27ರಿಂದ ಮಂಗಳೂರು- ದಿಲ್ಲಿಇಂಡಿಗೋ ವಿಮಾನ ಸೇವೆ

ವಿಕ ಸುದ್ದಿಲೋಕ ಮಂಗಳೂರು

Vijaya Karnataka Web

ಮಂಗಳೂರಿನಿಂದ ಹೊಸದಿಲ್ಲಿಗೆ ಇಂಡಿಗೋ ವಿಮಾನ ಯಾನ ಸಂಸ್ಥೆ ಅ.27ರಿಂದ ನೇರ ಸಂಚಾರ ಆರಂಭಿಸಲಿದ್ದು, ರಾಜಧಾನಿಗೆ ಸಂಚರಿಸುವ ಪ್ರಯಾಣಿಕರಿಗೆ ಮತ್ತಷ್ಟು ಅನುಕೂಲ ಆಗಲಿದೆ.

180 ಆಸನಗಳಿರುವ ಇಂಡಿಗೋ ವಿಮಾನ ಹೊಸದಿಲ್ಲಿಯಿಂದ ಮಧ್ಯಾಹ್ನ 2.05ಕ್ಕೆ ಹೊರಟು ಸಂಜೆ 4.55ಕ್ಕೆ ಮಂಗಳೂರು ತಲುಪಲಿದೆ. ಮಂಗಳೂರಿನಿಂದ ಸಂಜೆ 5.30ಕ್ಕೆ ಹೊರಡುವ ವಿಮಾನ ರಾತ್ರಿ 8.10ಕ್ಕೆ ಹೊಸದಿಲ್ಲಿತಲುಪಲಿದೆ. ಅದೇ ವಿಮಾನ ಮತ್ತೆ ಮರುದಿನ ಹೊಸದಿಲ್ಲಿಯಿಂದ ಮಂಗಳೂರಿಗೆ ಆಗಮಿಸಲಿದೆ ಎಂದು ತಿಳಿದು ಬಂದಿದೆ.

ಈಗಾಗಲೇ ಮಂಗಳೂರು-ಹೊಸದಿಲ್ಲಿಮಾರ್ಗದಲ್ಲಿಸೈಸ್‌ ಜೆಟ್‌ ವಿಮಾಯ ಸಂಸ್ಥೆ ಸಂಚಾರ ನಡೆಸುತ್ತಿದ್ದು, ಇಂಡಿಗೋ ವಿಮಾನ ಸಂಚಾರದಿಂದ ಇದೇ ಮೊದಲ ಬಾರಿಗೆ ದಿಲ್ಲಿಗೆ ಪ್ರತಿದಿನ ಎರಡು ವಿಮಾನ ಸೇವೆ ಲಭ್ಯವಾಗಲಿದೆ. ಈ ಮೊದಲು ಹೊಸದಿಲ್ಲಿಗೆ ಮಂಗಳೂರಿನಿಂದ ಸಂಚರಿಸುತ್ತಿದ್ದ ಜೆಟ್‌ ಏರ್‌ವೇಸ್‌ ಹಣಕಾಸು ಮುಗ್ಗಟ್ಟಿನಿಂದ ಸಂಚಾರ ನಿಲ್ಲಿಸಿದ್ದರಿಂದ ಸುಮಾರು ನಾಲ್ಕು ತಿಂಗಳುಗಳ ಕಾಲ ದಿಲ್ಲಿಗೆ ನೇರ ವಿಮಾನಯಾನವೇ ಇರಲಿಲ್ಲ. ದಿಲ್ಲಿಗೆ ಹೋಗಬೇಕಾದರೆ ಬೆಂಗಳೂರು ಅಥವಾ ಮುಂಬಯಿಗೆ ಹೋಗಿ ದಿಲ್ಲಿಗೆ ತೆರಳಬೇಕಾಗಿತ್ತು.