ಅಮೆರಿಕದಲ್ಲಿ ಪಟ್ಲ ಫೌಂಡೇಶನ್‌ ಟ್ರಸ್ಟ್‌ನ 34ನೇ ಘಟಕ ಉದ್ಘಾಟನೆ

ಮಂಗಳೂರು: ಅಮೆರಿಕದ ನ್ಯೂಜೆರ್ಸಿಯ ಶ್ರೀಕೃಷ್ಣ ವೃಂದಾವನದಲ್ಲಿ ಯಕ್ಷ ಧ್ರುವ ಪಟ್ಲ ಫೌಂಡೇಶನ್‌ ಟ್ರಸ್ಟ್‌ನ 34ನೇ ಘಟಕವನ್ನು ಆದಿಚುಂಚನಗಿರಿ ಮಠದ ಶ್ರೀ ನಿರ್ಮಲಾನಂದ ಸ್ವಾಮೀಜಿ ಉದ್ಘಾಟಿಸಿದರು.

2018ರ ಆ.15ರಂದು ಅಮೆರಿಕ ಘಟಕ ಸ್ಥಾಪನೆಗೆ ಅಮೆರಿಕ ಸರಕಾರ ಮಾನ್ಯತೆ ನೀಡಿತ್ತು. ಪಟ್ಲ ಫೌಂಡೇಶನ್‌ ಟ್ರಸ್ಟ್‌ ನಡೆದು ಬಂದ ದಾರಿಯನ್ನು ಸ್ಥಾಪಕಾಧ್ಯಕ್ಷ ಪಟ್ಲ ಸತೀಶ್‌ ಶೆಟ್ಟಿ ವಿವರಿಸಿದರು.

ನ್ಯೂಜೆರ್ಸಿಯ ಶ್ರೀಕೃಷ್ಣ ವೃಂದಾವನಕ್ಕೆ ಅಮೆರಿಕ ಘಟಕದ ಉದ್ಘಾಟನಾ ಸಮಾರಂಭಕ್ಕೆ ಆಗಮಿಸಿದ ಆದಿ ಚುಂಚನಗಿರಿ ಮಠದ ಶ್ರೀ ನಿರ್ಮಲಾನಂದ ಸ್ವಾಮೀಜಿ ು ಭಕ್ತಿಯ ದ್ಯೋತಕವಾಗಿ ಕೃಷ್ಣ ಮಠದ ಬಳಿ ಬಾಲವೃಕ್ಷ ವನ್ನು ನೆಟ್ಟು ಜಲಪ್ರೋಕ್ಷಣ ಮಾಡಿದರು.

ಪ್ರೇಮಾನಂದ ಸ್ವಾಮಿ, ಪ್ರಕಾಶ್‌ ಚಾರ, ವಾಸು ಐತಾಳ, ಶಾನಾಡಿ ಅಜಿತ್‌ ಕುಮಾರ್‌ ಹೆಗ್ಡೆ, ಸವಣೂರು ಸೀತಾರಾಮ ರೈ, ಕೇಂದ್ರಿಯ ಘಟಕದ ಸಂಘಟನಾ ಕಾರ್ಯದರ್ಶಿ ಕದ್ರಿ ನವನೀತ ಶೆಟ್ಟಿ, ಕೋಶಾಧಿಕಾರಿ ಸಿಎ ಸುದೇಶ್‌ ರೈ, ಶ್ರೀಪತಿ ಭಟ್‌, ಭಾಸ್ಕರ ರೈ ಕುಕ್ಕುವಳ್ಳಿ, ಸುಧಾಕರ ಪೂಂಜಾ ಹೊಸಬೆಟ್ಟು, ರವಿಚಂದ್ರ ಶೆಟ್ಟಿ ಅಶೋಕನಗರ ಮತ್ತಿತರರು ಉಪಸ್ಥಿತರಿದ್ದರು. ವಿದ್ವಾನ್‌ ಯೋಗೇಂದ್ರ ಭಟ್‌ ಸ್ವಾಗತಿಸಿ ಪ್ರಾಸ್ತಾವಿಕ ಮಾತುಗಳನ್ನಾಡಿದರು. ಸಭಾ ಕಾರ್ಯಕ್ರಮದ ನಂತರ ತಿರುಪತಿ ಮಹಾತ್ಮೆ ಯಕ್ಷ ಗಾನ ಕಾರ್ಯಕ್ರಮ ಜರುಗಿತು.