ಚಿಕಿತ್ಸೆ ಫಲಕಾರಿಯಾಗದೇ ಮಗು ಸಾವು

ಬೆಳ್ತಂಗಡಿ: ಉಜಿರೆ ಗ್ರಾಮದ ಓಡಲ ಎಂಬಲ್ಲಿ ಸೋಮವಾರ ತನ್ನ ಮಕ್ಕಳೊಂದಿಗೆ ಆತ್ಮಹತ್ಯೆಗೆ ಪ್ರಯತ್ನಿಸಿದ್ದ ಮಹಿಳೆ ಸಾವಿಗೀಡಾದ ಪ್ರಕರಣದಲ್ಲಿ ಚಿಂತಾಜನಕ ಸ್ಥಿತಿಯಲ್ಲಿದ್ದ ಅವಳಿ ಹೆಣ್ಣು ಮಕ್ಕಳಿಬ್ಬರಲ್ಲಿ ಒಂದು ಮಗು ಚಿಕಿತ್ಸೆ ಫಲಕಾರಿಯಾಗದೇ ಮಂಗಳವಾರ ಮಂಗಳೂರಿನ ಆಸ್ಪತ್ರೆಯಲ್ಲಿ ಮೃತಪಟ್ಟಿದೆ.

ಶಿವಮೊಗ್ಗ ಜಿಲ್ಲೆಯ ಸಾಗರ ತಾಲೂಕಿನ ಬೀಸನಗದ್ದೆ ನಿವಾಸಿ ಬೇಬಿ(23) ಅವರನ್ನು ಪ್ರವೀಣ ಎಂಬವರು ವಿವಾಹವಾಗಿದ್ದು, ಪ್ರಸ್ತುತ ಉಜಿರೆ ಓಡಲ ಎಂಬಲ್ಲಿ ಬಾಡಿಗೆ ಮನೆಯಲ್ಲಿ ವಾಸವಾಗಿದ್ದರು.

ಗಂಡ-ಹೆಂಡತಿಯ ನಡುವೆ ನಡೆದ ಕ್ಷ ುಲ್ಲಕ ವಿಷಯಕ್ಕೆ ಮನನೊಂದು ಸೋಮವಾರ ಮಧ್ಯಾಹ್ನ ಬೇಬಿ ತನ್ನ ಎರಡೂವರೆ ವರ್ಷದ ಹೆಣ್ಣು ಮಕ್ಕಳಾದ ಅಕ್ಷ ರ ಮತ್ತು ಅಪ್ಸರಾ ನೇಣು ಬಿಗಿದು ಆತ್ಮಹತ್ಯೆಗೆ ಪ್ರಯತ್ನಿಸಿದ್ದರು.

ಸ್ಥಳೀಯರು ಮೂವರನ್ನು ರಕ್ಷಿಸಲು ಪ್ರಯತ್ನಿಸಿದ್ದು, ಸೋಮವಾರ ಬೇಬಿ ಅವರು ಮೃತಪಟ್ಟಿದ್ದರು. ಮಕ್ಕಳಿಬ್ಬರನ್ನು ಮಂಗಳೂರಿನ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಅದರಲ್ಲಿ ಅಪ್ಸರಾ ಚಿಕಿತ್ಸೆ ಫಲಕಾರಿಯಾಗದೇ ಸಾವನ್ನಪ್ಪಿದ್ದಾಳೆ.