ಮೂಲ್ಕಿ ನಪಂ:ವಾಹನ ಸಂಚಾರ ನಿಷೇಧ

ಮೂಲ್ಕಿ: ಇಲ್ಲಿನ ಕಿನ್ನಿಗೋಳಿ ಕಡೆ ತೆರಳುವ ಮೂಲ್ಕಿ ವಿಜಯಾ ಬ್ಯಾಂಕ್‌ ಬಳಿಯಿಂದ ಕಾರ್ನಾಡು ಜಂಕ್ಷ ನ್‌ಗೆ ತೆರಳುವ ರಸ್ತೆಯಲ್ಲಿ ಕಾಂಕ್ರೀಟ್‌ ಕಾಮಗಾರಿ ನಡೆಯಲಿರುವ ಹಿನ್ನೆಲೆಯಲ್ಲಿ ಶನಿವಾರದಿಂದ ಆ. 31ರವರೆಗೆ ವಾಹನ ಸಂಚಾರ ನಿಷೇಧಿಸಲಾಗಿದೆ.

ನಪಂ ಪರವಾಗಿ ಕೆ.ಯು.ಐ.ಡಿ.ಎಫ್‌.ಸಿ. ವತಿಯಿಂದ ಕುಡಿಯುವ ನೀರು ಸರಬರಾಜು ಯೋಜನೆಗೆ ಸಂಬಂಧಿಸಿದಂತೆ, ವಿಜಯ ಬ್ಯಾಂಕ್‌-ಕಾರ್ನಾಡ್‌ ವೃತ್ತದವರೆಗಿನ ರಸ್ತೆಯಲ್ಲಿ ಕಾಂಕ್ರೀಟ್‌ ಕಾಮಗಾರಿ ಕೈಗೊಳ್ಳಲಾಗುತ್ತಿದೆ. ಈ ಹಿನ್ನೆಲೆಯಲ್ಲಿ ಅಗಸ್ಟ್‌ 3ರಿಂದ 31ರವರೆಗೆ ಈ ರಸ್ತೆಯಲ್ಲಿ ತುರ್ತು ವಾಹನಗಳನ್ನು ಹೊರತು ಪಡಿಸಿ ಬೇರೆ ವಾಹನಗಳ ಸಂಚಾರವನ್ನು ನಿಷೇಧಿಸಲಾಗಿದೆ. ಸಾರ್ವಜನಿಕರು ಬದಲಿ ಮಾರ್ಗವಾದ ಕಾರ್ನಾಡ್‌ ಬೈಪಾಸ್‌ ರಸ್ತೆಯನ್ನು ಬಳಸುವಂತೆ ವಿನಂತಿಸಲಾಗಿದೆ.