ಮೂಲ್ಕಿ: ರಾಜ್ಯ ಹೆದ್ದಾರಿಯಲ್ಲಿ ಅನಧಿಕೃತ ಬೈಕ್‌ ಪಾರ್ಕಿಂಗ್‌-ಪೊಲೀಸರ ಕಾಯಾ೯ಚರಣೆ

ಮೂಲ್ಕಿ: ಅನಧಿಕೃತವಾಗಿ ಹೆದ್ದಾರಿ ಬದಿ ದ್ವಿಚಕ್ರ ವಾಹನ ಪಾರ್ಕಿಂಗ್‌ ಮಾಡಿದವರ ವಿರುದ್ಧ ಸುರತ್ಕಲ್‌ ಸಂಚಾರಿ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಇಲ್ಲಿನ ರಾಜ್ಯ ಹೆದ್ದಾರಿಯ ಮೂಲ್ಕಿ ಬಿಲ್ಲವ ಸಂಘದ ಬಳಿಯಲ್ಲಿ ಅಡ್ಡಾದಿಡ್ಡಿ ವಾಹನ ಪಾರ್ಕಿಂಗ್‌ ಮಾಡಿದವರ ವಿರುದ್ಧ ಸೋಮವಾರ ಬೆಳಗ್ಗೆ ಸುರತ್ಕಲ್‌ ಟ್ರಾಫಿಕ್‌ ಪೊಲೀಸರು ಕಾರಾರ‍ಯಚರಣೆ ನಡೆಸಿ ಬೈಕ್‌ ಪಾರ್ಕಿಂಗ್‌ ಮಾಡಿದವರ ನಂಬರುಗಳನ್ನು ಬರೆದುಕೊಂಡು ಬೈಕ್‌ ಸವಾರರ ವಿರುದ್ಧ ಸ್ವಯಂಪ್ರೇರಿತ ಕೇಸು ದಾಖಲಿಸಿದ್ದಾರೆ.

ಸಂಚಾರಿ ಪೊಲೀಸ್‌ ಉಮೇಶ್‌ ಮಾತನಾಡಿ, ರಾಜ್ಯ ಹೆದ್ದಾರಿ ಬಳಿಯಲ್ಲಿ ಬೈಕು ನಿಲುಗಡೆಗೊಳಿಸಿರುವುದು ತೀರಾ ಅಪಾಯಕಾರಿಯಾಗಿದೆ.ಮೂಲ್ಕಿ ಹೋಬಳಿಯ ಹಳ್ಳಿಗಳಿಂದ ಬರುವ ಬೈಕ್‌ ಸವಾರರು ಹೆದ್ದಾರಿ ಬದಿಯಲ್ಲಿ ಬೈಕ್‌ ಪಾರ್ಕೀಂಗ್‌ ಮಾಡಿ ತಮ್ಮ ದೈನಂದಿನ ಕೆಲಸಗಳಿಗೆ ಮಂಗಳೂರು ಮತ್ತಿತರ ಪ್ರದೇಶಗಳಿಗೆ ಹೋಗುತ್ತಿರುತ್ತಾರೆ.ತೀರಾ ಇಕ್ಕಟ್ಟಾಗಿರುವ ಮೂಲ್ಕಿ ಬಿಲ್ಲವ ಸಂಘದ ಬಳಿಯ ಕಿನ್ನಿಗೋಳಿ ರಾಜ್ಯ ಹೆದ್ದಾರಿ ಜನನಿಬಿಡ ಪ್ರದೇಶವಾಗಿದ್ದು ಪಾದಚಾರಿಗಳಿಗೆ ನಡೆದಾಡಲು ಕೂಡ ಕಷ್ಟವಾಗುತ್ತಿದೆ, ಬೈಕು ಸವಾರರಿಗೆ ಸೂಕ್ತ ಜಾಗ ಒದಗಿಸಿ ಪಾರ್ಕಿಂಗ್‌ ವ್ಯವಸ್ಥೆ ಕಲ್ಪಿಸುವುದು ಮೂಲ್ಕಿ ನಗರ ಪಂಚಾಯಿತಿಗೆ ಬಿಟ್ಟ ವಿಚಾರ ಎಂದು ಹೇಳಿದ್ದಾರೆ.