ಏರ್‌ಪೋರ್ಟ್‌ಗೆ ಆ.1ರಿಂದ ಹೊಸ ಪಾರ್ಕಿಂಗ್‌ ದರ

ಮಂಗಳೂರು: ಭಾರತೀಯ ವಿಮಾನ ನಿಲ್ದಾಣಗಳ ಪ್ರಾಧಿಕಾರದ ನೂತನ ಪಾರ್ಕಿಂಗ್‌ ನೀತಿ ಆ.1ರಿಂದ ಜಾರಿಗೆ ಬರಲಿದ್ದು, ಪರಿಷ್ಕೃತ ಪಾರ್ಕಿಂಗ್‌ ದರ ವಿಧಿಸಲಾಗಿದೆ.

ಮೊದಲ ಅರ್ಧಗಂಟೆಗೆ ಬಸ್‌, ಟ್ರಕ್‌ಗೆ 30 ರೂ., ಕಾರ್‌ ಇತ್ಯಾದಿ ಲಘುವಾಹನಗಳಿಗೆ 20 ರೂ., ದ್ವಿಚಕ್ರ ವಾಹನಗಳಿಗೆ 10 ರೂ., ಅರ್ಧಗಂಟೆಯಿಂದ 2 ಗಂಟೆ ತನಕ ಬಸ್‌, ಟ್ರಕ್‌ಗೆ 70 ರೂ, ಟೆಂಪೊ, ಎಸ್‌ಯುವಿ, ಮಿನಿಬಸ್‌ಗೆ 60 ರೂ, ಕಾರುಗಳಿಗೆ 55 ರೂ. ದ್ವಿಚಕ್ರ ವಾಹನಗಳಿಗೆ 15 ರೂ., 2 ಗಂಟೆ ಬಳಿಕ 7 ಗಂಟೆ ತನಕವೂ ಪ್ರತಿ ಗಂಟೆಗೆ ಘನವಾಹನಗಳಿಗೆ 10 ರೂ.ನಂತೆ ಜಾಸ್ತಿ ಹಾಗೂ ದ್ವಿಚಕ್ರ ವಾಹನಗಳಿಗೆ 5 ರೂ.ನಂತೆ ಜಾಸ್ತಿಯಾಗಲಿದೆ. 7ರಿಂದ 24 ಗಂಟೆ ವರೆಗೆ 30 ನಿಮಿಷ-120 ನಿಮಿಷ ಸ್ಲಾಬ್‌ನ ಶೇ. 300ರಷ್ಟು ಹೆಚ್ಚು ದರ ವಿಧಿಸಲಾಗುವುದು.

ನಿಗದಿತ ಪಾರ್ಕಿಂಗ್‌ ಜಾಗಕ್ಕೆ ಪ್ರವೇಶಕ್ಕೆ ಮಾತ್ರ ಈ ದರಗಳು ಅನ್ವಯ, ಒಂದು ವೇಳೆ ಪ್ರವೇಶ, ನಿರ್ಗಮನ ರಸ್ತೆ ಪಕ್ಕ 3 ನಿಮಿಷಕ್ಕಿಂತ ಹೆಚ್ಚು ಕಾಲ ನಿಲ್ಲಿಸುವುದು ಕಂಡು ಬಂದಲ್ಲಿ 30 ನಿಮಿಷ-120 ನಿಮಿಷ ಸ್ಲಾಬ್‌ನ ನಾಲ್ಕು ಪಟ್ಟು ದಂಡ ವಿಧಿಸಲಾಗುವುದು ಎಂದು ಪ್ರಕಟಣೆ ತಿಳಿಸಿದೆ.