ಮಂಗಳೂರು: ಕ್ರಿಸ್‌ಮಸ್‌ ಉಡುಗೊರೆ ನೆಪದಲ್ಲಿ 1.29 ಲಕ್ಷ ಮೋಸ, ನಗರದಲ್ಲಿ ಹೆಚ್ಚುತ್ತಿದ್ದ ಸೈಬರ್‌ ಖದೀಮರ ವಂಚನೆ!

ಮಂಗಳೂರು: ಕ್ರಿಸ್‌ಮಸ್‌ ಉಡುಗೊರೆ ನೀಡುವುದಾಗಿ ಹೇಳಿ ವ್ಯಕ್ತಿಯೊಬ್ಬನಿಗೆ 1,29,300 ರೂ. ವಂಚಿಸಿರುವ ಬಗ್ಗೆ ನಗರದ ಸೈಬರ್‌ ಕ್ರೈಂ ಪೊಲೀಸ್‌ ಠಾಣೆಯಲ್ಲಿಪ್ರಕರಣ ದಾಖಲಾಗಿದೆ. ಡಿ.15ರಂದು ವ್ಯಕ್ತಿಯೋರ್ವರಿಗೆ ಅಪರಿಚಿತನೊಬ್ಬ ಕರೆ ಮಾಡಿದ್ದು, ತಾನು ನೆಲ್ಸನ್‌ ವಿಲಿಯಮ್ಸ್‌ ಎಂದು ಪರಿಚಯಿಸಿಕೊಂಡು ಕ್ರಿಸ್‌ಮಸ್‌ ಉಡುಗೊರೆ ಕೊಡುವುದಾಗಿ ಹೇಳಿದ್ದಾನೆ.

ಆದರೆ ಕರೆ ಸ್ವೀಕರಿಸಿದ ವ್ಯಕ್ತಿ ಉಡುಗೊರೆ ಪಡೆಯಲು ನಿರಾಕರಿಸಿದ್ದಾರೆ. ಅನಂತರ ಡಿ.21ರಂದು ಮತ್ತೊಂದು ಸಂಖ್ಯೆಯಿಂದ ವ್ಯಕ್ತಿ ಕರೆ ಮಾಡಿ ತಾನು ಕಸ್ಟಮ್‌ ಅಧಿಕಾರಿಯಾಗಿದ್ದು ಉಡುಗೊರೆ ಬಿಡಿಸಿಕೊಳ್ಳಲು ಹಣ ನೀಡಬೇಕೆಂದು ನಂಬಿಸಿದ್ದು, ಈ ಸಂದರ್ಭ ಬ್ಯಾಂಕ್‌ ಖಾತೆ ಸಂಖ್ಯೆ ನೀಡಿದ್ದಾನೆ. ಈ ಬಗ್ಗೆ ದೂರು ದಾಖಲಾಗಿದೆ.

ಇತ್ತೀಚೆಗೆ ಮಂಗಳೂರಿನ ಮಹಿಳೆಯೊಬ್ಬರಿಗೆ ವಿದೇಶದಲ್ಲಿ ಇರುವ ವ್ಯಕ್ತಿಯ ಪರಿಚಯ ಫೇಸ್‌ಬುಕ್‌ನಲ್ಲಿ ಆಗಿತ್ತು. ಸ್ವಲ್ಪ ಹೆಚ್ಚಾಗೇ ಕ್ಲೋಸ್‌ ಆಗಿದ್ದರು. ಒಂದು ದಿನ ಗಿಫ್ಟ್‌ ಕಳುಹಿಸುವುದಾಗಿ ತನ್ನ ಅಕೌಂಟ್‌ಗೆ ಮಹಿಳೆಯಿಂದ ಹಣ ಹಾಕಿಸಿದ್ದ ಭೂಪ ನಂತರ ನಾಪತ್ತೆಯಾಗಿದ್ದ. ಇಂತಹ ಹಲವು ಘಟನೆಗಳು ಇದೀಗ ಮಂಗಳೂರು ನಗರದಲ್ಲಿ ನಡೆದಿದೆ.
ವಿದ್ಯಾರ್ಥಿ‌ ಪಾಸ್‌ಗೆ ಹಠಾತ್‌ ಬೇಡಿಕೆ ಆನ್‌ಲೈನ್‌ ಅರ್ಜಿ ಸಲ್ಲಿಸಲು ಅವಕಾಶ, ದರ ಬದಲಾವಣೆಯಿಲ್ಲ