹಿಂದೆ ಕುರವೊಂದು ಮೂಡಿದ್ದು, ಶ್ರೀಕಾಂತ್ ಭಟ್ ಅದಕ್ಕೆ ನಾನಾ ಪಶು ವೈದ್ಯರಿಂದ ತಪಾಸಣೆ ನಡೆಸಿ ಚಿಕಿತ್ಸೆ ನೀಡಿದ್ದರು. ಆದರೆ ಎಷ್ಟು ಖರ್ಚು ಮಾಡಿದರೂ ಗಾಯ ಗುಣಮುಖವಾಗಲೇ ಇಲ್ಲ. ಬಳಿಕ ವೈದ್ಯರ ಸಲಹೆ ಮೇರೆಗೆ ಮೋಡೆಯ ರಕ್ತದ ಮಾದರಿ ಬೆಂಗಳೂರು ಲ್ಯಾಬ್ಗೆ ಕಳುಹಿಸಿ ಕೊಡಲಾಗಿತ್ತು. ಅಲ್ಲಿಯ ವೈದ್ಯರ ಸೂಚನೆ ಮೇರೆಗೆ ಆ್ಯಂಟಿಬ್ಯಾಟಿಕ್ ನೀಡಿದರೂ ಯಾವುದೇ ಪ್ರಯೋಜವಾಗದೆ ಮಂಗಳವಾರ ಮೋಡೆ ಕೊನೆಯುಸಿರೆಳೆದ.
ಮನೆಯ ಸದಸ್ಯನಂತಿದ್ದ: ರಾಕೆಟ್ ಮೋಡೆ ಸುಕುಮಾರ್ ಶೆಟ್ಟಿ ಮತ್ತು ಶ್ರೀಕಾಂತ್ ಭಟ್ ಅವರ ಮನೆಯ ಸದಸ್ಯನಂತಿದ್ದು, ಎಲ್ಲರಿಗೂ ಅಚ್ಚುಮೆಚ್ಚಾಗಿದ್ದ. ಪ್ರಾರಂಭದಲ್ಲಿ ಚೆನ್ನ ಜತೆ ಓಡಿದ ಮೋಡೆ ಬಳಿಕ ಕುಟ್ಟಿ ಜತೆ ಸ್ಪರ್ಧೆಗೆ ಹೋಗುತ್ತಿದ್ದ. ವಯಸ್ಸು 20 ಆದರೂ ಮೋಡೆ ಮಾತ್ರ ವಿರಾಮ ಬಯಸದೆ ಸ್ಪರ್ಧಿಸುತ್ತಿದ್ದ.
ಡೀಪಿಯಲ್ಲೂ ರಾಕೆಟ್ ಮೋಡೆ
ಮಂಗಳವಾರ ಬೆಳಗ್ಗೆ ರಾಕೆಟ್ ಮೋಡೆ ಸಾವಿಗೀಡಾದ ಸುದ್ದಿ ವಾಟ್ಸ್ಯಾಪ್ನಲ್ಲಿ ಹರಿದಾಡುತ್ತಿದ್ದಂತೆ ಕಂಬಳಾಭಿಮಾನಿಗಳು ಆಘಾತಕ್ಕೀಡಾದರು. ಮೋಡೆಗೆ ಶ್ರದ್ಧಾಂಜಲಿಯ ಮಹಾಪೂರವೇ ಹರಿದು ಬಂತು. ಕಂಬಳದ ನಾನಾ ಗ್ರೂಪ್ಗಳು ಮಾತ್ರವಲ್ಲ, ವೈಯಕ್ತಿಕ ವಾಟ್ಸ್ಯಾಪ್ ಡೀಪಿಗಳಲ್ಲೂ ರಾಕೆಟ್ ಮೋಡೆ ಚಿತ್ರಗಳು ರಾರಾಜಿಸುತ್ತಿದ್ದವು.
ಮನ ಕಲಕುವ ದೃಶ್ಯ: ರಾಕೆಟ್ ಮೋಡೆ ಮಂಗಳವಾರ ಹಟ್ಟಿಯಲ್ಲಿ ಅಂಗಾತ ಬಿದ್ದಿರುವುದನ್ನು ಕಂಡು ಆತನ ಜತೆಗಾರನಾಗಿದ್ದ ಚೆನ್ನ ಮತ್ತು ಕುಟ್ಟಿ ಕಣ್ಣೀರು ಹಾಕುವ ದೃಶ್ಯ ಮನ ಕಲಕುವಂತಿತ್ತು. ಮೋಡೆಯನ್ನು ನೋಡಲು ಶ್ರೀಕಾಂತ್ ಭಟ್ ಮನೆಗೆ ಜನಸಮೂಹವೇ ಬಂದಿತ್ತು. ಮೋಡೆ ಸಾಧನೆಯನ್ನು ಕೆಲವರು ಗುಣಗಾನ ಮಾಡುತ್ತಿದ್ದರೆ, ಇನ್ನು ಕೆಲವರು ಮೌನವಾಗಿಯೇ ನಿಂತಿದ್ದರು.
ಆಧುನಿಕ ಕಂಬಳಕ್ಕೆ ವಿಶಿಷ್ಟ ಕೊಡುಗೆ ನೀಡಿದ ನಂದಳಿಕೆ ಶ್ರೀಕಾಂತ್ ಭಟ್ ಅವರ ಪ್ರೀತಿಯ ಕಂಬಳ ಕೋಣ ರಾಕೆಟ್ ಮೋಡೆ. ಸುಮಾರು 20 ವರ್ಷದ ರಾಕೆಟ್ ಮೋಡೆ ವಯೋಸಹಜ ಸಮಸ್ಯೆಯಿಂದ ಮಂಗಳವಾರ ಬೆಳಗ್ಗೆ ಕೊನೆಯುಸಿರೆಳೆದಿದ್ದಾನೆ. ಈ ಸುದ್ದಿ ವಾಟ್ಸ್ಯಾಪ್ನಲ್ಲಿ ಹರಿದಾಡುತ್ತಿದ್ದಂತೆ ಕಂಬಳಾಭಿಮಾನಿಗಳು, ಕಂಬಳ ಯಜಮಾನರು, ಊರವರ ದಂಡೇ ಶ್ರೀಕಾಂತ್ ಭಟ್ ಮನೆಗೆ ಆಗಮಿಸಿ ರಾಕೆಟ್ ಮೋಡೆ ಅಂತಿಮ ವಿಧಿ ವಿಧಾನದಲ್ಲಿ ಭಾಗವಹಿಸಿ ಕಂಬನಿ ಮಿಡಿದರು.
ದಾಖಲೆ ಬರೆದಿದ್ದ: 2014ರಲ್ಲಿ ಮಿಯ್ಯಾರಿನಲ್ಲಿ ನಡೆದ ಲವ-ಕುಶ ಕಂಬಳದಲ್ಲಿ ಮೋಡೆ ತನ್ನ ಜತೆಗಾರ ಕುಟ್ಟಿಯೊಂದಿಗೆ 144 ಮೀ. ದೂರವನ್ನು 13.57 ಸೆಕೆಂಡ್ನಲ್ಲಿ ಕ್ರಮಿಸುವ ಮೂಲಕ ಕಂಬಳ ಇತಿಹಾಸದಲ್ಲೇ ಹೊಸ ದಾಖಲೆ ಬರೆದಿದ್ದ. ಈ ದಾಖಲೆ ಇನ್ನೂ ರಾಕೆಟ್ ಮೋಡೆ ಹೆಸರಲ್ಲೇ ಇದೆ ಎನ್ನುತ್ತಾರೆ ಶ್ರೀಕಾಂತ್ ಭಟ್.
ಪದಕಗಳ ಸರಮಾಲೆ: ರಾಕೆಟ್ ಮೋಡೆ ಉಡುಪಿ ಕೋಟದ ಪೈರು(ತಳಿ) ಆಗಿದ್ದು, ಕೊಳಚ್ಚೂರು ಕೊಂಡೆಟ್ಟು ಸುಕುಮಾರ್ ಶೆಟ್ಟಿಯವರು ಹಗ್ಗ ಕಿರಿಯ ವಿಭಾಗದಲ್ಲಿ ಓಡಿಸಿದ್ದರು. ಆ ಬಳಿಕ ಕೊಳಕೆ ಇರ್ವತ್ತೂರು ಭಾಸ್ಕರ್ ಸುಬ್ಬಯ್ಯ ಕೋಟ್ಯಾನ್ ಅವರು ನೇಗಿಲು ವಿಭಾಗದಲ್ಲಿ ಓಡಿಸಿ ಈ ಕೋಣದ ಮುಖೇನ ಖ್ಯಾತಿ ಪಡೆದಿದ್ದರು. ಇದಾದ ಬಳಿಕ ಮತ್ತೆ ಸುಕುಮಾರ್ ಶೆಟ್ಟಿಯವರು ಖರೀದಿಸಿ ಅವರಿಂದ ಶ್ರೀಕಾಂತ್ ಭಟ್ ಪಡೆದು ಕಳೆದ 6 ವರ್ಷಗಳಿಂದ ಹಗ್ಗ ಹಿರಿಯ ವಿಭಾಗದಲ್ಲಿ ಓಡಿಸುತ್ತಿದ್ದರು. ಈವರೆಗೆ 100ಕ್ಕೂ ಅಧಿಕ ಪದಕ ಪಡೆದಿದ್ದು, ಕಂಬಳ ಇತಿಹಾಸದಲ್ಲೇ ಅತ್ಯಂತ ದೊಡ್ಡ ಸಾಧನೆ ಮಾಡಿದ ಹೆಗ್ಗಳಿಕೆ ಮೋಡೆಯದ್ದಾಗಿದೆ.
ಲ್ಯಾಬ್ನಲ್ಲೂ ತಪಾಸಣೆ: ಮೋಡೆಯ ಮೈಯಲ್ಲಿ ಕೆಲವು ಸಮಯದ ಹಿಂದೆ ಕುರವೊಂದು ಮೂಡಿದ್ದು, ಶ್ರೀಕಾಂತ್ ಭಟ್ ಅದಕ್ಕೆ ನಾನಾ ಪಶು ವೈದ್ಯರಿಂದ ತಪಾಸಣೆ ನಡೆಸಿ ಚಿಕಿತ್ಸೆ ನೀಡಿದ್ದರು. ಆದರೆ ಎಷ್ಟು ಖರ್ಚು ಮಾಡಿದರೂ ಗಾಯ ಗುಣಮುಖವಾಗಲೇ ಇಲ್ಲ. ಬಳಿಕ ವೈದ್ಯರ ಸಲಹೆ ಮೇರೆಗೆ ಮೋಡೆಯ ರಕ್ತದ ಮಾದರಿ ಬೆಂಗಳೂರು ಲ್ಯಾಬ್ಗೆ ಕಳುಹಿಸಿ ಕೊಡಲಾಗಿತ್ತು. ಅಲ್ಲಿಯ ವೈದ್ಯರ ಸೂಚನೆ ಮೇರೆಗೆ ಆ್ಯಂಟಿಬ್ಯಾಟಿಕ್ ನೀಡಿದರೂ ಯಾವುದೇ ಪ್ರಯೋಜವಾಗದೆ ಮಂಗಳವಾರ ಮೋಡೆ ಕೊನೆಯುಸಿರೆಳೆದ.
ಮನೆಯ ಸದಸ್ಯನಂತಿದ್ದ: ರಾಕೆಟ್ ಮೋಡೆ ಸುಕುಮಾರ್ ಶೆಟ್ಟಿ ಮತ್ತು ಶ್ರೀಕಾಂತ್ ಭಟ್ ಅವರ ಮನೆಯ ಸದಸ್ಯನಂತಿದ್ದು, ಎಲ್ಲರಿಗೂ ಅಚ್ಚುಮೆಚ್ಚಾಗಿದ್ದ. ಪ್ರಾರಂಭದಲ್ಲಿ ಚೆನ್ನ ಜತೆ ಓಡಿದ ಮೋಡೆ ಬಳಿಕ ಕುಟ್ಟಿ ಜತೆ ಸ್ಪರ್ಧೆಗೆ ಹೋಗುತ್ತಿದ್ದ. ವಯಸ್ಸು 20 ಆದರೂ ಮೋಡೆ ಮಾತ್ರ ವಿರಾಮ ಬಯಸದೆ ಸ್ಪರ್ಧಿಸುತ್ತಿದ್ದ.
ಡೀಪಿಯಲ್ಲೂ ರಾಕೆಟ್ ಮೋಡೆ
ಮಂಗಳವಾರ ಬೆಳಗ್ಗೆ ರಾಕೆಟ್ ಮೋಡೆ ಸಾವಿಗೀಡಾದ ಸುದ್ದಿ ವಾಟ್ಸ್ಯಾಪ್ನಲ್ಲಿ ಹರಿದಾಡುತ್ತಿದ್ದಂತೆ ಕಂಬಳಾಭಿಮಾನಿಗಳು ಆಘಾತಕ್ಕೀಡಾದರು. ಮೋಡೆಗೆ ಶ್ರದ್ಧಾಂಜಲಿಯ ಮಹಾಪೂರವೇ ಹರಿದು ಬಂತು. ಕಂಬಳದ ನಾನಾ ಗ್ರೂಪ್ಗಳು ಮಾತ್ರವಲ್ಲ, ವೈಯಕ್ತಿಕ ವಾಟ್ಸ್ಯಾಪ್ ಡೀಪಿಗಳಲ್ಲೂ ರಾಕೆಟ್ ಮೋಡೆ ಚಿತ್ರಗಳು ರಾರಾಜಿಸುತ್ತಿದ್ದವು.
ಮನ ಕಲಕುವ ದೃಶ್ಯ: ರಾಕೆಟ್ ಮೋಡೆ ಮಂಗಳವಾರ ಹಟ್ಟಿಯಲ್ಲಿ ಅಂಗಾತ ಬಿದ್ದಿರುವುದನ್ನು ಕಂಡು ಆತನ ಜತೆಗಾರನಾಗಿದ್ದ ಚೆನ್ನ ಮತ್ತು ಕುಟ್ಟಿ ಕಣ್ಣೀರು ಹಾಕುವ ದೃಶ್ಯ ಮನ ಕಲಕುವಂತಿತ್ತು. ಮೋಡೆಯನ್ನು ನೋಡಲು ಶ್ರೀಕಾಂತ್ ಭಟ್ ಮನೆಗೆ ಜನಸಮೂಹವೇ ಬಂದಿತ್ತು. ಮೋಡೆ ಸಾಧನೆಯನ್ನು ಕೆಲವರು ಗುಣಗಾನ ಮಾಡುತ್ತಿದ್ದರೆ, ಇನ್ನು ಕೆಲವರು ಮೌನವಾಗಿಯೇ ನಿಂತಿದ್ದರು.