ಮಂಗಳೂರು: ಪ್ರಯಾಣಿಕರಿಂದ ತುಂಬಿ ತುಳುಕುವ ಬಸ್ಸನ್ನೇ ಹತ್ತುವ ಅವರು, ಸದಾ - ಸೀದಾ ಪ್ರಯಾಣಿಕರಂತೆ ಕಾಣುತ್ತಾರೆ..! ಹೊರ ರಾಜ್ಯದವರಾದ ಈ ಕಿರಾತಕರು, ಬಸ್‌ನಲ್ಲಿ ರಷ್‌ ಇರುವ ಕಡೆ ಸುತ್ತುವರಿದು ನಿಲ್ಲುತ್ತಾರೆ. ನೋಡ ನೋಡುತ್ತಿದ್ದಂತೆಯೇ ಕೆಲವೇ ಕ್ಷಣದಲ್ಲಿ ತಮ್ಮ ಬೇಳೆ ಬೇಯಿಸಿಕೊಂಡು ಇಳಿದು ಹೋಗುತ್ತಾರೆ. ಪ್ರಯಾಣಿಕನಿಗೆ ಪಿಕ್ ಪಾಕೆಟ್ ಆಗಿರುವುದು ಗೊತ್ತಾಗುವುದು, ಎಲ್ಲಾ ಮುಗಿದ ನಂತರವೇ..!
ಮಂಗಳೂರು ನಗರದ ಬಿಜೈಯ ವ್ಯಾಪಾರಿಯೊಬ್ಬರು ಸೋಮವಾರ ಮಧ್ಯಾಹ್ನ ತಮ್ಮ ಸಂಬಂಧಿಕರ ಮನೆಗೆ ಹೋಗಲು ತೊಕ್ಕೊಟ್ಟಿಗೆ ತೆರಳಿದ್ದಾರೆ. ಅಲ್ಲಿಂದ ಹರೇಕಳ ಪಾವೂರಿಗೆ ಹೋಗುವ ರೂಟ್‌ ನಂ. 55 ಬಸ್‌ ಹತ್ತಿದ್ದಾರೆ. ಬಸ್‌ನಲ್ಲಿ ಸಾಧಾರಣ ಪ್ರಯಾಣಿಕರಿದ್ದ ಕಾರಣ ನಿಂತೇ ಪ್ರಯಾಣಿಸಬೇಕಾಯಿತು. ಪಂಚೆಯನ್ನೇ ಧರಿಸುವ ಅವರು ಒಳಗೊಂದು ಬರ್ಮುಡಾ ಧರಿಸಿ ಅದರಲ್ಲಿ 7ಸಾವಿರ ರೂ. ಇಟ್ಟಿದ್ದರು. ಕಳ್ಳರು ಅತ್ಯಂತ ನಾಜೂಕಾಗಿ ಅವರ ಬರ್ಮುಡಾ ಜೇಬು ಹರಿದು ಅದರಲ್ಲಿದ್ದ 7,000 ರೂ. ನಗದನ್ನು ಲಪಟಾಯಿಸಿದ್ದರು. ಸಂಬಂಧಿಕರ ಮನೆಗೆ ತಲುಪಿದ ಬಳಿಕ ಕಳವಾಗಿರುವುದು ವ್ಯಾಪಾರಿಯ ಅರಿವಿಗೆ ಬಂದಿದೆ.
ಇದೇ ರೀತಿ ವಾರದ ಹಿಂದೆ ವಾಮನ್‌ ಶಕ್ತಿ ನಗರ ಎಂಬುವರು ಸಂಜೆ 6.30ರ ಹೊತ್ತಿಗೆ ಬಂಟ್ಸ್‌ ಹಾಸ್ಟೆಲ್‌ನಿಂದ ಕುಲಶೇಖರಕ್ಕೆ ಬಸ್‌ನಲ್ಲಿ ತೆರಳಿದ್ದು, ಇದೇ ಸಂದರ್ಭ ಅವರ ಪ್ಯಾಂಟ್‌ನ ಹಿಂಬದಿ ಜೇಬಿನಲ್ಲಿದ್ದ 2 ಸಾವಿರ ರೂ. ಹಣವನ್ನು ಕಳವು ಮಾಡಲಾಗಿತ್ತು.
ಬುರ್ಖಾ ಧರಿಸಿ ಮಾಸ್ಟರ್‌ ಪ್ಲ್ಯಾನ್‌..!
ಮಂಗಳೂರು ನಗರದ ವೆಲೆನ್ಸಿಯಾ ಸಮೀಪ ಎಟಿಎಂ ಹೊರ ಭಾಗದಲ್ಲಿ ನಿಂತ ಮಹಿಳೆಯೊಬ್ಬರು ಎಟಿಎಂನಲ್ಲಿ ಹಣ ಡ್ರಾ ಮಾಡಿ ಹೊರಗೆ ಬಂದ ವ್ಯಕ್ತಿಯ ಬಳಿ 'ನನಗೆ ಅರ್ಜಂಟ್‌ 4 ಸಾವಿರ ರೂ. ಕ್ಯಾಷ್‌ ಬೇಕಿದೆ. ನನ್ನ ಎಟಿಎಂ ಕಾರ್ಡ್‌ ಸರಿಯಿಲ್ಲ. ನಿಮ್ಮ ನಂಬರ್‌ ಕೊಡಿ, ನನ್ನ ಗಂಡನ ಮೊಬೈಲ್‌ನಿಂದ ನಿಮಗೆ ಗೂಗಲ್‌ ಪೇ ಮಾಡುತ್ತೇನೆ' ಎಂದು ಹೇಳಿ ಅವಸರಸವಾಗಿ ಮಾತನಾಡುತ್ತಾಳೆ. ಆ ಮಹಿಳೆಯ ದಯನೀಯ ಸ್ಥಿತಿಗೆ ಮರುಕ ಪಟ್ಟ ವ್ಯಕ್ತಿ 4 ಸಾವಿರ ರೂ. ಕ್ಯಾಷ್‌ ಕೊಟ್ಟು, ಮೊಬೈಲ್‌ ನಂಬರ್‌ ಪಡೆಯುತ್ತಾರೆ. ಕೂಡಲೇ ಮಹಿಳೆ, ರಿಕ್ಷಾ ಹಿಡಿದು ಅಲ್ಲಿಂದ ಎಸ್ಕೇಪ್‌ ಆಗುತ್ತಾಳೆ. ಸ್ವಲ್ಪ ಸಮಯದ ಬಳಿಕ ಮಹಿಳೆ ಕೊಟ್ಟ ಮೊಬೈಲ್‌ ನಂಬರ್‌ಗೆ ಕರೆ ಮಾಡಿದ್ರೆ 'ನಾಟ್‌ ರೀಚೆಬಲ್‌'..! ಬುರ್ಖಾ ಧರಿಸಿದ ಈ ಮಹಿಳೆ ಇದೇ ರೀತಿ ಈ ಹಿಂದೆಯೂ ಎರಡರಿಂದ ಮೂರು ಬಾರಿ ಮಂಗಳೂರು ನಗರದ ಎಟಿಎಂಗಳ ಬಳಿ ವಂಚನೆ ಮಾಡಿರುವುದಾಗಿ ತಿಳಿದು ಬಂದಿದೆ.
ಮಂಗಳೂರು ನಗರದ ಬಿಜೈಯ ವ್ಯಾಪಾರಿಯೊಬ್ಬರು ಸೋಮವಾರ ಮಧ್ಯಾಹ್ನ ತಮ್ಮ ಸಂಬಂಧಿಕರ ಮನೆಗೆ ಹೋಗಲು ತೊಕ್ಕೊಟ್ಟಿಗೆ ತೆರಳಿದ್ದಾರೆ. ಅಲ್ಲಿಂದ ಹರೇಕಳ ಪಾವೂರಿಗೆ ಹೋಗುವ ರೂಟ್‌ ನಂ. 55 ಬಸ್‌ ಹತ್ತಿದ್ದಾರೆ. ಬಸ್‌ನಲ್ಲಿ ಸಾಧಾರಣ ಪ್ರಯಾಣಿಕರಿದ್ದ ಕಾರಣ ನಿಂತೇ ಪ್ರಯಾಣಿಸಬೇಕಾಯಿತು. ಪಂಚೆಯನ್ನೇ ಧರಿಸುವ ಅವರು ಒಳಗೊಂದು ಬರ್ಮುಡಾ ಧರಿಸಿ ಅದರಲ್ಲಿ 7ಸಾವಿರ ರೂ. ಇಟ್ಟಿದ್ದರು. ಕಳ್ಳರು ಅತ್ಯಂತ ನಾಜೂಕಾಗಿ ಅವರ ಬರ್ಮುಡಾ ಜೇಬು ಹರಿದು ಅದರಲ್ಲಿದ್ದ 7,000 ರೂ. ನಗದನ್ನು ಲಪಟಾಯಿಸಿದ್ದರು. ಸಂಬಂಧಿಕರ ಮನೆಗೆ ತಲುಪಿದ ಬಳಿಕ ಕಳವಾಗಿರುವುದು ವ್ಯಾಪಾರಿಯ ಅರಿವಿಗೆ ಬಂದಿದೆ.
ಇದೇ ರೀತಿ ವಾರದ ಹಿಂದೆ ವಾಮನ್‌ ಶಕ್ತಿ ನಗರ ಎಂಬುವರು ಸಂಜೆ 6.30ರ ಹೊತ್ತಿಗೆ ಬಂಟ್ಸ್‌ ಹಾಸ್ಟೆಲ್‌ನಿಂದ ಕುಲಶೇಖರಕ್ಕೆ ಬಸ್‌ನಲ್ಲಿ ತೆರಳಿದ್ದು, ಇದೇ ಸಂದರ್ಭ ಅವರ ಪ್ಯಾಂಟ್‌ನ ಹಿಂಬದಿ ಜೇಬಿನಲ್ಲಿದ್ದ 2 ಸಾವಿರ ರೂ. ಹಣವನ್ನು ಕಳವು ಮಾಡಲಾಗಿತ್ತು.
ಬುರ್ಖಾ ಧರಿಸಿ ಮಾಸ್ಟರ್‌ ಪ್ಲ್ಯಾನ್‌..!
ಮಂಗಳೂರು ನಗರದ ವೆಲೆನ್ಸಿಯಾ ಸಮೀಪ ಎಟಿಎಂ ಹೊರ ಭಾಗದಲ್ಲಿ ನಿಂತ ಮಹಿಳೆಯೊಬ್ಬರು ಎಟಿಎಂನಲ್ಲಿ ಹಣ ಡ್ರಾ ಮಾಡಿ ಹೊರಗೆ ಬಂದ ವ್ಯಕ್ತಿಯ ಬಳಿ 'ನನಗೆ ಅರ್ಜಂಟ್‌ 4 ಸಾವಿರ ರೂ. ಕ್ಯಾಷ್‌ ಬೇಕಿದೆ. ನನ್ನ ಎಟಿಎಂ ಕಾರ್ಡ್‌ ಸರಿಯಿಲ್ಲ. ನಿಮ್ಮ ನಂಬರ್‌ ಕೊಡಿ, ನನ್ನ ಗಂಡನ ಮೊಬೈಲ್‌ನಿಂದ ನಿಮಗೆ ಗೂಗಲ್‌ ಪೇ ಮಾಡುತ್ತೇನೆ' ಎಂದು ಹೇಳಿ ಅವಸರಸವಾಗಿ ಮಾತನಾಡುತ್ತಾಳೆ. ಆ ಮಹಿಳೆಯ ದಯನೀಯ ಸ್ಥಿತಿಗೆ ಮರುಕ ಪಟ್ಟ ವ್ಯಕ್ತಿ 4 ಸಾವಿರ ರೂ. ಕ್ಯಾಷ್‌ ಕೊಟ್ಟು, ಮೊಬೈಲ್‌ ನಂಬರ್‌ ಪಡೆಯುತ್ತಾರೆ. ಕೂಡಲೇ ಮಹಿಳೆ, ರಿಕ್ಷಾ ಹಿಡಿದು ಅಲ್ಲಿಂದ ಎಸ್ಕೇಪ್‌ ಆಗುತ್ತಾಳೆ. ಸ್ವಲ್ಪ ಸಮಯದ ಬಳಿಕ ಮಹಿಳೆ ಕೊಟ್ಟ ಮೊಬೈಲ್‌ ನಂಬರ್‌ಗೆ ಕರೆ ಮಾಡಿದ್ರೆ 'ನಾಟ್‌ ರೀಚೆಬಲ್‌'..! ಬುರ್ಖಾ ಧರಿಸಿದ ಈ ಮಹಿಳೆ ಇದೇ ರೀತಿ ಈ ಹಿಂದೆಯೂ ಎರಡರಿಂದ ಮೂರು ಬಾರಿ ಮಂಗಳೂರು ನಗರದ ಎಟಿಎಂಗಳ ಬಳಿ ವಂಚನೆ ಮಾಡಿರುವುದಾಗಿ ತಿಳಿದು ಬಂದಿದೆ.