ಧರ್ಮ ಸಂಸತ್‌: ಪ್ರವೀಣ್ ತೊಗಾಡಿಯಾ ಆಗಮನ

ಮಂಗಳೂರು: ವಿಶ್ವ ಹಿಂದೂ ಪರಿಷತ್‌ನ ಅಂತಾರಾಷ್ಟ್ರೀಯ ಕಾರ್ಯಾಧ್ಯಕ್ಷ ಪ್ರವೀಣ್ ಭಾಯ್ ತೊಗಾಡಿಯಾ ಅವರು ಉಡುಪಿಯ ಧರ್ಮ ಸಂಸತ್‌ನಲ್ಲಿ ಭಾಗವಹಿಸುವ ನಿಟ್ಟಿನಲ್ಲಿ ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಗುರುವಾರ ಆಗಮಿಸಿದರು.

ಈ ಸಂದರ್ಭ ಮಾಧ್ಯಮದೊಂದಿಗೆ ಮಾತನಾಡಿದ ಅವರು,
ಉಡುಪಿ‌ ಧರ್ಮ ಸಂಸತ್ತಿನಲ್ಲಿ ಅಸ್ಪೃಶ್ಯತೆ, ಗೋ ಹತ್ಯೆ ನಿಷೇಧ, ಗೋ ರಕ್ಷಣೆ ಕುರಿತ ಕಾನೂನು ಚರ್ಚೆಯಾಗಲಿದೆ.
ರೈತರಿಗೆ ಪೂರಕ ಯೋಜನೆ ಕುರಿತ ವಿಷಯ,
ರಾಮಮಂದಿರ ನಿರ್ಮಾಣದ ಚರ್ಚೆ ನಡೆಯಲಿದ್ದು, ಈ ಬಗ್ಗೆ ಧರ್ಮ ಸಂಸತ್‌ನಲ್ಲಿ ತಿಳಿಸಲಾಗುವುದು ಎಂದರು.

ವಿವಾದದ ಸುಳಿಯಲ್ಲಿ ಸಿಲುಕಿರುವ ಪದ್ಮಾವತಿ ಚಿತ್ರ ಬ್ಯಾನ್ ಆಗಬೇಕಿದೆ ಎಂದು ಪ್ರವೀಣ್ ಭಾಯ್ ತೊಗಾಡಿಯಾ ಅವರು ಆಗ್ರಹಿಸಿದರು. ಬಳಿಕ ಮಂಗಳೂರು ವಿವಾನ ನಿಲ್ದಾಣದಿಂದ ಬಿಗಿ ಭದ್ರತೆಯಲ್ಲಿ ಉಡುಪಿಗೆ ತೆರಳಿದರು.