ಆ್ಯಪ್ನಗರ

ಕೊರೊನಾಗಾಗಿ ಪುಟ್ಟ ಪೋರ ಕೂಡಿಟ್ಟಿದ್ದು ಕೊಟ್ಟೇ ಬಿಟ್ಟ..! ಸಿಎಂ ಪರಿಹಾರ ನಿಧಿಗೆ ಬಾಲಕ ಕೊಡುಗೆ

ಕೊರೊನಾ ವಿರುದ್ಧದ ಹೋರಾಟ ಜನರ ಹೋರಾಟವಾಗಿದೆ ಎಂದು ಪ್ರಧಾನಿ ಮೋದಿ ಯಾವಾಗಲೂ ಹೇಳುತ್ತಾ ಬಂದಿದ್ದಾರೆ. ಅದರಂತೆ ಮಂಗಳೂರಿನಲ್ಲಿ ಬಾಲಕನೊಬ್ಬ ತನಗಾಗಿ ಕೂಡಿಟ್ಟಿದ್ದ ಹಣವನ್ನು ಮುಖ್ಯಮಂತ್ರಿಗಳ ಪರಿಹಾರ ನಿಧಿಗೆ ನೀಡಿ ಸಾರ್ಥಕತೆಯನ್ನು ಮೆರೆದಿದ್ದಾನೆ.

Vijaya Karnataka Web 26 Apr 2020, 5:03 pm
  • ಅಶೋಕ್ ಕಲ್ಲಡ್ಕ ಮಂಗಳೂರು
ಆ ಪುಟ್ಟ ಪೋರ ಚಿಕ್ಕ ಪಿಗ್ಗಿ ಡಬ್ಬದಲ್ಲಿ ಕೂಡಿಟ್ಟ ಹಣವನ್ನು ಡಬ್ಬ ಸಹಿತ ಎತ್ತಿಕೊಂಡು ಬಂದು ಬಿಟ್ಟಿದ್ದ. ಲಾಕ್ ಡೌನ್ ಸಡಿಲಿಕೆ ಸಮಯದಲ್ಲಿ ಚಾಕಲೇಟ್, ಲೇಸ್ ಕೊಳ್ಳಲು ಆತ ಡಬ್ಬ ಹಿಡ್ಕೊಂಡು ಬಂದಿರಲಿಲ್ಲ, ಬದಲಿಗೆ ತನ್ನ ಅಪ್ಪನ ಜತೆ ನೇರವಾಗಿ ಮಂಗಳೂರಿನ ಜಿಲ್ಲಾಧಿಕಾರಿ ಕಚೇರಿಗೆ ಬಂದಿದ್ದ.!
Vijaya Karnataka Web Mangaluru


ಇಡೀ ದೇಶವೇ ಕೊರೊನಾ ಕಾಯಿಲೆಯಿಂದ ತತ್ತರಿಸಿ ಹೋಗಿರುವುದರಿಂದ ಸಂತ್ರಸ್ತರಿಗಾಗಿ ತೆರೆಯಲಾದ ಸಿಎಂ ರಿಲೀಫ್ ಫಂಡ್ ಗೆ ತನ್ನ ಪುಟ್ಟ ಕಾಣಿಕೆ ನೀಡುವುದು ಬಾಲಕ ಧಾರ್ಮಿಕ್ ನ ಉದ್ದೇಶವಾಗಿತ್ತು. ಕೊರೊನಾ ಸೋಂಕು ಹರಡುವ ಭೀತಿ ಹಿನ್ನೆಲೆಯಲ್ಲಿ ಜಿಲ್ಲಾಧಿಕಾರಿ ಕಚೇರಿಯೊಳಗೆ ಮಕ್ಕಳಿಗೆ ಪ್ರವೇಶ ನಿರಾಕರಿಸಲಾಗಿತ್ತು.

ಆದರೆ, ಛಲದಂಕ ಮಲ್ಲನ ತರಹ ಒಳಗೆ ಬಿಡದೆ ಹೋಗಲ್ಲ ಎನ್ನುವ ರೀತಿ ವಿಚಲಿತನಾಗದೆ ನಿಂತ ಬಾಲಕನ ವಿನಮ್ರ ವಿನಂತಿ ಹಾಗೂ ಸಾಮಾಜಿಕ ಕಳಕಳಿಯನ್ನು ಮನಗಂಡು ಸೂಕ್ತ ವ್ಯವಸ್ಥೆ ಹಾಗೂ ಕಟ್ಟುನಿಟ್ಟಿನ ಮುಂಜಾಗ್ರತಾ ಕ್ರಮವನ್ನು ವಹಿಸಿ ಒಳಗೆ ಬಿಡಲಾಯಿತು.

ತನಗಾಗಿ ಕೂಡಿಟ್ಟ ಹಣವನ್ನೇ ಕೊರೊನಾ ಪರಿಹಾರ ನಿಧಿಗೆ ನೀಡಿದ ಮೈಸೂರು ಬಾಲಕ..!

ಜಿಲ್ಲಾಧಿಕಾರಿ ಕಚೇರಿಯ ಎರಡನೇ ಮಹಡಿಗೆ ಹಕ್ಕಿಯಂತೆ ಹಾರಿದ ಆ ಯುಕೆಜಿ ಪೋರ ತಾನು ಕೂಡಿಟ್ಟ ಹಣವನ್ನು ನೇರವಾಗಿ ಜಿಲ್ಲಾಧಿಕಾರಿ ಸಿಂಧೂ ಬಿ. ರೂಪೇಶ್ ಅವರ ಕೈಗೆ ನೀಡಿದ. ಜಿಲ್ಲಾಧಿಕಾರಿಯವರು ಹಣ ಡಬ್ಬ ಸ್ವೀಕರಿಸುತ್ತಿದ್ದಂತೆ ಹುಡುಗ ಒಂದು ಕ್ಷಣ ಸಾರ್ಥಕತೆಯ ನಗು ಚೆಲ್ಲಿದ. ಪೋರನ ಕೈಯಿಂದ ಸಂತ್ರಸ್ತರಿಗೆ ಹಣ ಸ್ವೀಕರಿಸಿದ ಜಿಲ್ಲಾಧಿಕಾರಿ ಕೂಡ ಧನ್ಯತೆಯ ಆನಂದವನ್ನು ಪಡೆದರು.

ಮಂಗಳೂರು: ಮೊದಲ ಮಳೆಗೆ ಬಿರುಕು ಬಿಟ್ಟ ಪಂಪ್‌ವೆಲ್‌ ಮೇಲ್ಸೇತುವೆ, ವಾಹನ ಸವಾರರಲ್ಲಿ ಆತಂಕ!

ಇದಕ್ಕೆಲ್ಲ ಅಲ್ಲೇ ನಿಂತಿದ್ದ ಬಾಲಕನ ತಂದೆ ಹಾಗೂ ಬೆರಳೆಣಿಕೆಯ ಸಿಬ್ಬಂದಿಗಳು ಸಾಕ್ಷಿಯಾದರು. ಬಾಲಕನ ತಂದೆ ಡಿ. ಮಹೇಶ್ ಕುಮಾರ್ ಅವರು ಮಂಗಳೂರು ಸ್ಮಾರ್ಟ್ ಸಿಟಿ ಕಂಪನಿ ಲಿಮಿಟೆಡ್‌ನಲ್ಲಿ ಮೊನ್ನೆ ಮೊನ್ನೆವರೆಗೂ ಜನರಲ್ ಮ್ಯಾನೇಜರ್ ಆಗಿ ಕಾರ್ಯನಿರ್ವಹಿಸಿದ್ದರು. ಪ್ರಸ್ತುತ ಅವರು ಶಿವಮೊಗ್ಗ ಸ್ಮಾರ್ಟ್ ಸಿಟಿ ಕಂಪನಿಯಲ್ಲಿ ಜನರಲ್ ಮ್ಯಾನೇಜರ್ ಆಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ.

ರಾಜ್ಯದಲ್ಲಿ ವೇಗ ಪಡೆದ ಕೊರೊನಾ ಟೆಸ್ಟ್‌, ಮುಗಿದ ಎಲ್ಲ ಸೋಂಕಿತ ಸಂಪರ್ಕಿತರ ಪರೀಕ್ಷೆ

ಅಪ್ಪ-ಅಮ್ಮ ದಿನ ಉಳಿತಾಯದ ಪಾಠ ಮಾಡುತ್ತಿದ್ದರು. ಪಿಗ್ಗಿ ಡಬ್ಬದಲ್ಲಿ ನಾನು ಹಣ ಕೂಡಿಡುತ್ತಿದ್ದೆ. ಹಾಗೆ ಕಷ್ಟದಲ್ಲಿ ಇರುವವರಿಗೆ ಸಹಾಯ ಮಾಡಬೇಕೆಂದು ಅಪ್ಪ ಆಗಾಗ ಹೇಳುತ್ತಿದ್ದರು. ಕೊರೊನಾ ಬಂದಿರುವುದರಿಂದ ಹಣವನ್ನು ಸಂಕಷ್ಟದಲ್ಲಿರುವವರಿಗೆ ನೀಡಿದ್ದೇನೆ. ಮತ್ತೆ ಹಣ ಉಳಿತಾಯ ಮಾಡುತ್ತೇನೆ ಎಂದು ಬಾಲಕ ಧಾರ್ಮಿಕ್‌ ತನ್ನ ಸಾರ್ಥಕ ಕಾರ್ಯದ ಬಗ್ಗೆ ಅನುಭವ ಹಂಚಿಕೊಂಡರು.

ಹಿಂದೂ-ಮುಸ್ಲಿಂ ಎಂಬುದನ್ನು ಬದಿಗಿಟ್ಟು ರಕ್ತದ ಪ್ಲಾಸ್ಮಾ ದಾನ ಮಾಡಿ: ದಿಲ್ಲಿ ಸಿಎಂ ಕೇಜ್ರಿವಾಲ್‌

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ