ಆ್ಯಪ್ನಗರ

ಮುಂಗಾರು ಪ್ರವೇಶ ಆರಂಭದಲ್ಲೇ ದುರ್ಬಲ

ರಾಜ್ಯಕ್ಕೆ ಮುಂಗಾರು ಶುಕ್ರವಾರ ಪ್ರವೇಶಿಸಿದ್ದು, ಆರಂಭದಲ್ಲೇ ದುರ್ಬಲಗೊಂಡಿದೆ. ಶುಕ್ರವಾರ ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಒಂದೆರಡು ಮಳೆ ಬಿಟ್ಟರೆ ಬೆಳಗ್ಗಿನಿಂದಲೇ ಬಿಸಿಲಿನ ವಾತಾವರಣ ನೆಲೆಸಿತ್ತು. ಸೆಕೆಯೂ ಜಾಸ್ತಿ ಇತ್ತು.

Vijaya Karnataka 15 Jun 2019, 3:54 pm
Vijaya Karnataka Web mansoon entered to state
ಮುಂಗಾರು ಪ್ರವೇಶ ಆರಂಭದಲ್ಲೇ ದುರ್ಬಲ
ಮಂಗಳೂರು: ರಾಜ್ಯಕ್ಕೆ ಮುಂಗಾರು ಶುಕ್ರವಾರ ಪ್ರವೇಶಿಸಿದ್ದು, ಆರಂಭದಲ್ಲೇ ದುರ್ಬಲಗೊಂಡಿದೆ. ಶುಕ್ರವಾರ ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಒಂದೆರಡು ಮಳೆ ಬಿಟ್ಟರೆ ಬೆಳಗ್ಗಿನಿಂದಲೇ ಬಿಸಿಲಿನ ವಾತಾವರಣ ನೆಲೆಸಿತ್ತು. ಸೆಕೆಯೂ ಜಾಸ್ತಿ ಇತ್ತು.

ರಾಜ್ಯದ ದಕ್ಷಿಣ ಕನ್ನಡ, ಕೊಡಗು ಹಾಗೂ ಮೈಸೂರು ಜಿಲ್ಲೆಗಳಿಗೆ ಶುಕ್ರವಾರ ಮಧ್ಯಾಹ್ನ ಮುಂಗಾರು ಪ್ರವೇಶಿಸಿದೆ ಎಂದು ಭಾರತೀಯ ಹವಾಮಾನ ಇಲಾಖೆ ಪ್ರಕಟಿಸಿದೆ.

ಜಿಲ್ಲೆಯಲ್ಲಿ ಆರಂಭದ ಒಂದೆರಡು ದಿನ ಮುಂಗಾರು ದುರ್ಬಲವಾಗಿ ಕಾಣಿಸಿಕೊಳ್ಳಲಿದೆ. ದಿನಕ್ಕೆ ಒಂದೆರಡು ಮಳೆ ಬೀಳಲಿದೆ. ನಂತರದ ದಿನಗಳಲ್ಲಿ ಕರಾವಳಿಯಲ್ಲಿ ಮುಂಗಾರು ಚುರುಕುಗೊಳ್ಳಲಿದೆ ಎಂದು ಕರ್ನಾಟಕ ರಾಜ್ಯ ನೈಸರ್ಗಿಕ ವಿಕೋಪ ಉಸ್ತುವಾರಿ ಕೇಂದ್ರದ ವಿಜ್ಞಾನಿ ಎಸ್‌.ಎಂ. ಗಾವಸ್ಕರ್‌ ಶುಕ್ರವಾರ ವಿಜಯ ಕರ್ನಾಟಕಕ್ಕೆ ತಿಳಿಸಿದ್ದಾರೆ.

ಜಿಲ್ಲೆಯಲ್ಲಿ ಚಂಡಮಾರುತದ ಪರಿಣಾಮ ಸೋಮವಾರದಿಂದ ಮಳೆಯಾಗುತ್ತಿತ್ತು. ಗುರುವಾರ ಇಡೀ ದಿನ ಗುಡುಗು- ಮಿಂಚು, ಗಾಳಿ ಸಹಿತ ತೀವ್ರ ಮಳೆಯಾಗಿತ್ತು. ಸಿಡಿಲಾಘಾತಕ್ಕೆ ದಕ, ಉಡುಪಿ ಜಿಲ್ಲೆಗಳಲ್ಲಿ ಇಬ್ಬರು ಸಾವನ್ನಪ್ಪಿದ್ದರು. ಚಂಡಮಾರುತ ಪ್ರಭಾವ ಕುಗ್ಗುತ್ತಿದ್ದಂತೆ ಜಿಲ್ಲೆಯಲ್ಲಿ ಮಳೆ ಕ್ಷೀಣಿಸಿದೆ.

ಮಳೆ ವಿವರ

ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಜೂ.13ರಂದು ಬೆಳಗ್ಗೆ 9 ಗಂಟೆಯಿಂದ ಜೂ. 14ರ ಬೆಳಗ್ಗೆ 9 ಗಂಟೆ ವರೆಗೆ 44.7 ಮಿಮೀ. ಮಳೆಯಾಗಿದೆ. ಜಿಲ್ಲೆಯಲ್ಲಿ ಬಿದ್ದ ತಾಲೂಕುವಾರು ಸರಾಸರಿ ಮಳೆ ವಿವರ: ಬಂಟ್ವಾಳ- 77.0 ಮಿಮೀ., ಬೆಳ್ತಂಗಡಿ- 52.0 ಮಿಮೀ., ಮಂಗಳೂರು- 52.6 ಮಿಮೀ., ಪುತ್ತೂರು-31.0 ಮಿಮೀ., ಸುಳ್ಯ- 11.0 ಮಿಮೀ.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ